Click it and Unblock the Notifications
വിലക്കിനു കാരണം
കുറഞ്ഞ ഓവര് നിരക്കിലൂടെ അദ്ദേഹം തന്നെയാണ് ഇങ്ങനെയൊരു തിരിച്ചടിക്കു കാരണക്കാരനായത്. ഇതിനകം കുറഞ്ഞ ഓവര് നിരക്കിനെ തുടര്ന്ന് വില്ല്യംസണിനു പിഴ ചുമത്തിക്കഴിഞ്ഞു. ഇനിയൊരു കളിയില് കൂടി ഇതേ തെറ്റ് ആവര്ത്തിച്ചാല് തൊട്ടടുത്ത മല്സരത്തില് കിവീസ് നായകന് പുറത്തിരിക്കേണ്ടി വരും.
ശനിയാഴ്ച വെസ്റ്റ് ഇന്ഡീസിനെതിരേ ജയിച്ച മല്സരത്തിലാണ് കുറഞ്ഞ ഓവര് നിരക്ക് കാരണം വില്ല്യംസണിന് മാച്ച് ഫീയുടെ 20 ശതമാനം പിഴയടയ്ക്കേണ്ടി വന്നത്. ടീമിലെ മറ്റു കളിക്കാര്ക്ക് 10 ശതമാനവും പിഴ ചുമത്തിയിരുന്നു.
നിര്ണായക മല്സരങ്ങള്
സെമി ഫൈനല് കൈയെത്തുംദൂരത്താണെങ്കിലും ഇനിയുള്ള മൂന്നു മല്സരങ്ങളെ നിസാരമായി കാണാന് ന്യൂസിലാന്ഡിനാവില്ല. ശേഷിച്ച മൂന്നു മല്സരങ്ങളും കിവികള്ക്കു കടുപ്പമാവും. അടുത്ത മല്സരത്തില് പാകിസ്താനാണ് ന്യൂസിലാന്ഡിന്റെ എതിരാകള്. പാകിസ്താനെ സംബന്ധിച്ച് അവര്ക്കു സെമിയിലെത്താന് ജയിച്ചേ തീരൂ.
പിന്നീട് നിലവിലെ ചാംപ്യന്മാരായ ഓസ്ട്രേലിയ, ആതിഥേയരായ ഇംഗ്ലണ്ട് എന്നിവരുമായും കിവികള്ക്ക് ഏറ്റുമുട്ടാനുണ്ട്. ഈ രണ്ടു കളികളിലും ജയിക്കുക ന്യൂസിലാന്ഡിന് അതീവ ദുഷ്കരമാവും.
മിന്നുന്ന ഫോമില്
ന്യൂസിലാന്ഡിനായി തകര്പ്പന് പ്രകടനമാണ് വില്ല്യംസണ് ലോകകപ്പില് കാഴ്ച വച്ചുകൊണ്ടിരിക്കുന്നത്. പല മല്സരങ്ങളിലും നായകന്റെ കളി പുറത്തെടുത്ത അദ്ദേഹം ടീമിനെ മുന്നില് നിന്നു നയിക്കുകയും ചെയ്തിരുന്നു. കഴിഞ്ഞ രണ്ടു മല്സരങ്ങളിലും വില്ല്യംസണ് ടീമിനായി സെഞ്ച്വറിയോടെ കസറി. ദക്ഷിണാഫ്രിക്ക, വെസ്റ്റ് ഇന്ഡീസ് എന്നിവര്ക്കെതിരേയായിരുന്നു ഇത്. ഇവ രണ്ടിലും ടീം ജയിക്കുകയും ചെയ്തു. അഞ്ചു ഇന്നിങ്സുകളില് നിന്നും 186.50 ശരാശരിയില് 373 റണ്സ് വില്ല്യംസണ് ഇതിനകം നേടിക്കഴിഞ്ഞു.
Continue with Google