രഞ്ജി സെമി: കേരളത്തിന്റെ സ്വപ്‌നക്കുതിപ്പ് അവസാനിപ്പിച്ച് വിദര്‍ഭ, ഇന്നിങ്‌സ് തോല്‍വി

സന്ദീപിന് അഞ്ച് വിക്കറ്റ്

അഞ്ചു വിക്കറ്റെടുത്ത സന്ദീപ് വാര്യരാണ് കേരള ബൗളിങിന് ചുക്കാന്‍ പിടിച്ചത്. 16.4 ഓവറില്‍ മൂന്നു മെയ്ഡനുള്‍പ്പെടെ 57 റണ്‍സ് വിട്ടുകൊടുത്താണ് സന്ദീപ് അഞ്ചു വിക്കറ്റ് കൊയ്തത്. മൂന്നു വിക്കറ്റെടുത്ത ബേസില്‍ തമ്പി സന്ദീപിന് മികച്ച പിന്തുണ നല്‍കിയപ്പോള്‍ എംഡി നിധീഷിന് രണ്ടു വിക്കറ്റ് ലഭിച്ചു.

ഫൈസ് ഫസല്‍ ടോപ്സ്കോറര്‍

75 റണ്‍സെടുത്ത ക്യാപ്റ്റന്‍ ഫൈസ് ഫസലാണ് വിദര്‍ഭയുടെ ടോപ്‌സ്‌കോറര്‍. 142 പന്തുകളില്‍ 13 ബൗണ്ടറികളുള്‍പ്പെട്ടതായിരുന്നു ഫസലിന്റെ ഇന്നിങ്‌സ്. വസീം ജാഫര്‍ (34), അഥര്‍വ ടെയ്ഡ് (23) എന്നിവരാണ് 20നു മുകളില്‍ നേടിയ മറ്റു താരങ്ങള്‍. ഒരു ഘട്ടത്തില്‍ രണ്ടു വിക്കറ്റിന് 169 റണ്‍സെന്ന ശക്തമായ നിലയിലായിരുന്നു വിദര്‍ഭ. എന്നാല്‍ നായകന്‍ ഫസലിനെ പുറത്താക്കി സന്ദീപ് കേരളത്തിന് നിര്‍ണായക ബ്രേക്ക്ത്രൂ നല്‍കുകയായിരുന്നു.

ഉമേഷിന്‍റെ ഉജ്ജ്വല ബൗളിങ്

ആദ്യദിനം ഇന്ത്യന്‍ പേസര്‍ കൂടിയായ ഉമേഷ് യാദവിന്റെ തീപ്പൊരി ബൗളിങാണ് കേരളത്തിന്റെ കഥ കഴിച്ചത്. ഉമേഷ് ഏഴു വിക്കറ്റുകളാണ് പോക്കറ്റിലാക്കിയത്. 12 ഓവറില്‍ ഒരു മെയ്ഡനുള്‍പ്പെടെ 48 റണ്‍സ് മാത്രം വിട്ടുകൊടുത്താണ് ഉമേഷ് ഏഴു പേരെ പുറത്താക്കിയത്. താരത്തിന്‍റെ കരിയറിലെ ഏറ്റവും മികച്ച പ്രകടനമാണിത്.
കേരള നിരയില്‍ മൂന്നു പേര്‍ മാത്രമേ രണ്ടക്ക സ്‌കോര്‍ തികച്ചുള്ളൂ. 37 റണ്‍സുമായി പുറത്താവാതെ നിന്ന വിഷ്ണു വിനോദാണ് കേരളത്തിന്റ ടോപ്‌സ്‌കോറര്‍. 50 പന്തുകള്‍ നേരിട്ട വിഷ്ണുവിന്റെ ഇന്നിങ്‌സില്‍ രണ്ടു സിക്‌സറുകളും ഒരു ബൗണ്ടറിയുമുണ്ടായിരുന്നു. ക്യാപ്റ്റന്‍ സച്ചിന്‍ ബേബിയും (22) ബേസില്‍ തമ്പിയുമാണ് (10) രണ്ടക്കം കടന്ന മറ്റു