Click it and Unblock the Notifications
നിലവില്‍ വര്‍ഷത്തില്‍ ഒരു ഐപിഎല്ലാണ് നടക്കുന്നത്. ഒന്നിലധികം ഐപിഎല്‍ വര്‍ഷത്തില്‍ നടത്തുകയെന്നത് എളുപ്പമുള്ള കാര്യമല്ല. അന്താരാഷ്ട്ര മത്സരങ്ങളില്‍ രാജ്യത്തിന്റെ വൈകാരികതയും ഉള്‍പ്പെടുന്നതിനാല്‍ അതൊരിക്കലും നിര്‍ത്തില്ല. രണ്ട് ടീമുകള്‍ തമ്മിലുള്ള ടി20 പരമ്പരകള്‍ ഇപ്പോഴും സജീവമാണ്. അത് നിര്‍ത്താനുള്ള സാധ്യത കുറവാണ്. ത്രിരാഷ്ട്ര, ചതുര്‍ രാഷ്ട്ര ടി20 പരമ്പരകള്‍ ഇപ്പോള്‍ പൊതുവേ കുറവാണെന്ന് പറയാം. എന്നാല്‍ ബൈലാട്രല്‍ പരമ്പരകള്‍ ഇപ്പോഴും സജീവമായിത്തന്നെയുണ്ട്.
'ഇപ്പോഴും ടി20യില്‍ നിരവധി ബൈലാട്രല്‍ ടൂര്‍ണമെന്റുകള്‍ നടക്കുന്നുണ്ട്. ഇന്ത്യയുടെ പരിശീലകനായിരുന്നപ്പോള്‍ ഞാന്‍ ഇതിനെക്കുറിച്ച് പറഞ്ഞിട്ടുണ്ട്. ക്രിക്കറ്റ് ഫുട്‌ബോളിനെപ്പോലെ മാറേണ്ടതായുണ്ട്. ടി20 ലോകകപ്പ് കളിക്കുക. ബൈലാട്രല്‍ ടി20 പരമ്പരകളൊക്കെ ആരാണ് ഓര്‍ക്കുന്നത്. ഇന്ത്യയുടെ പരിശീലകനായിരുന്ന അവസാന വര്‍ഷങ്ങളില്‍ നടന്ന ബൈലാട്രല്‍ പരമ്പരകളൊന്നും ഞാന്‍ ഓര്‍ക്കുന്നില്ല. എന്നാല്‍ ഒരു ടീം ലോകകപ്പ് നേടിയാല്‍ അത് ഓര്‍മ്മിക്കപ്പെടും. എന്നാല്‍ ദൗര്‍ഭാഗ്യവശാല്‍ ഞങ്ങള്‍ക്കതിന് സാധിച്ചില്ല. ലോകത്തുള്ള ഫ്രാഞ്ചൈസി ക്രിക്കറ്റുകളാണ് കളിക്കുന്നത്. എല്ലാ രാജ്യങ്ങളും ഫ്രാഞ്ചൈസി ക്രിക്കറ്റിനായി അനുവദിക്കണം. അത് ആഭ്യന്തര ക്രിക്കറ്റായി മാറണം. എല്ലാ രണ്ട് വര്‍ഷവും ടി20 ലോകകപ്പ് നടത്തണം'-രവി ശാസ്ത്രി പറഞ്ഞു.
രവി ശാസ്ത്രിയുടെ നിര്‍ദേശങ്ങള്‍ ഭാവിയില്‍ നടക്കാന്‍ സാധ്യതയുള്ളത് തന്നെയാണ്. രണ്ട് രാജ്യങ്ങള്‍ തമ്മിലുള്ള ടി20 പരമ്പരകള്‍ക്ക് വലിയ ആരാധക പിന്തുണ ഇപ്പോള്‍ ലഭിക്കാറില്ല. എന്നാല്‍ ഇത്തരം പരമ്പരകള്‍ ലാഭകരം തന്നെയാണ്. അതുകൊണ്ട് തന്നെ ക്രിക്കറ്റ് ബോര്‍ഡുകള്‍ ഇപ്പോഴും ഇത്തരം പരമ്പരകള്‍ തുടരുന്നു. ഇന്ത്യയുടെ ദക്ഷിണാഫ്രിക്കയ്‌ക്കെതിരായ ടി20 പരമ്പര 9ന് ആരംഭിക്കുകയാണ്. അഞ്ച് മത്സരങ്ങളാണ് ഈ പരമ്പരയിലുള്ളത്.
ഐപിഎല്‍ വര്‍ഷത്തില്‍ രണ്ട് തവണ നടത്തുക പ്രയാസം തന്നെയാവും. ഇതിന് മുന്നോടിയായി വലിയ മുന്നൊരുക്കം നടത്തേണ്ടതായുണ്ട്. കൂടാതെ വലിയ സാമ്പത്തിക ചിലവും ഐപിഎല്‍ നടത്തുന്നതിനായുണ്ട്. രണ്ട് തവണ നടത്തിയാല്‍ സ്‌പോണ്‍സര്‍മാര്‍ക്കും ഫ്രാഞ്ചൈസികള്‍ക്കുമെല്ലാം അത് അധിക ചിലവായിരിക്കും. നിലവിലെ സാഹചര്യത്തില്‍ നിലവിലെ രീതിക്ക് വലിയൊരു മാറ്റം പെട്ടെന്നുണ്ടാകാന്‍ സാധ്യത വളരെ കുറവാണ്.
