ദില്ലി പോലീസ് കളിയ്ക്കുന്നുവോ... ശ്രീശാന്തിന്റെ വിധിയില്‍ ആന്റി ക്ലൈമാക്‌സ്?

വിധി പറയരുത്

ഐപിഎല്‍ വാതുവപ്പ് കേസില്‍ പ്രത്യേക കോടതി ഇപ്പോള്‍ വിധി പറയരുത് എന്നാണ് ദില്ലി പോലീസ് കോടതിയോട് ആവശ്യപ്പെട്ടിരിയ്ക്കുന്നത്.

അന്വേഷണം തുടരുകയാണ്

വാതുവപ്പ് കേസില്‍ അന്വേഷണം തുടര്‍ന്നുകൊണ്ടിരിയ്ക്കുകയാ്. എന്‍ഫോഴ്‌മെന്റിന്റെ അന്വേഷണം തുടരുകയാണെന്നാണ് വാദം.

ലോധ കമ്മിറ്റി

ഐപിഎല്‍ വാതുവപ്പ് സംബന്ധിച്ച് അന്വേഷണം നടത്തുന്ന ലോധ കമ്മിറ്റിയും അന്വേഷണം തുടരാനാണ് നിര്‍ദ്ദേശിച്ചിരിയ്ക്കുന്നതെന്നും ദില്ലി പോലീസിന്റെ അഭിഭാഷകന്‍ വാദിച്ചു.

മൂന്നാം തവണ

നേരത്തെ രണ്ട് തവണയും ശ്രീശാന്തിന്റെ കേസില്‍ വിധിപറയുന്നത് കോടത് മാറ്റി വച്ചിരുന്നു. ഇത്തവണയും അത് സംബന്ധിയ്ക്കുമോ?

മക്കോക്ക

കേസില്‍ ആദ്യം വഞ്ചനാ കുറ്റത്തിനും ഗൂഢാലോചനയ്ക്കും ആയിരുന്നു ശ്രീശാന്ത് അടക്കമുള്ളവര്‍ക്കെതിരെ കേസെടുത്തത്. പിന്നീടാണ് മഹാരാഷ്ട്ര സംഘടിത ഗൂഢാലോചന കുറ്റം ചുമത്തുന്നത്.

മക്കോക്കയില്‍ മാത്രം

ശ്രീശാന്ത് അടക്കമുള്ളവര്‍ക്കെതിരെ മക്കോക്ക ചുമത്തിയത് നിലനില്‍ക്കുമോ എന്ന് മാത്രമാണ് പ്രത്യേക കോടതി പരിഗണിയ്ക്കുന്നത്.

പ്രതികൂലമായാല്‍

മക്കോക്ക നിലനില്‍ക്കും എന്നാണ് കോടതി വിധിയ്ക്കുന്നതെങ്കില്‍ ശ്രീശാന്ത് അടക്കമുള്ളവരുടെ ജാമ്യം റദ്ദാകും. വീണ്ടും ജയിലില്‍ കിടക്കേണ്ടി വരും.

പ്രാര്‍ത്ഥനയോടെ ശ്രീശാന്ത്

ദില്ലിയിലെ പ്രത്യേക കോടതിയില്‍ വിധി പ്രസ്താവം കേള്‍ക്കാന്‍ ശ്രീശാന്ത് നേരത്തേ എത്തിയിരുന്നു. ദില്ലി പോലീസിന്റെ ഇടപെടന്‍ ശ്രീശാന്ത് ക്യാമ്പില്‍ വലിയ ഞെട്ടലാണ് ഉണ്ടാക്കിയിരിയ്ക്കുന്നത്.