മുഹമ്മദ് സിറാജ് ആരംഭിച്ച പ്രശ്നത്തിലേക്ക് ഹര്ഷല് അനാവശ്യമായി എത്തുകയായിരുന്നുവെന്നാണ് പരാഗ് പറഞ്ഞത്. '2021ല് ആര്സിബിക്കെതിരേ കളിച്ചപ്പോള് എന്റെ വിക്കറ്റ് ഹര്ഷല് പട്ടേല് നേടിയിരുന്നു. ഞാന് തിരിച്ച് നടന്നപ്പോള് വേഗം പോയെന്ന് അവന് കൈകൊണ്ട് കാട്ടി. അപ്പോള് ഞാനത് ശ്രദ്ധിച്ചില്ല. പിന്നീട് വീഡിയോ കണ്ടപ്പോഴാണ് ഇത് ശ്രദ്ധിച്ചത്. അതെന്റെ മനസിലുണ്ടായിരുന്നു. ഇത്തവണ അവസാന ഓവറില് ഹര്ഷലിനെ ലഭിച്ചപ്പോള് അവനെ പരമാവധി അടിക്കാന് ശ്രമിച്ചു. എന്നിട്ട് അതേ പോലെ തന്നെ തിരിച്ചുകാട്ടി. ഒന്നും പറഞ്ഞില്ല. ഞാന് അവഹേളിച്ചിട്ടില്ല. എന്നാല് മുഹമ്മദ് സിറാജ് എന്നെ വിളിച്ചിട്ട് പറഞ്ഞു 'ഇവിടെ വരു ഇവിടെ വരൂ, നീ കുട്ടിയാണ് അതുപോലെ പെരുമാറൂ എന്നാണ് സിറാജ് എന്നോട് പറഞ്ഞത്'- റിയാന് പരാഗ് പറഞ്ഞു.
ഇതു കേട്ടപ്പോള് ദേഷ്യം വന്നെങ്കിലും സൗമ്യതയോടെയാണ് തിരിച്ചു സംസാരിച്ചതെന്നും പരാഗ് പറഞ്ഞു. 'ഞാന് പറഞ്ഞു സഹോദരാ ഞാന് നിങ്ങളോട് ഒന്നും പറഞ്ഞിട്ടില്ല. അപ്പോഴേക്കും സഹതാരങ്ങളെത്തി പിന്തിരിപ്പിക്കുകയായിരുന്നു. എന്നാല് പിന്നീട് ഹര്ഷല് എനിക്ക് ഹസ്തദാനം നല്കാന് തയ്യാറായില്ല. അതെനിക്ക് നല്ല മര്യാതയായി തോന്നിയില്ല'- പരാഗ് കൂട്ടിച്ചേര്ത്തു.
ആര്സിബിക്കെതിരേ രാജസ്ഥാന് കൂട്ടത്തകര്ച്ച നേരിട്ട മത്സരത്തില് ടീമിനെ 140 ന് മുകളില് എന്ന ഭേദപ്പെട്ട സ്കോറിലേക്കെത്തിക്കാന് പരാഗിന് സാധിച്ചിരുന്നു. ഇതാണ് ആര്സിബി ബൗളര്മാരെ കൂടുതല് പ്രകോപിതരാക്കിയത്. പുറത്താവാതെ 56 റണ്സാണ് പരാഗ് നേടിയത്. ഈ സീസണില് വലിയൊരു ബാറ്റിങ് പ്രകടനമല്ല അദ്ദേഹം കാഴ്ചവെച്ചത്. യുവതാരം 14 ഇന്നിങ്സില് നിന്ന് 183 റണ്സാണ് ആകെ നേടിയത്. ഫിനിഷര് റോളിലാണ് രാജസ്ഥാന് പരാഗിനെ പരീക്ഷിച്ചത്.
അടുത്ത സീസണില് പരാഗ് രാജസ്ഥാന് ടീമിലുണ്ടാവുമോയെന്നത് കണ്ടറിയാം. ഇത്തവണ പരാഗിനെ രാജസ്ഥാന് മുഴുവന് മത്സരങ്ങളിലും കളിപ്പിച്ചതിനെതിരേ വലിയ വിമര്ശനം ഉയര്ന്നിരുന്നു. രാജസ്ഥാന്റെ ദൗര്ബല്യമായി പലരും ഉയര്ത്തിക്കാട്ടിയ താരമാണ് പരാഗ്. എന്നാല് പരാഗ് വലിയ പ്രതിഭയുള്ള താരമാണെന്നാണ് രാജസ്ഥാന് ടീം മാനേജ്മെന്റിന്റെ നിലപാട്.