സച്ചിനെപ്പറ്റി പറഞ്ഞത് അസംബന്ധം; കപില്‍ദേവിനെതിരെ താരങ്ങള്‍

സച്ചിന്‍ നേടിയത് എത്ര

ഇപ്പോള്‍ നോക്കുമ്പോള്‍ സച്ചിന്‍ 100 സെഞ്ചുറികള്‍ക്ക് ഉടമയാണ്. ഒരു ശരിക്കുള്ള ലജന്‍ഡാണ് സച്ചിന്‍. സച്ചിനായാലും ഗാവസ്‌കറായാലും ടീമിന് വേണ്ടി കളിച്ചവരാണ്. - വെസ്റ്റ് ഇന്‍ഡീസിനെതിരെയും ഇംഗ്ലണ്ടിനെതിരെയും വിദേശത്ത് ടെസ്റ്റ് പരമ്പര ജയിച്ച ക്യാപ്റ്റനായ വഡേക്കര്‍ പറഞ്ഞു.

കപില്‍ ദേവ് പറഞ്ഞത് അസംബന്ധം

സച്ചിനെപ്പറ്റി കപില്‍ ദേവ് പറഞ്ഞത് അസംബന്ധമാണ് എന്നാണ് മുന്‍ ഇന്ത്യന്‍ താരവും മുംബൈക്കാരനുമായ രാജു കുല്‍ക്കര്‍ണി പറഞ്ഞത്. 100 സെഞ്ചുറി നേടിയ ഒരാളെക്കുറിച്ചാണ് കപില്‍ദേവ് ഇത് പറയുന്നത് എന്നോര്‍ക്കണം - കപിലിന്റെ കീഴില്‍ ഇന്ത്യയ്ക്ക് വേണ്ടി അരങ്ങേറിയ താരമാണ് കുല്‍ക്കര്‍ണി.

കേണല്‍ പറയുന്നു

കപില്‍ ദേവ് പറഞ്ഞത് കപില്‍ ദേവിന്റെ അഭിപ്രായമാണ്. ആര്‍ക്ക് എന്താണ് പറഞ്ഞുകൂടാത്തത്. - മുംബൈ കളിക്കാരനും മുന്‍ ഇന്ത്യന്‍ ക്യാപ്റ്റനുമായ ദിലീപ് വെംഗ്‌സര്‍ക്കര്‍ പറയുന്നത് ഇങ്ങനെ.

സച്ചിന്‍ പോരെന്നാണോ പറഞ്ഞത്

അന്താരാഷ്ട്ര ക്രിക്കറ്റില്‍ 100 സെഞ്ചുറികള്‍ അടിച്ചിട്ടുണ്ട് സച്ചിന്‍. ഈ നേട്ടം കൈവരിച്ച ഏക താരവും സച്ചിനാണ്. എന്നാല്‍ ഈ സച്ചിന് 200ഉം 300ഉം അടിക്കാന്‍ അറിയില്ലായിരുന്നു എന്നാരെങ്കിലും പറഞ്ഞാല്‍ അതൊരു താഴ്ത്തിക്കെട്ടലാണ് എന്ന് തന്നെ ആര്‍ക്കും തോന്നും.