Click it and Unblock the Notifications
ആരാധകര്‍ കടുത്ത നിരാശയിലാണ്. ക്യാപ്റ്റന്‍ മഹേന്ദ്ര സിംഗ് ധോണിയെ പോലും അവര്‍ വെറുതെ വിടുന്നില്ല. ധോണി ഇല്ലാത്ത റണ്ണിനായി ഓടിയത്, പുറത്താകാതെ നിന്ന് തന്റെ ബാറ്റിംഗ് ആവറേജ് വര്‍ധിപ്പിക്കാനാണെന്ന് മുംബൈ ആരാധകര്‍ പരിഹസിച്ചു. സിഎസ്‌കെയും ആര്‍സിബിയും വെച്ച് നോക്കുമ്പോള്‍ മുംബൈയാണ് ഭേദമെന്ന് ആരാധകര്‍ പറയുന്നു. 113 ആണ് ഞങ്ങളുടെ ചെറിയ സ്‌കോര്‍. അല്ലാതെ 68, 97 എന്നിങ്ങനെ അല്ലെന്നും വിക്രം എന്ന ആരാധകന്‍ കുറിച്ചു. ഐപിഎല്ലില്‍ നൂറ് റണ്‍സിന് താഴെ രണ്ട് തവണ മാത്രമാണ് സിഎസ്‌കെ പുറത്തായിട്ടുള്ളത്. രണ്ടും മുംബൈയോടാണ് രത്‌നിഷ് എന്ന ആരാധകന്‍ ചൂണ്ടിക്കാണിക്കുന്നു.
ഇത് ആദ്യമായിട്ടല്ല സിഎസ്‌കെ മുന്‍നിര മുംബൈയോട് തകരുന്നത്. പല തവണ ഒരേ കാര്യം തന്നെ താന്‍ കണ്ടിട്ടുണ്ടെന്നും ഉദിത് എന്ന ആരാധകന്‍ പറയുന്നു. ഈ സീസണില്‍ പവര്‍കട്ട് ഇല്ലായിരുന്നുവെങ്കില്‍ ചാമ്പ്യന്മാരായേനെ എന്ന ട്രോളും ഇതിന് പിന്നാലെ വന്നിട്ടുണ്ട്. അന്‍ഷുമാന്‍ എന്നയാളാണ് ഈ ട്രോള്‍ അവതരിപ്പിച്ചത്. 2020, 2021, 2022, സീസണുകളിലായി സിഎസ്‌കെയ്ക്ക് അഞ്ച് വിക്കറ്റുകള്‍ പവര്‍പ്ലേയില്‍ മുംബൈക്കെതിരെ നഷ്ടമായിട്ടുണ്ടെന്ന് ജോണ്‍സ് പറഞ്ഞു. 109, 97, 79 എന്നിങ്ങനെയാണ് സിഎസ്‌കെയുടെ മുംബൈക്കെതിരെയുള്ള വളരെ മോശം സ്‌കോറുകള്‍. 49 റണ്‍സ് നേടിയ ശേഷം സിഎസ്‌കെ ചാമ്പ്യന്മാരെ പോലെയായിരുന്നുവെന്നും ആര്‍സിബിയെ ട്രോളി സാഗര്‍ എന്ന യൂസര്‍ കുറിച്ചു.
കോണ്‍വേയുടെ പവര്‍കട്ട് ട്രാപ്പിലൂടെ മുംബൈ ചെന്നൈയുടെ അഞ്ചാമത് ഐപിഎല്‍ കിരീടമാണ് തട്ടിയെടുത്തതെന്നും മുംബൈ ആരാധകര്‍ പരിഹസിക്കുന്നു. ദൈവം ചോദിച്ചപ്പോള്‍ ആരാധകര്‍ കിരീടം നേടുന്നതിനേക്കാള്‍ ധോണി നന്നായി ബാറ്റ് ചെയ്യാനാവും പ്രാര്‍ത്ഥിച്ചിട്ടുണ്ടാവുക. അതുകൊണ്ടാണ് ടീം തകരുന്നതെന്നും സായ് എന്ന ആരാധകന്‍ പരിഹസിച്ചു. ഗംഭീറിന്റെ ക്രെഡിറ്റ്, റെയ്‌നയുടെ ബാല്‍ക്കണി, ജഡേജയുടെ ക്യാപ്റ്റന്‍സി, എന്നിവയെല്ലാം ധോണിക്കെടുക്കാം. എന്നാലും സിഎസ്‌കെയെ നൂറ് റണ്‍സില്‍ എത്തിക്കാന്‍ ധോണിക്കാവില്ലെന്നും മുംബൈ ആരാധകര്‍ പറയുന്നു. ചെന്നൈ ക്രിക്കറ്റ് കളിക്കാന്‍ മറന്നുപോയതാണ്. ഫുട്‌ബോളിലെ പോലെയാണ് അവരുടെ സ്‌കോര്‍ എന്നും ട്രോളുന്നവരുണ്ട്.
സിഎസ്‌കെ ശരിക്കും ഗൗതം ഗംഭീറിന് ട്രിബ്യൂട്ട് കൊടുത്തതാണ്. ഗംഭീര്‍ ലോകകപ്പില്‍ അടിച്ച 97 റണ്‍സിനൊപ്പമാണ് സിഎസ്‌കെയുടെ സ്‌കോറെന്നും മുംബൈ പരിഹസിക്കുന്നു. എന്ത് വേണെങ്കിലും, പറഞ്ഞോ, പക്ഷേ കോണ്‍വേ പുറത്തായിട്ടില്ലെങ്കില്‍, തീര്‍ച്ചയായും അദ്ദേഹം സെഞ്ച്വറിയടിക്കുമായിരുന്നു. സിഎസ്‌കെ എല്ലാ മത്സരവും ജയിക്കുമായിരുന്നു. ഒരു ടീമിനും 16 പോയിന്റ് കിട്ടില്ലായിരുന്നു. അങ്ങനെ സിഎസ്‌കെ പ്ലേഓഫിലെത്തി, അഞ്ചാം കിരീടവും നേടുമെന്നും പരിഹാസങ്ങളുണ്ട്. ഗംഭീറിനുള്ള ട്രിബ്യൂട്ട് മാത്രമല്ല, ധോണി വാങ്കഡെയില്‍ ഇത്തവണ നോട്ടൗട്ടാണെന്നും സുനില്‍ എന്ന ആരാധകന്‍ പറഞ്ഞു. സിഎസ്‌കെ പ്ലേഓഫില്‍ കയറില്ലെന്ന് ഇനി എല്ലാവരും പറയുമല്ലോ എന്നും സോഷ്യല്‍ മീഡിയ പരിഹസിക്കുന്നു. ജഡേജ ഫ്യൂസ് ഊരിവിട്ടതാണ് പവര്‍ കട്ടിന് കാരണമെന്നും ട്രോളുണ്ട്.
