Click it and Unblock the Notifications
കൊച്ചി, കേരളത്തിന്റെ ടീം
ഐ പി എല് ക്രിക്കറ്റിന് ഒരുപാട് ആരാധകരുള്ള കേരളത്തിന് കിട്ടിയ ഏക ടീമാണ് കൊച്ചി. എന്നാല് സാമ്പത്തിക ക്രമക്കേടുകളെ തുടര്ന്ന് ടീമിനെ ബിസിസിഐ ഒഴിവാക്കുകയായിരുന്നു.
തിരിച്ചുവരാന് പറ്റിയ സമയം
ഐ പി എല്ലിലേക്ക് തിരിച്ചുവരാന് കൊച്ചി ടസ്കേഴ്സിന് ഇതിലും മികച്ച അവസരം ഇനി കിട്ടാനില്ല. ചെന്നൈ, രാജസ്ഥാന് ടീമുകള് അയോഗ്യരാക്കപ്പെട്ടതോടെ ഐ പി എല്ലില് ഇപ്പോള് 6 ടീമുകളേ ഉള്ളൂ.
ആറ് ടീം കൊണ്ട് എന്ത് ഐ പി എല്
വെറും ആറേ ആറ് ടീമുകള് മാത്രമായാല് ഐ പി എല്ലിന്റെ രസം ചോരാന് തന്നെ അത് കാരണമാകും ഈ സാഹചര്യത്തില് രണ്ട് ടീമുകളെ ഉള്പ്പെടുത്താന് ബി സി സി ഐ താല്പര്യം കാണിക്കും എന്നാണ് കരുതുന്നത്.
പത്ത് ടീമുകള് വരെ ആകാം
ഐ പി എല്ലില് പത്ത് ടീമുകള് വരെ ആകാം. ഇത്തവണ രണ്ട് ടീമുകളെ എടുത്താലും രണ്ട് വര്ഷം കഴിഞ്ഞ് ചെന്നൈ, രാജസ്ഥാന് ടീമുകള് തിരിച്ചുവന്നാല് അവരെയും ഉള്പ്പെടുത്താം എന്ന് സാരം
ബി സി സി ഐ പണി തരുമോ
എന്നാല് ചെന്നൈ സൂപ്പര് കിംഗ്സ് രാജസ്ഥാന് റോയല്സ് ടീമുകളെ ഏറ്റെടുക്കുന്ന കാര്യം ബിസിസിഐ പരിഗണിക്കുന്നുണ്ട് എന്നാണ് അറിയുന്നത്. അങ്ങനെ വന്നാല് കൊച്ചി ടസ്കേഴ്സിന് ഐ പി എല്ലില് തിരിച്ചു വരാന് പ്രയാസമാകും.
ടീമുകളെ ബി സി സി ഐ നിയന്ത്രിക്കും
ചെന്നൈ സൂപ്പര് കിംഗ്സ്, രാജസ്ഥാന് റോയല്സ് ടീമുകളെ ബിസിസിഐയുടെ നിയന്ത്രണത്തിലാക്കുക എന്നതാണത്രെ പദ്ധതി. കളിക്കാര്ക്കും പരിശീലകര്ക്കുമുള്ള വേതനം ഇതോടെ ബി സി സി ഐ നേരിട്ട് നല്കും.
19ന് അറിയാം
19ന് നടക്കാനിരിക്കുന്ന ഐ പി എല് ഗവേണിംഗ് ബോഡി യോഗത്തിന് ശേഷം മാത്രമേ ഇത് സംബന്ധിച്ച ചിത്രങ്ങള് വ്യക്തമാകൂ..
Continue with Google