ഫുട്ബോള് താരങ്ങളുടെ ഓട്ടം
സാധാരണയായി 90 മിനിറ്റ് ദൈര്ഘ്യമുള്ള ഒരു ഫുട്ബോള് മല്സരത്തില് താരങ്ങള് ഓടുന്ന ശരാശരി ദൂരം എട്ടു മുതല് 13 കിലോമീറ്റര് വരെയാണ്. അറ്റാക്കിലും ഡിഫന്സിലും ഒരുപോലെ സാന്നിധ്യമറിയിക്കുന്ന മിഡ്ഫീല്ഡര്മാര്ക്കാണ് കൂടുതല് ദൂരം ഓടേണ്ടിവരുന്നത്.
നിലവിലെ ലോക ഫുട്ബോളര് ലയണല് മെസ്സി ശരാശരി 7.6 കിലോ മീറ്ററും മറ്റൊരു ഇതിഹാസം ക്രിസ്റ്റിയാനോ റൊണാള്ഡോ ശരാശരി 8.3 കിലോ മീറ്ററുമാണ് ഒരു കളിയില് ഓടുന്നത്.
കോലി 17 കിലോ മീറ്റര് ഓടും!!
ഇന്ത്യക്കായി മികച്ച ഇന്നിങ്സ് കളിക്കുന്ന മല്സരത്തില് കോലി ബാറ്റിങിനിടെ ശരാശരി 17 കിലോ മീറ്ററെങ്കിലും ഓടുന്നുണ്ടെന്നാണ് ഒരു അഭിമുഖത്തില് പ്രസാദ് പറഞ്ഞത്.
കോലിക്കു മാത്രമല്ല ബിസിസിഐയുടെ മുഖ്യ കരാറില്പ്പെടുന്ന എല്ലാവരുടെ കാര്യത്തിലും ഇതു ബാധകമാണ്. ജിപിഎസ് ട്രാക്കിങ് സംവിധാനം ഉപയോഗിച്ച് ഓരോ താരങ്ങളെയു പെര്ഫോമന്സ് ഇപ്പോള് ട്രാക്ക് ചെയ്യുന്നുണ്ട്. കോലി മാത്രമല്ല മറ്റു വിദേശ താരങ്ങളും ബാറ്റിങിനിടെ ഏറെ ദൂരം കവര് ചെയ്യുന്നുണ്ട്. താരങ്ങളുടെ ജോലി ഭാരം ഫിസിയോമാര് കൃത്യമായി നിരീക്ഷിക്കുകയും ചെയ്യുന്നുണ്ട്. ഫിസിയോ ശങ്കര് ബസുവാണ് ഇതിനു തുടക്കമിട്ടത്. ഇതിഹാസതുല്യനായ ട്രെയിനറാണ് അദ്ദേഹമെന്നും പ്രസാദ് വിശദമാക്കി.
കോലിയുടെ ഫിറ്റ്നസ്
ലോക ക്രിക്കറ്റില് നിലവില് ഫിറ്റ്നസിന്റെ കാര്യത്തില് വളരെ മുന്നില് നില്ക്കുന്ന താരങ്ങളിലൊരാളാണ് കോലി. കരിയറിന്റെ തുടക്ക കാലത്തു ഫിറ്റ്നസില് അത്ര ശ്രദ്ധ പുലര്ത്താതിരുന്ന താരം പിന്നീട് പൂര്ണ വെജിറ്റേറിയനായ മാറുകയും ഫിറ്റ്നസിന്റെ കാര്യത്തില് മറ്റൊരു തലത്തിലേക്ക് ഉയരുകയും ചെയ്യുകയായിരുന്നു.
കോലിയുടെ മാത്രമല്ല ഇന്ത്യന് ടീമിന്റെയാകെ ഫിറ്റ്നസ് നിലവാരം ഇപ്പോള് ഏറെ ഉയര്ന്നിട്ടുണ്ടന്നു ഇപ്പോഴത്തെ പ്രകടനങ്ങള് തെളിയിക്കുന്നു.