Click it and Unblock the Notifications
സച്ചിന്റെ വിജയത്തിന് കാരണം ബാറ്റ്
സച്ചിന് ടെണ്ടുല്ക്കറുടെ വിജയങ്ങള്ക്ക് കാരണം അദ്ദേഹത്തിന്റെ ബാറ്റിന്റെ അധികഭാരമാണെന്നാണ് മുഹമ്മദ് കൈഫ് അഭിപ്രായപ്പെട്ടത്. 'അധികമാളുകളും സച്ചിന്റെ പ്രതിഭയെക്കുറിച്ചും കഴിവുകളെക്കുറിച്ചുമാണ് സംസാരിക്കുന്നത്. എന്നാല് സച്ചിന്റെ ആയുധം ബാറ്റാണ്. അധിക ഭാരമുള്ള ബാറ്റുകൊണ്ട് കൃത്യമായ ടൈമിങ് ലഭിച്ചാല് എളുപ്പത്തില് ബൗണ്ടറി പോകും. ഭാരം കുറഞ്ഞ ബാറ്റുകൊണ്ട് കളിച്ചാല് സച്ചിന് ഇതേ പ്രകടനം നടത്താന് സാധിക്കില്ല. ഓരോ താരങ്ങളും ഓരോ തരത്തിലുള്ള ബാറ്റാണ് ഉപയോഗിക്കുന്നത്. രാഹുല് ദ്രാവിഡ് സച്ചിനില് നിന്ന് വ്യത്യസ്തനാണ്. ഭാരം കുറഞ്ഞ ബാറ്റാണ് അദ്ദേഹം ഉപയോഗിക്കുന്നത്. പ്രതിഭയും കഠിനാധ്വാനവും പിന്നെ ഭാരം കൂടുതലുള്ള ബാറ്റും, അതാണ് സച്ചിന്റെ വിജയത്തിന്റെ രഹസ്യം. പറയുന്നതിന്റെ അര്ഥം ഭാരക്കൂടുതലുള്ള ബാറ്റ് മാത്രമാണ് സച്ചിന്റെ വിജയത്തിന്റെ കാരണമെന്നല്ല'- കൈഫ് പറഞ്ഞു.
സച്ചിന് നല്കിയ ഉപദേശം
ബാറ്റിന്റെ പ്രശ്നത്തെക്കുറിച്ച് സച്ചിന് നല്കിയ ഉപദേശത്തെക്കുറിച്ചും കൈഫ് പറഞ്ഞു. 'ഞാന് ദക്ഷിണാഫ്രിക്കന് പരമ്പരയില് കളിക്കുന്ന സമയം. എനിക്ക് യുവ പേസര് ഡെയ്ല് സ്റ്റെയിനെ നേരിടേണ്ടി വന്നു. അവന് എനിക്കെതിരേ ബൗണ്സറെറിഞ്ഞു. ഞാന് പുള് ഷോട്ടിന് ശ്രമിച്ചു. എന്നാല് കൃത്യമായി കണക്ട് ചെയ്യാനായില്ല. അത് ബാറ്റിന്റെ പോരായ്മകൊണ്ടാണെന്ന് സച്ചിന് ചൂണ്ടിക്കാട്ടുകയും ബൗണ്സറുകളെ ഒഴിവാക്കാന് നിര്ദേശിക്കുകയും ചെയ്തു'-കൈഫ് പറഞ്ഞു,
എന്റെ ഭാര്യ ഇപ്പോള് സന്തോഷത്തിലല്ല
തന്റെ കുടുംബ ജീവിതത്തെക്കുറിച്ചും കൈഫ് മനസ് തുറന്നു. ഇന്ത്യന് ടീമില് ഏറെ നാളുകളായി കളിച്ച അദ്ദേഹം വിരമിക്കലിന് ശേഷവും ക്രിക്കറ്റില് നിന്ന് മാറിനിന്നില്ല. അവതാരകനായും കമന്റേറ്ററായും പ്രവര്ത്തിച്ച കൈഫ് നിലവില് ഡല്ഹി ക്യാപിറ്റല്സിന്റെ സഹ പരിശീലകനാണ്. 'എന്റെ ഭാര്യ ഇപ്പോള് ഒട്ടും സന്തോഷത്തിലല്ല. കാരണം വിരമിച്ച ശേഷം അവളോടും കുടുംബത്തോടുമൊപ്പം സമയം ചിലവിടാമെന്നാണ് ഞാന് പറഞ്ഞിരുന്നത്. എന്നാല് അത് സാധ്യമായില്ല. റോഡ് സേഫ്റ്റി സീരീസ്,കമന്ററി,പരിശീലനം,ജീവിതം എത്രത്തോളം തിരക്കേറിയതാണെന്നത് ചിന്തിച്ചിട്ട് മനസിലാകുന്നില്ല. എന്നാല് പുതിയ ഒരുപാട് കാര്യങ്ങള് ഇപ്പോള് പഠിക്കാന് സാധിച്ചു. കമന്റേറ്ററായത് പരിശീലകനെന്ന നിലയിലെത്തിയപ്പോള് വളരെ സഹായിച്ചു. ഓരോ പന്തിനെക്കുറിച്ചും കമന്ററി പറയുന്നത് ഒരുപാട് പുതിയ അറിവുകള് നല്കി'- കൈഫ് പറഞ്ഞു.
Continue with Google