വിരാട് കോലി മുന്നില്
റണ്സ് പിന്തുടരുമ്പോള് ഇന്ത്യന് നായകന് വിരാട് കോലിയുടെ ശരാശരി 68.08 ആണ്. റണ് റേറ്റിനനുസരിച്ച് ബാറ്റ് ചെയ്യാനും അദ്ദേഹത്തിന് മികവുണ്ട്. ആദ്യം ബാറ്റ് ചെയ്യുമ്പോള് 49.77 ആണ് അദ്ദേഹത്തിന്റെ ശരാശരി.ചേസ് ചെയ്യുമ്പോഴാണ് കൂടുതല് മികവെന്ന് ഇതില് നിന്ന് വ്യക്തം. 43 സെഞ്ച്വറികളാണ് കോലി ഏകദിനത്തില് നേടിയത്. ഇതില് 26 സെഞ്ച്വറിയും അദ്ദേഹം നേടിയത് റണ്സ് പിന്തുടര്ന്നപ്പോഴാണ്. 17 സെഞ്ച്വറിയാണ് ആദ്യം ബാറ്റ് ചെയ്ത് നേടിയത്. കോലിയുടെ ഉയര്ന്ന വ്യക്തിഗത സ്കോറായ 183 റണ്സ് നേടിയതും റണ്സ് പിന്തുടരുമ്പോഴായിരുന്നു.
മിതാലി രാജ്
ഇന്ത്യയുടെ വനിതാ ടീം ക്യാപ്റ്റന് മിതാലി രാജാണ് ഈ റെക്കോഡില് രണ്ടാം സ്ഥാനത്ത്. റണ്സ് പിന്തുടരുമ്പോള് 64.53 ആണ് മിതാലിയുടെ ശരാശരി. 51.80 ആണ് മിതാലിയുടെ ഏകദിനത്തിലെ ശരാശരി. റണ്സ് പിന്തുടരുമ്പോള് വളരെ പക്വതയോടെയാണ് മിതാലിയുടെ പ്രകടനം. വനിതകളില് കൂടുതല് അന്താരാഷ്ട്ര റണ്സ്,ഏകദിന റണ്സ്,കൂടുതല് ഏകദിന മത്സരത്തില് ടീമിനെ നയിച്ച വനിതാ താരം തുടങ്ങിയ റെക്കോഡുകള്ക്കുടമയാണ് മിതാലി രാജ്.
സ്മൃതി മന്ദാന
ഇന്ത്യയുടെ വനിതാ ക്രിക്കറ്റിലെ വെടിക്കെട്ട് ഓപ്പണറാണി സ്മൃതി മന്ദാന. സമീപകാലത്തായി ഇന്ത്യ ജയിച്ച മത്സരങ്ങളിലെല്ലാം മന്ദാനയുടെ പ്രകടനം നിര്ണ്ണായകമായിരുന്നു. റണ്സ് പിന്തുടരുമ്പോള് 62.55 ആണ് മന്ദാനയുടെ ശരാശരി. ഏകദിനത്തിലെ ആകെ ശരാശരി 41.72 മാത്രമാണ്. എന്നാല് റണ്സ് പിന്തുടരുമ്പോള് കൂടുതല് മികവ് കാട്ടാന് മന്ദാനക്ക് സാധിക്കുന്നുണ്ട്.