ടി10 ലീഗില് കളിച്ചു
അബുദാബിയില് ഈ വര്ഷം നടന്ന ടി10 ക്രിക്കറ്റ് ലീഗില് കളിച്ചുവെന്നതാണ് താംബെയെ കുടുക്കിയിരിക്കുന്നത്. ബിസിസിഐയുടെ നിയാമവലി അനുസരിച്ച് കരാറുള്ള ഒരു ഇന്ത്യന് താരത്തിനും ഏതെങ്കിലും ടി10, ടി20 ലീഗുകളില് കളിക്കാന് അനുമതിയില്ല. ഇതു ലംഘിച്ച് ടി10 ലീഗില് കളിച്ച താംബെയെ എങ്ങനെ ഐപിഎല്ലില് കളിക്കാന് അനുവദിക്കുമെന്നതാണ് കുഴക്കുന്ന ചോദ്യം.
ഈ വിഷയത്തില് ബിസിസിഐ ഉടന് നടപടി സ്വീകരിക്കും. കുറ്റക്കാരനെന്നു തെളിഞ്ഞാല് അടുത്ത ഐപിഎല്ലില് നിന്നും താംബെയെ വിലക്കുകയും ചെയ്യു.
നടത്തിയത് നിയമലംഘനം തന്നെ
താംബെ നടത്തിയത് നിയമലംഘനം തന്നെയാണ് ഐപിഎല് ഭരണസമിതി ചെയര്മാന് ബ്രിജേഷ് പട്ടേല് ചൂണ്ടിക്കാട്ടി. താംബെ ബിസിസിഐയുമായി കരാറുള്ള കളിക്കാരനാണ്. അങ്ങനെയൊരാള്ക്കു തീര്ച്ചയായും ടി10 ലീഗില് പങ്കെടുക്കാന് അനുമതിയില്ലെന്നും അദ്ദേഹം വ്യക്തമാക്കി.
ഏകദിനം, ത്രിദിനം, ചതുര്ദിനം എന്നിവയിലൊക്കെ ബിസിസിഐയുമായി കരാറുള്ളവര്ക്കു കളിക്കാം. കൗണ്ടി ക്രിക്കറ്റില് കളിക്കാനും തടസ്സമില്ല. ഇവയ്ക്കു മുമ്പ് ബിസിസിഐ, സംസ്ഥാന അസോസിയേഷന് എന്നിവയില് നിന്നും താരം അനുമതി വാങ്ങണം. താംബെയുടെ വിഷയത്തെ ഗൗരവമായി തന്നെ കാണുന്നു. എന്തു സംഭവിക്കുമെന്നു നമുക്ക് നോക്കാമെന്നും പട്ടേല് വിശദമാക്കി.
41ാം വയസ്സില് അരങ്ങേറി
41ാം വയസ്സിലാണ് താംബെ ഐപിഎല്ലില് അരങ്ങേറ്റം കുറിക്കുന്നത്. 2013 സീസണില് രാജസ്ഥാന് റോയല്സിനു വേണ്ടിയാണ് അദ്ദേഹം ആദ്യമായി കളിക്കുന്നത്. ഇതേ സീസണിലെ ചാംപ്യന്സ് ലീഗ് ടി20യില് ഏറ്റവുമധികം വിക്കറ്റെടുത്തത് താംബെയായിരുന്നു. അഞ്ചു മല്സരങ്ങളില് നിന്നും 12 വിക്കറ്റുകളാണ് സ്പിന്നര് കൊയ്തത്.
2016ല് താംബെ സണ്റൈസഴ്സ് ടീമിന്റെ ഭാഗമായി മാറി. എന്നാല് സീസണില് ഒരു മല്സരത്തില്പ്പോലും അദ്ദേഹത്തിന് അവസരം ലഭിച്ചില്ല. ഐപിഎല്ലില് ഇതുവരെ 38 മല്സരങ്ങള് കളിച്ചിട്ടുള്ള താംബെ 28 വിക്കറ്റുകളെടുത്തിട്ടുണ്ട്.