Click it and Unblock the Notifications
ധോണിക്ക് ജന്മസിദ്ധമായ കഴിവ്
ജന്‍മസിദ്ധമായി തന്നെ വളരെയധികം കഴിവുള്ള താരമാണ് ധോണിയെന്ന് കാര്‍ത്തിക് അഭിപ്രായപ്പെട്ടു. കളിക്കളത്തില്‍ നിരവധി തവണ മല്‍സരത്തില്‍ വഴിത്തിരിവായ തീരുമാനങ്ങള്‍ കൈക്കൊണ്ട ക്യാപ്റ്റന്‍ കൂടിയാണ് ധോണിയെന്നും അദ്ദേഹം ചൂണ്ടിക്കാട്ടി.
പ്രകടനം മെച്ചപ്പെടുത്തിക്കൊണ്ടിരിക്കുന്ന കോലി
ധോണിയില്‍ നിന്നും വ്യത്യസ്തനാണ് നിലവിലെ ക്യാപ്റ്റനായ കോലിയെന്ന് കാര്‍ത്തിക് പറയുന്നു. ആക്രമണോത്സുക ശൈലിയിലൂടെ എതിരാളിയെ വീഴ്ത്തുകയെന്ന രീതിയാണ് കോലിയുടേത്. ഇത് എല്ലാവര്‍ക്കും അറിയുകയും ചെയ്യാം. തികഞ്ഞ ആത്മവിശ്വാസവും കോലിക്കുണ്ട്.
ഓരോ മല്‍സരം കഴിയുന്തോറും ബാറ്റ്‌സ്മാനെന്ന നിലയിലും ക്യാപ്റ്റനെന്ന നിലയിലും പ്രകടനം മെച്ചപ്പെടുത്തിക്കൊണ്ടിരിക്കുകയാണ് കോലിയെന്നും കാര്‍ത്തിക് വിശദമാക്കി.
രോഹിത് ബുദ്ധിശാലി
ഏറ്റവും ബുദ്ധിശാലിയായ ക്യാപ്റ്റന്‍മാരില്‍ ഒരാളാണ് രോഹിത്തെന്ന് കാര്‍ത്തിക് അഭിപ്രായപ്പെട്ടു. രോഹിത്തിന് കീഴില്‍ നിദാഹാസ് ട്രോഫി, ഏഷ്യാ കപ്പ് എന്നിവ ഇന്ത്യ സ്വന്താക്കിയപ്പോള്‍ കാര്‍ത്തികും ടീമിലുണ്ടായിരുന്നു.
വളരെ തന്ത്രശാലിയായ നായകനാണ് രോഹിത്. ഓരോ മല്‍സരത്തിനു മുന്നോടിയായും നല്ല തയ്യാറെടുപ്പ് നടത്തിയാണ് രോഹിത് എത്തുകയെന്നും കാര്‍ത്തിക് പറഞ്ഞു.
2004ല്‍ ഇന്ത്യന്‍ ടീമിന്റെ ഭാഗം
2004 മുതല്‍ ഇന്ത്യന്‍ ടീമിന്റെ ഭാഗമാണ് കാര്‍ത്തിക്. പക്ഷെ ഇടയ്ക്കു ടീമിന് അകത്തും പുറത്തുമായി കഴിയുകയായിരുന്നു അദ്ദേഹം. ധോണിയുടെ സാന്നിധ്യമാണ് വിക്കറ്റ് കീപ്പര്‍ കൂടിയായ കാര്‍ത്തികിന്റെ അവസരങ്ങള്‍ കുറച്ചത്. എങ്കിലം ബാറ്റ്‌സ്മാനായി നിരവധി മല്‍സരങ്ങളില്‍ അദ്ദേഹം കളിച്ചു.
ദീര്‍ഘകാലം തമിഴ്‌നാട് ടീമിന്റെ ക്യാപ്റ്റന്‍ കൂടിയായിരുന്ന കാര്‍ത്തിക് നിലവില്‍ ഐപിഎല്ലില്‍ കൊല്‍ക്കത്ത നൈറ്റ്‌റൈഡേഴ്‌സിന്റെയും നായകനാണ്.
