Click it and Unblock the Notifications
സെഞ്ച്വറിയോ, ഡബിളോ നേടും
മെല്ബണ് ടെസ്റ്റില് സെഞ്ച്വറിയോ, ഡബിള് സെഞ്ച്വറിയോ നേടാന് തനിക്കാവുമെന്ന് രഹാനെ ആത്മവിശ്വാസത്തോടെ പറയുന്നു. അഡ്ലെയ്ഡിലും പെര്ത്തിലും മികച്ച പ്രകടനമാണ് താന് നടത്തിയത്. കൗണ്ടര് അറ്റാക്ക് ചെയ്താണ് കഴിഞ്ഞ നാലു ഇന്നിങ്സുകളും കളിച്ചത്. പഴയ താളം ഇപ്പോള് വീണ്ടെടുത്തു കഴിഞ്ഞു. മെല്ബണ് ടെസ്റ്റില് തീര്ച്ചയായും സെഞ്ച്വറിയോ ഡബിള് സെഞ്ച്വറിയോ താന് നേടിയേക്കുമെന്നും 30 കാരനായ താരം വിശദമാക്കി.
വ്യക്തിഗത നേട്ടത്തിന് പ്രാധാന്യമില്ല
സെഞ്ച്വറി നേടുന്നതിനെക്കുറിച്ചൊന്നും താന് ഇപ്പോള് ചിന്തിക്കുന്നില്ല. അതിനല്ല, മറിച്ച് ടീമിന് മികച്ച സംഭാവന നല്കുന്നതിനാണ് താന് മുന്തൂക്കം നല്കുന്നതെന്നു രഹാനെ പറഞ്ഞു. ഇപ്പോഴത്തേതു പോലെ മികച്ച രീതിയില് തുടര്ന്നും ബാറ്റ് ചെയ്യാനാണ് ശ്രമം. ഇപ്പോള് സാഹചര്യത്തിന് അനുസരിച്ച് കൂടുതല് നന്നായി കളിക്കാന് കഴിയുന്നുണ്ട്. ഇതേ രീതിയില് തുടര്ന്നും കളിക്കാനായാല് അതു തീര്ച്ചയായും ടീമിന് മുതല്ക്കൂട്ടാവും. വ്യക്തിഗത നേട്ടങ്ങള് പിന്നീടും കൈവരിക്കാമെന്നും രഹാനെ കൂട്ടിച്ചേര്ത്തു.
പോരാട്ടം പൊടിപാറും
മെല്ബണില് നടക്കാനിരിക്കുന്ന മൂന്നാം ടെസ്റ്റ് ആവേശകരമായിരിക്കുമെന്ന് രഹാനെ സൂചിപ്പിച്ചു. ഏറെ ആവേശത്തോടെയാണ് അടുത്ത ടെസ്റ്റിനെ കാത്തിരിക്കുന്നത്. പരമ്പര 1-1ന് ഒപ്പം നില്ക്കെ ഇവിടെയെത്തുമ്പോള് ഇരുടീമും പ്രതീക്ഷയിലാണ്. പെര്ത്ത് ടെസ്റ്റില് ഇന്ത്യക്കു വിജയസാധ്യതയുണ്ടായിരുന്നു. നിര്ഭാഗ്യവശാല് കഴിഞ്ഞില്ല.
എന്നാല് കഴിഞ്ഞതിനെക്കുറിച്ച് ചിന്തിക്കുന്നില്ല. മെല്ബണ് ടെസ്റ്റില് ഏറ്റവും മികച്ച പ്രകടനം നടത്തുന്നതിനെക്കുറിച്ച് മാത്രമേ ചിന്തിക്കുന്നുള്ളൂവെന്നും രഹാനെ പറഞ്ഞു.
ബാറ്റിങ് നിര ഫോമിലേക്കുയരണം
വിദേശത്ത് തുടര്ച്ചയായി മികച്ച വിജയങ്ങള് നേടണമെങ്കില് ഇന്ത്യയുടെ ബാറ്റിങ് നിര ഫോമിലേക്കുയര്ന്നേ തീരൂവെന്നു രഹാനെ അഭിപ്രായപ്പെട്ടു. ദക്ഷിണാഫ്രിക്കന് പര്യടനത്തില് 1-2നും ഇംഗ്ലണ്ട് പര്യടനത്തില് 1-4നുമാണ് ഇന്ത്യ പരാജയപ്പെട്ടത്.
ഇന്ത്യയുടെ ബാറ്റിങ് നിര ബൗളര്മാര്ക്കു മികച്ച പിന്തുണ നല്കിയേ തീരൂ. ദക്ഷിണാഫ്രിക്കന് പര്യടനം മുതല് ഇന്ത്യന് ബൗളര്മാര് ഗംഭീര പ്രകടനമാണ് നടത്തിക്കൊണ്ടിരിക്കുന്നത്. രണ്ടിന്നിങ്സുകളിലും എതിരാളികളെ അവര് പുറത്താക്കുന്നുണ്ട്. ബാറ്റ്സ്മാന്മാര് കൂടി ബൗളര്മാര്ക്കു മികച്ച പിന്തുണ നല്കിയിരുന്നെങ്കില് മല്സരഫലം തന്നെ മാറുമായിരുന്നുവെന്നും രഹാനെ ചൂണ്ടിക്കാട്ടി.
Continue with Google