Click it and Unblock the Notifications
അലിം ദാര്‍ - ക്രിസ്റ്റഫര്‍ ഗഫാനി
എലൈറ്റ് പാനലില്‍ ഉള്‍പ്പെട്ടിരിക്കുന്ന അംപയര്‍മാരിലൊരാളാണ് അലീം ദാര്‍. പാകിസ്താന്‍ കാരനായ അദ്ദേഹം മൂന്ന് ഫോര്‍മാറ്റിലും സജീവമായി ഉള്ള അംപയറാണ്. ഐപിഎല്‍ പോലുള്ള ഫ്രാഞ്ചൈസി ക്രിക്കറ്റിലും അദ്ദേഹത്തെ അംപയറായി നിയമിക്കാറുണ്ട്. ഒരു ടെസ്റ്റ് മത്സരത്തില്‍ അലിം ദാറിന് ലഭിക്കുന്നത് 3,77,567 രൂപയാണ്. ഏകദിനത്തില്‍ 2,26540 എന്നതാണ് പ്രതിഫലം. ടി20 ഫോര്‍മാറ്റിലേക്ക് വന്നാല്‍ 1,13,270 രൂപയാണ് അദ്ദേഹത്തിന്റെ പ്രതിഫലം. 7,36,995 രൂപയാണ് ഐസിസിയുടെ വര്‍ഷത്തിലെ മികച്ച അംപയറായി തിരഞ്ഞെടുക്കുന്നവര്‍ക്ക് ലഭിക്കുക.
ന്യൂസീലന്‍ഡ് കാരനായ ക്രിസ്റ്റഫര്‍ ഗഫാനി എലൈറ്റ് പാനല്‍ അംപയറാണ്. അദ്ദേഹത്തിനും ഇതേ പ്രതിഫലമാണ് ലഭിക്കുന്നത്. ഇവരെക്കൂടാതെ ക്രിസ്റ്റഫര്‍ ഗഫാനി, ജോയല്‍ വില്‍സന്‍, കുമാര്‍ ധര്‍മസേന, മറെയ്‌സ് എറാസ്മസ്, മൈക്കല്‍ ഗൗഫ്, നീഗല്‍ ലോങ്, പോള്‍ റൈഫല്‍, റിച്ചാര്‍ഡ് ഇല്ലിങ്‌വര്‍ത്ത്, റിച്ചാര്‍ഡ് കേറ്റില്‍ബ്രോഹ് എന്നിവരെല്ലാം ഇതേ പ്രതിഫലം വാങ്ങുന്ന അംപയര്‍മാരാണ്.
മാച്ച് റഫറിമാര്‍ ഇവര്‍
നിലവിലെ ഐസിസിയുടെ മാച്ച് റഫറിമാര്‍ ഓസ്‌ട്രേലിയയുടെ ഡേവിഡ് ബൂണ്‍, ഇംഗ്ലണ്ടിന്റെ ക്രിസ് ബോര്‍ഡ്, ന്യൂസീലന്‍ഡിന്റെ ജെഫ്രി കോവ്, ശ്രീലങ്കയുടെ രഞ്ചന്‍ മഡുഗല്ലി, സിംബാബ് വെയുടെ ആന്‍ഡ്രേ പൈക്രോഫ്റ്റ്, വെസ്റ്റ് ഇന്‍ഡീസിന്റെ റിച്ചി റിച്ചാര്‍ഡ്‌സന്‍, ഇന്ത്യയുടെ ജവഗല്‍ ശ്രീനാഥ് എന്നിവരാണ് നിലവില്‍ ഈ പട്ടികയിലുള്ളത്. ഇവരില്‍ പലരും ഒരു കാലത്ത് താരമെന്ന നിലയില്‍ മത്സരത്തെ നിയന്ത്രിച്ചിരുന്നവരാണ്.
ടെസ്റ്റില്‍ ഫീല്‍ഡ് അംപയര്‍ക്ക് ലഭിക്കുന്ന പ്രതിഫലത്തിന്റെ പകുതിയാണ് മാച്ച് റഫറിക്ക് ലഭിക്കുന്നത്. ഏകദിനത്തിലും ഇതേ അവസ്ഥയാണ്. എന്നാല്‍ ടി20 ഫോര്‍മാറ്റില്‍ അംപയര്‍മാര്‍ക്ക് ലഭിക്കുന്ന അതേ പ്രതിഫലം തന്നെ മാച്ച് റഫറിമാര്‍ക്കും ലഭിക്കും. കളത്തില്‍ നിയമത്തിന് അധീതമായി എന്തെങ്കിലും സംഭവിച്ചാല്‍ ഫീല്‍ഡ് അംപയര്‍മാര്‍ മാച്ച് റഫറിമാരെയാണ് അറിയിക്കുന്നത്. മാച്ച് റഫറിമാരാണ് കാരണം കാണിക്കള്‍ നോട്ടീസടക്കം കാണിച്ച് തക്കതായ ശിക്ഷാ വിധിക്ക് നിര്‍ദേശിക്കുന്നത്.
ഭാരിച്ച ഉത്തരവാദിത്തം
അംപയര്‍മാരാണ് മത്സരത്തിന്റെ എല്ലാം. ഫുട്‌ബോളില്ലെപോലെ തന്നെ അതിരുവിട്ട് അമിതമായി പ്രകോപിതനാവുന്ന താരത്തെ മത്സരത്തില്‍ നിന്ന് മാറ്റിനിര്‍ത്താന്‍ വരെ അംപയര്‍മാര്‍ക്ക് സാധിക്കും. എന്നാല്‍ ഫുട്‌ബോളിന്റെ അത്രയും ആക്രമണോത്സകതയുള്ള മത്സരമല്ലാത്തതിനാല്‍ത്തന്നെ ക്രിക്കറ്റില്‍ ഇത്തരം സംഭവങ്ങള്‍ വളരെ കുറവാണ്. പലപ്പോഴും അംപയര്‍മാരുടെ നിലപാടുകള്‍ വലിയ വിവാദം ആകാറുണ്ട്. അംപയര്‍ക്ക് തെറ്റുപറ്റിയെന്ന് തോന്നുന്ന തീരുമാനങ്ങളില്‍ ഡിആര്‍എസ് എടുക്കാനുള്ള സംവിധാനം നിലവില്‍ ഉണ്ട്. എന്തായാലും ക്രിക്കറ്റ് താരങ്ങളെക്കുറിച്ച് അറിഞ്ഞിരിക്കുന്നത് പോലെ തന്നെ അംപയര്‍മാരെക്കുറിച്ചും എല്ലാവരും അറിഞ്ഞിരിക്കേണ്ടതാണ്.
