Click it and Unblock the Notifications
ഹാട്രിക്കെന്ന് അറിഞ്ഞിരുന്നില്ല
ഈ സീസണിലെ കന്നി ഹാട്രിക്കാണ് കറെന്‍ തന്റെ പേരില്‍ കുറിച്ചത്. 18ാം ഓവറിലെ അവസാന പന്തില്‍ ഹര്‍ഷല്‍ പട്ടേലിനെ ഔട്ടാക്കിയാണ് താരം തുടങ്ങിയത്. പിന്നീട് അവസാന ഓവറിലെ ആദ്യ രണ്ടു പന്തുകളില്‍ കാഗിസോ റബാദയെയും സന്ദീപ് ലാമിച്ചാനെയെയും ബൗള്‍ഡാക്കി കറെന്‍ ഹാട്രിക്കിന് അവകാശിയാവുകയായിരുന്നു. എന്നാല്‍ താന്‍ ഹാട്രിക്കാണ് നേടിയതെന്ന് അപ്പോള്‍ അറിയില്ലായിരുന്നുവെന്ന് കറെന്‍ മല്‍സരശേഷം വെളിപ്പെടുത്തി.
കരിയറിലെ രണ്ടാമത്തെ ഐപിഎല്‍ മല്‍സരത്തിലാണ് 20 കാരനായ കറെന്‍ ഹാട്രിക്ക് നേടിയത്.
പറഞ്ഞത് ടീമംഗം
മല്‍സരശേഷം ടീമംഗങ്ങള്‍ക്കൊപ്പം ആഹ്ലാദപ്രകടനം നടത്തവെയാണ് ഹാട്രിക്കാണ് താന്‍ നേടിയതെന്ന് ടീമംഗങ്ങളിലൊരാള്‍ പറഞ്ഞതെന്നു കറെന്‍ വെളിപ്പെടുത്തി. സ്റ്റേഡിയത്തില്‍ കാണികളുടെ ആരവം വളരെ ഉയരെയായിരുന്നു. കരിയറില്‍ ഇതിനു മുമ്പ് ഇതുപൊലെയൊന്നു താന്‍ കേട്ടിട്ടില്ല.
പഞ്ചാബ് ടീമിലെ സഹതാരങ്ങളില്‍ നിന്നും വലിയ പിന്തുണയാണ് കിട്ടിയത്. സ്വന്തം കഴിവില്‍ വിശ്വാസമര്‍പ്പിച്ച് കളിക്കാന്‍ ശ്രമിക്കൂയെന്നാണ് ക്യാപ്റ്റന്‍ അശ്വിന്‍ തന്നോടു പറഞ്ഞത്. കുറച്ചു യോര്‍ക്കറുകള്‍ പരീക്ഷിച്ചു, അത് ക്ലിക്കാവുകയും ടീം വിജയിക്കുകയും ചെയ്തതായും മാന്‍ ഓഫ് ദി മാച്ചായ കറെന്‍ കൂട്ടിച്ചേര്‍ത്തു.
ഷമിയുടെ പ്രകടനം
മുഹമ്മദ് ഷമിയുടെ അവസാന രണ്ടു ഓവറുകളിടെ തകര്‍പ്പന്‍ പ്രകടനത്തെ കറെന്‍ പ്രശംസിച്ചു. ഷമി മികച്ച പ്രകടനമാണ് അവസാന ഓവറുകളില്‍ നടത്തിയത്. ഇതും ടീമിന്റെ ജയത്തില്‍ നിര്‍ണായകമായി മാറിയെന്നും കറെന്‍ ചൂണ്ടിക്കാട്ടി. നാലോവറില്‍ 27 റണ്‍സ് മാത്രം വിട്ടുകൊടുത്താണ് ഷമി രണ്ടു വിക്കറ്റ് പോക്കറ്റിലാക്കിയത്.
ഷമിയെക്കൂടാതെ ക്യാപ്റ്റന്‍ അശ്വിനും ബൗളിങില്‍ തിളങ്ങിയിരുന്നു. രണ്ടു വിക്കറ്റെടുത്ത താരം റണ്ണൗട്ടും നടത്തിയിരുന്നു.
