Click it and Unblock the Notifications
|
സൂപ്പര്‍ താംബെ
കണ്ണഞ്ചിക്കുന്ന ബൗളിങ് പ്രകടനമാണ് കേരളത്തിനെതിരേ താംബെ പുറത്തെടുത്തത്. ആദ്യ ഓവറില്‍ തന്നെയാണ് സൂപ്പര്‍ താരങ്ങളായ ക്രിസ് ഗെയ്ല്‍ (0), ഇയോന്‍ മോര്‍ഗന്‍ (0), കിരോണ്‍ പൊള്ളാര്‍ഡ് (0) എന്നിവരെ പുറത്താക്കി താംബെ കേരളത്തെ സ്തബ്ധരാക്കിയത്. തന്റെ രണ്ടാമത്തെ ഓവറില്‍ രണ്ടു വിക്കറ്റ് കൂടി പിഴുത് താരം അഞ്ച് വിക്കറ്റ് നേട്ടവും കൈവരിച്ചു. ടി10ല്‍ അഞ്ച് വിക്കറ്റ് നേടിയ ആദ്യ താരമായി ഇതോടെ താംബെ മാറി.
മുന്‍നിര തകര്‍ന്നെങ്കിലും വാലറ്റത്ത് വെയ്ന്‍ പാര്‍ണെല്‍ (59*), സൊഹൈല്‍ തന്‍വീര്‍ (23) എന്നിവരുടെ ഇന്നിങ്‌സുകള്‍ കേരളത്തെ 10 ഓവറില്‍ ഏഴു വിക്കറ്റിന് 103 റണ്‍സിലെത്തിച്ചു. മറുപടിയില്‍ ക്യാപ്റ്ററന്‍ ഷെയ്ന്‍ വാട്‌സന്‍ (50*), ആന്റണ്‍ ഡെവിച്ച് (49) എന്നിവര്‍ ചേര്‍ന്ന് 7.4 ഓവറില്‍ ഒരു വിക്കറ്റിന് സിന്ധിസിനെ ലക്ഷ്യത്തിലെത്തിച്ചു.
|
അനായാസം ടൈഗേഴ്‌സ്
വിന്‍ഡീസ് താരം ഡാരന്‍ സമി നയിച്ച നോര്‍ത്തേണ്‍ വാരിയേഴ്‌സിനെതിരേ അനായാസ ജയമാണ് സാം ബില്ലിങ്‌സിന്റെ ബംഗാള്‍ ടൈഗേഴ്‌സ് നേടിയത്. ആദ്യം ബാറ്റ് ചെയ്ത ടൈഗേഴ്‌സ് ഒരു വിക്കറ്റിന് 130 റണ്‍സ് അടിച്ചെടുത്തു. 29 പന്തില്‍ പുറത്താവാതെ 60 റണ്‍സെടുത്ത ജാസണ്‍ റോയ് ആണ് ടോപ്‌സ്‌കോറര്‍.
മറുപടിയില്‍ വാരിയേഴ്‌സ് തകര്‍ന്നു. ഏഴു വിക്കറ്റിന് 94 റണ്‍സെടുക്കാനേ അവര്‍ക്കായുള്ളൂ. ലെന്‍ഡ്ല്‍ സിമ്മണ്‍സാണ് (44) ടോപ്‌സ്‌കോറര്‍. ബംഗാളിനായി അമര്‍ യാമിന്‍ നാലു വിക്കറ്റെടുത്തു.
|
ബൗളിങ് കരുത്തില്‍ പഞ്ചാബ്
ബൗളര്‍മാരുടെ മിന്നും പ്രകടനമാണ് മറാത്ത അറേബ്യന്‍സിനെതിരേ പഞ്ചാബ് ലെജന്‍ഡ്‌സിന് 43 റണ്‍സിന്റെ മികച്ച ജയം സമ്മാനിച്ചത്. ആദ്യം ബാറ്റ് ചെയ്ത പഞ്ചാബ് 10 ഓവറില്‍ ആറു വിക്കറ്റിന് 121 റണ്‍സെടുത്തു. ഉമര്‍ അക്മല്‍ (31), ഷെയ്മാന്‍ അന്‍വര്‍ (25) എന്നിവരാണ് പ്രധാന സ്‌കോറര്‍മാര്‍.
മറുപടിയില്‍ ക്രിസ് ജോര്‍ഡനും അഫ്ഗാനിസ്താന്‍ താരം സാഹിര്‍ ഖാനും ചേര്‍ന്ന് അറേബ്യന്‍സിനെ എറിഞ്ഞൊതുക്കി. ജോര്‍ഡന്‍ നാലും സാഹിര്‍ മൂന്നും വിക്കറ്റെടുത്തു. 9.2 ഓവറില്‍ 78 റണ്‍സിന് അറേബ്യന്‍സ് പുറത്തായി.
