റോയല്‍ ചാലഞ്ചേഴ്‌സ് ബാംഗ്ലൂര്‍ കൊല്‍ക്കത്തയെ തകര്‍ത്തു, നോക്കൗട്ട് പ്രതീക്ഷ സജീവം

വിരാട് എന്തൊരു മനുഷ്യനാണ്

51 പന്തില്‍ 5 ഫോറും മൂന്ന് സിക്‌സും അടക്കം മുക്കാല്‍ സെഞ്ചുറിയോടെ നോട്ടൗട്ട്. ഓറഞ്ച് ക്യാപ്പും മാന്‍ ഓഫ് ദ മാച്ചും ബാംഗ്ലൂര്‍ ക്യാപ്റ്റന്റെ കയ്യില്‍ ഭദ്രം. ഈ സീസണില്‍ അവിശ്വസനീയ ഫോമില്‍ തുടരുകയാണ് കോലി.

ഡിവില്ലിയേഴ്‌സ് പറയണോ

കോലിയും ഡിവില്ലിയേഴ്‌സും ക്രീസില്‍ ഒത്തുചേര്‍ന്നാല്‍ ബൗളര്‍മാര്‍ക്ക് പിന്നീട് കൂടുതലായി ഒന്നും ചെയ്യാനില്ല. 31 പന്തില്‍ 59 റണ്‍സോടെ പുറത്താകാതെ നിന്നു ഡിവില്ലിയേഴ്‌സ്.

ഗെയ്‌ലും ഫോമിലേക്ക്

ജയിച്ചു എന്നതിനൊപ്പം തന്നെ ബാംഗ്ലൂരിന് ആശ്വാസം നല്‍കുന്ന വാര്‍ത്തയാണ് ഗെയ്‌ലിന്റെ ഫോം. 31 പന്തില്‍ ഗെയ്ല്‍ 49 റണ്‍സെടുത്തു. 5 ഫോറും 4 സിക്‌സും ഗെയ്ല്‍ പറത്തി.

ക്യാപ്റ്റന്റെ ഇന്നിംഗ്‌സ്

34 പന്തില്‍ 51 റണ്‍സോടെ ക്യാപ്റ്റന്‍ ഗൗതം ഗംഭീറാണ് കൊല്‍ക്കത്തയുടെ ഇന്നിംഗ്‌സിന് അടിത്തറയിട്ടത്. എന്നാല്‍ സ്‌കോര്‍ 90ല്‍ നില്‍ക്കേ ഗംഭീര്‍ പുറത്തായത് കൊല്‍ക്കത്തയ്ക്ക് തിരിച്ചടിയായി.

പാണ്ഡെയും റസലും

50 റണ്‍സുമായി മനീഷ് പാണ്ഡെയും 39 റണ്‍സോടെ ആന്‍ഡ്രെ റസലും കൊല്‍ക്കത്ത ഇന്നിംഗ്‌സ് 183 വരെ എത്തിച്ചു. എന്നാല്‍ വിജയിക്കാന്‍ അതും മതിയായില്ല എന്ന് മാത്രം.