മൂന്നാം നമ്പറില് ഇറക്കി
ഇന്ത്യക്കു വേണ്ടി മൂന്നാം നമ്പറില് തന്നെ പരീക്ഷിക്കാന് ധൈര്യം കാണിച്ചത് ധോണിയാണെന്ന് കോലി വെൡപ്പെടുത്തി. എല്ലാ യുവതാരങ്ങള്ക്കും ലഭിക്കുന്ന അവസരമല്ല ഇത്. അദ്ദേഹം നല്കിയ അകമഴിഞ്ഞ പിന്തുണയാണ് തന്റെ ആത്മവിശ്വാസമുയര്ത്തിയത്. ലഭിച്ച അവസരങ്ങള് മുതലെടുക്കാനും തനിക്കു കഴിഞ്ഞതായി ഇന്ത്യന് ക്യാപ്റ്റന് കൂട്ടിച്ചേര്ത്തു.
മൂന്നാം നമ്പര് പൊസിഷനില് കോലിയല്ലാതെ ഇന്ത്യക്കു മറ്റൊരു താരത്തെക്കുറിച്ച് ഇപ്പോള് ചിന്തിക്കാന് പോലുമാവില്ല. മാസ്മരിക പ്രകടനത്തിലൂടെ ഈ പൊസിഷനില് രാജാവായി വാഴുകയാണ് അദ്ദേഹം. ലോക ക്രിക്കറ്റില് കോലി സ്ഥാപിച്ച റെക്കോര്ഡുകളെല്ലാം മൂന്നാമായി ഇറങ്ങിയായിരുന്നു.
കളിയെക്കുറിച്ച് നല്ല ധാരണ
ഓരോ മല്സരത്തെക്കുറിച്ചും ധോണിയെപ്പോലെ കൃത്യമായ ധാരണയുള്ള മറ്റൊരു താരത്തെ കാണാനാവില്ലെന്നു കോലി അഭിപ്രായപ്പെട്ടു. ആദ്യ പന്ത് മുതല് 300 പന്ത് വരെ കളിയെക്കുറിച്ചു ധോണിക്കു കൃത്യമായി മനസ്സിലാക്കാന് കഴിയും.
ധോണിയെപ്പോലെ അഗാധമായ അറിവുള്ള ഒരാള് സ്റ്റംപിനു പിന്നിലുണ്ടെന്നതു ഭാഗ്യം തന്നെയാണ്. ഓരോ മല്സരത്തിനു മുമ്പും ധോണി, രോഹിത് എന്നിവരുമായും തന്ത്രങ്ങളെക്കുറിച്ച് ചര്ച്ച ചെയ്യാറുണ്ടെന്നും കോലി വിശദമാക്കി.
ധോണിയെ വിമര്ശിക്കുന്നത് കഷ്ടം
ധോണിയെ ചിലര് വിമര്ശിക്കുന്നത് കഷ്ടം തന്നെയാണെന്നു കോലി വ്യക്തമാക്കി. ധോണിയുമായി ആത്മബന്ധമാണുള്ളത്. നിര്ണായക തീരുമാനങ്ങളെടുക്കുമ്പോള് അദ്ദേഹത്തിന്റെ ഉപദേശം തേടാറുണ്ട്.
കളിക്കളത്തില് നിര്ണായക ഘട്ടങ്ങളില് ഫീല്ഡ് ക്രമീകരണത്തിലും ബൗളിങ് മാറ്റത്തിലും ധോണി ചില നിര്ദേശങ്ങള് നല്കാറുണ്ട്. പരസ്പരം തികഞ്ഞ ബഹുമാനമാണ് തങ്ങള് തമ്മിലുള്ളതെന്നും കോലി കൂട്ടിച്ചേര്ത്തു.