Click it and Unblock the Notifications
ഗാംഗുലിയുടെ ക്യാപ്റ്റന്‍സിയില്‍ ഇന്ത്യക്കായി വെടിക്കെട്ട് പ്രകടനം നടത്തിയിട്ടുള്ള താരമാണ് വീരേന്ദര്‍ സെവാഗ്. ഗാംഗുലിയുടെ വിരമിക്കലിന് ശേഷം ധോണിയുടെ ക്യാപ്റ്റന്‍സിക്ക് കീഴിലും സെവാഗ് കളിച്ചിട്ടുണ്ട്. ബാറ്റിങ് ലോകത്തെ വിനാശകാരിയെന്നാണ് സെവാഗിനെ ക്രിക്കറ്റ് ലോകം വിലയിരുത്തിയത്. അന്താരാഷ്ട്ര ക്രിക്കറ്റില്‍ ഇന്ത്യക്കായി രണ്ട് ട്രിപ്പിള്‍ സെഞ്ച്വറിയടക്കം നിരവധി റെക്കോഡുകള്‍ സ്വന്തമാക്കിയിട്ടുള്ള താരമാണ് സെവാഗ്. ഇപ്പോഴിതാ ഗാംഗുലി,ധോണി എന്നിവരില്‍ ഏറ്റവും മികച്ച നായകനാരെന്ന് തിരഞ്ഞെടുത്തിരിക്കുകയാണ് വീരേന്ദര്‍ സെവാഗ്.
'നായകന്മാരെന്ന നിലയില്‍ രണ്ട് പേരും ഒന്നിനൊന്ന് മികച്ചവരാണ്. എന്നാല്‍ ഗാംഗുലിയാണ് ഇവരില്‍ മികച്ച നായകനെന്ന് ഞാന്‍ പറയും. കാരണം ഗാംഗുലിയാണ് ഇന്ത്യന്‍ ടീമിനെ ഇത്തരത്തില്‍ രൂപപ്പെടുത്തിയത്. പുതിയ താരങ്ങളെ വളര്‍ത്തിക്കൊണ്ടുവന്നു. പുതിയൊരു കൂട്ടായ്മയ സൃഷ്ടിച്ചു. ഇന്ത്യയെ വിദേശ പിച്ചുകളില്‍ ജയിക്കാന്‍ പ്രാപ്തമാക്കി. കുറച്ച് സമനിലകളും വിദേശ പിച്ചില്‍ ഗാംഗുലിക്ക് കീഴില്‍ നേടി. അത്തരത്തില്‍ നോക്കുമ്പോള്‍ ധോണി അല്‍പ്പം കൂടി ഭാഗ്യം ലഭിച്ച നായകനാണ്. ഗാംഗുലി രൂപപ്പെടുത്തിയെടുത്ത അതേ ടീമിനെ ധോണിക്ക് ലഭിച്ചു. രണ്ട് പേരും നല്ല നായകന്മാരാണെങ്കിലും ഗാംഗുലിയാണ് മികച്ചവന്‍'-സെവാഗ് പറഞ്ഞു.
Also Read: ആധുനിക ക്രിക്കറ്റിലെ ഏറ്റവും മികച്ച ഫാസ്റ്റ് ബൗളറാര്? ടോപ് 10ന്റെ റാങ്കിങ് അറിയാം
ഇന്ത്യന്‍ ക്രിക്കറ്റിന്റെ നായകസ്ഥാനത്തേക്ക് ഗാംഗുലി എത്തിയതോടെയാണ് ടീമിന് കൂടുതല്‍ കെട്ടുറപ്പ് ലഭിച്ചത്. സച്ചിന്‍,സെവാഗ്,ദ്രാവിഡ്,ലക്ഷ്മണ്‍,യുവരാജ്,കൈഫ്,ദിനേഷ് മോംഗിയ,സഹീര്‍ ഖാന്‍ ഇങ്ങനെ ശക്തമായ ടീമിനെത്തന്നെ ഗാംഗുലി സൃഷ്ടിച്ചു. യുവതാരങ്ങള്‍ക്ക് വലിയ പിന്തുണയാണ് ഗാംഗുലി നല്‍കിയത്. പിന്നീട് ഗാംഗുലി നായകസ്ഥാനം ഒഴിഞ്ഞ് ദ്രാവിഡ് തല്‍സ്ഥാനത്തേക്കെത്തുമ്പോഴും ഇതേ മികച്ച താരങ്ങള്‍ ടീമിലുണ്ടായിരുന്നു. ധോണിയുടെ കൈയിലേക്ക് ടീമെത്തുമ്പോള്‍ സെവാഗ്,സച്ചിന്‍,യുവരാജ്,സഹീര്‍ ഖാന്‍ തുടങ്ങിയവരെല്ലാം ഇന്ത്യന്‍ നിരയിലുണ്ടായിരുന്നു.
താരങ്ങളെ സൃഷ്ടിച്ച് പുതിയ ടീമിനെ രൂപപ്പെടുത്തിയെടുക്കേണ്ട ആവിശ്യകത ധോണിക്ക് വന്നില്ല. അനുഭവസമ്പന്നരായ താരങ്ങള്‍ക്കൊപ്പമായിരുന്നു നായകനായുള്ള തുടക്കം എന്നതിനാല്‍ വലിയ വെല്ലുവിളികളെ നേരിടേണ്ടി വന്നില്ലെന്ന് തന്നെ പറയാം. 2007ലെ ടി20 ലോകകപ്പ് കിരീടം ഇന്ത്യയിലേക്കെത്തിച്ചാണ് ധോണി വരവറിയിക്കുന്നത്. 2011ലെ ഏകദിന ലോകകപ്പും 2013ലെ ഐസിസി ചാമ്പ്യന്‍സ് ട്രോഫി കിരീടവും ഇന്ത്യക്ക് നേടിക്കൊടുത്തതോടെ മൂന്ന് ഐസിസി കിരീടം നേടുന്ന ആദ്യ നായകനായും ധോണി മാറി.
സൗരവ് ഗാംഗുലി 2003ലെ ലോകകപ്പില്‍ ഇന്ത്യയെ ഫൈനലിലേക്കെത്തിച്ച നായകനാണ്. ഇന്നത്തെ ക്രിക്കറ്റ് ടീമുകളെക്കാള്‍ അതിശക്തരായ എതിരാളികളായിരുന്നു അന്നുണ്ടായിരുന്നത്. ഇവരെയെല്ലാം അതിജീവിച്ച് ഫൈനലിലെത്തുകയെന്നത് ചെറിയ കാര്യമല്ല. ഫൈനലില്‍ ഓസ്‌ട്രേലിയയോടാണ് ഇന്ത്യ തോറ്റത്. 2002ലെ ചാമ്പ്യന്‍സ് ട്രോഫി കിരീടം ശ്രീലങ്കയുമായി ഇന്ത്യ പങ്കിട്ടിരുന്നു.2002ല്‍ നാറ്റ് വെസ്റ്റ് ട്രോഫി,2004ല്‍ പാകിസ്താനെതിരേ ടെസ്റ്റ് പരമ്പര,ഓസ്‌ട്രേലിയയിലും ഇംഗ്ലണ്ടിലും ടെസ്റ്റ് സമനില എന്നിവയൊക്കെ ഗാംഗുലിയുടെ കീഴില്‍ ഇന്ത്യ നേടിയെടുത്തതാണ്.
Also Read: INDvENG: രഹാനെ വമ്പന്‍ ഫ്‌ളോപ്പ്, സൂര്യയും വിഹാരിയും എന്തുകൊണ്ടില്ല? കനേരിയ ചോദിക്കുന്നു
Also Read: IND vs ENG: 'ഈ പിച്ചില്‍ 50 റണ്‍സ് നേടുകയെന്നത് വളരെ പ്രയാസമാണ്', കോലിയെ പ്രശംസിച്ച് ഇന്‍സമാം
സെവാഗ് ഇന്ത്യയുടെ ക്രിക്കറ്റ് ചരിത്രത്തില്‍ വളരെ പ്രാധാന്യമുള്ള താരങ്ങളിലൊരാളാണെങ്കിലും വിരമിക്കല്‍ മത്സരം അദ്ദേഹത്തിന് ലഭിച്ചിരുന്നില്ല. എംഎസ് ധോണിയുമായി സെവാഗിന് അഭിപ്രായ ഭിന്നത ഉണ്ടായിരുന്ന തരത്തില്‍ റിപ്പോര്‍ട്ടുകള്‍ പുറത്തുവന്നിരുന്നു. ദ്രാവിഡിന് ശേഷം സെവാഗ് ഇന്ത്യയുടെ നായകനായി എത്തേണ്ടിയിരുന്നെങ്കിലും ധോണിയെ ഇന്ത്യ നായകനായി തിരഞ്ഞെടുക്കുകയായിരുന്നു.
