Click it and Unblock the Notifications
മിശ്രയാണോ തുടങ്ങേണ്ടത്
ലെഗ് സ്പിന്നര് അമിത് മിശ്രയാണ് രണ്ടാം ദിവസം ഒന്നാമത്തെ ഓവര് എറിഞ്ഞത്. രണ്ടാമത്തെ ഓവര് ഉമേഷ് യാദവും. രണ്ടുപേര്ക്കും ഒരു ചലനവും ഉണ്ടാക്കാന് കഴിഞ്ഞില്ല. എന്ന് മാത്രമല്ല എല്ഗറും ആംലയും നന്നായി സെറ്റ് ചെയ്ത് കളിക്കുകയും ചെയ്തു. ഇന്ത്യ തുടക്കത്തിലേ ബാക്ക് ഫുട്ടില്.
എവിടെ ജഡേജ
ഇന്ത്യയുടെ പ്രധാന ആയുധം എന്ന് സുനില് ഗാവ്സകര് വിശേഷിപ്പിച്ച രവീന്ദ്ര ജഡേജ പന്തെറിയാനെത്തിയത് ഏകദേശം ഒരു മണിക്കൂര് കഴിഞ്ഞപ്പോള്. അപ്പോഴേക്കും രണ്ട് ബാറ്റ്സ്മാന്മാരും ക്രീസില് ഉറച്ചുകഴിഞ്ഞിരുന്നു.
അശ്വിന് വന്നു കളി മാറി
അശ്വിനും വളരെ നേരം കഴിഞ്ഞാണ് എത്തിയത്. എന്നാല് അശ്വിന് എത്തിയതും കളി മാറി. അശ്വിനും ജഡേജയും രണ്ട് ഭാഗത്തുനിന്നും എറിഞ്ഞതോടെ വിക്കറ്റുകള് നിലംപൊത്തി. ചെറിയ ഇടവേളയില് ഇരുവരും ചേര്ന്ന് 4 വിക്കറ്റാണ് വീഴ്ത്തിയത്.
കോലി തെറ്റ് തിരുത്തി
ലഞ്ചിന് ശേഷമുള്ള ആദ്യ ഓവറുകളില് തന്നെ ക്യാപ്റ്റന് കോലി ജഡേജയെയും അശ്വിനെയും പന്തേല്പ്പിച്ചു. ഇതോടെ കമന്റേറ്റര്മാര്ക്കും ആശ്വാസമായി. കെപ്ലര് വെസല്സ് പോലും ഇന്ത്യയുടെ തന്ത്രം ചോദ്യം ചെയ്തിരുന്നു
ആര്ക്കും തടയാനാകാതെ എ ബി ഡി
ഏകദിനത്തിലെ മിന്നും ഫോം ടെസ്റ്റിലും തുടരുകയാണ് എ ബി ഡിവില്ലിയേഴ്സ്. ഒരറ്റത്ത് വിക്കറ്റുകള് വീഴുമ്പോഴും എ ബി ഡി അര്ധസെഞ്ചുറിയുമായി ക്രീസിലുണ്ട്.
Continue with Google