ഫെബ്രുവരിയില് നടക്കാനിരിക്കുന്ന ഐപിഎല് താരലേലത്തിന് മുന്നോടിയായി സ്ക്വാഡില് നിര്ത്തുന്നതും വിട്ടയക്കുന്നതുമായ താരങ്ങളുടെ പട്ടിക കൊല്ക്കത്ത നൈറ്റ് റൈഡേഴ്സ് പുറത്തുവിട്ടു. ആറ് താരങ്ങളാണ് കെകെആര് ക്യാംപില് നിന്നും പുറത്തുപോകുന്നത്.
ടോം ബാന്റണ്, ക്രിസ് ഗ്രീന്, സിദ്ധേഷ് ലാഡ്, നിഖില് നായിക്ക്, എം സിദ്ധാര്ത്ഥ്, ഹാരി ഗുര്ണി എന്നീ താരങ്ങള് പുതിയ സീസണില് കൊല്ക്കത്തയ്ക്കായി കളിക്കില്ല. സ്ക്വാഡില് 18 താരങ്ങളെ കൊല്ക്കത്ത നിലനിര്ത്തിയിട്ടുണ്ട്. 2021 ഐപിഎല് സീസണില് ചെന്നൈ സൂപ്പര് കിങ്സ് നിലനിര്ത്തുന്ന താരങ്ങളെ ചുവടെ കാണാം.
ഇയാന് മോര്ഗന്, ആന്ദ്രെ റസ്സല്, ദിനേശ് കാര്ത്തിക്, കമലേഷ് നാഗര്കോട്ടി, കുല്ദീപ് യാദവ്, ലോക്കി ഫെര്ഗൂസന്, നിതീഷ് റാണ, പ്രസിദ്ധ് കൃഷ്ണ, റിങ്കു സിങ്, സന്ദീപ് വാരിയര്, ശിവം മാവി, ശുഭ്മാന് ഗില്, സുനില് നരെയ്ന്, പാറ്റ് കമ്മിന്സ്, രാഹുല് ത്രിപാഠി, വരുണ് ചക്രവര്ത്തി, അലി ഖാന്, ടിം സെയ്ഫര്ട്ട്.
നേരത്തെ, പുതിയ സീസണിലേക്കുള്ള സ്ക്വാഡിനെ റോയല് ചലഞ്ചേഴ്സ് ബാംഗ്ലൂരും ചെന്നൈ സൂപ്പര് കിങ്സും പ്രഖ്യാപിച്ചിരുന്നു. 12 താരങ്ങളെയാണ് ബാംഗ്ലൂര് നിലനിര്ത്തിയിരിക്കുന്നത്. വിരാട് കോലി, എബി ഡിവില്ലേഴ്സ്, യുസ്വേന്ദ്ര ചഹാല്, ദേവ്ദത്ത് പടിക്കല്, ആദം സാംപ, ഷഹബാസ് അഹമ്മദ്, ജോഷ് ഫിലിപ്പ്, കെയ്ന് റിച്ചാര്ഡ്സണ് എന്നിവര് പുതിയ സീസണിലും ആര്സിബിക്കായി കളിക്കും. ഇതേസമയം ആരോണ് ഫിഞ്ച്, ഡെയ്ല് സ്റ്റെയ്ന്, ക്രിസ് മോറിസ്, ഇസുരു ഉഡാന, മോയിന് അലി, ശിവം ദൂബെ, ഉമേഷ് യാദവ്, ഗുര്കീറത്ത് മന്, പവന് നേഗി എന്നിവര്ക്ക് ബാംഗ്ലൂര് സ്ക്വാഡില് സ്ഥാനം നഷ്ടപ്പെട്ടു. ചെന്നൈ സൂപ്പര് കിങ്സ് നിലനിര്ത്തിയ 18 അംഗ സ്ക്വാഡിനെ ചുവടെ കാണാം.
എംഎസ് ധോണി, രവീന്ദ്ര ജഡേജ, സുരേഷ് റെയ്ന, ഫാഫ് ഡുപ്ലെസി, സാം കറന്, ഡ്വെയ്ന് ബ്രാവോ, ജോഷ് ഹേസല്വുഡ്, ലുങ്കി എന്ഗിഡി, അംബാട്ടി റായുഡു, കരണ് ശര്മ, മിച്ചല് സാന്ടര്, ശാര്ദ്ധുല് താക്കൂര്, റിതുരാജ് ഗെയ്ക്വാദ്, എന് ജഗദീശന്, ഇമ്രാന് താഹിര്, ദീപക് ചഹര്, കെഎം ആസിഫ്, ആര് സായി കിഷോര്.
പുതിയ സീസണില് സഞ്ജു സാംസണ് രാജസ്താന് റോയല്സിനെ നയിക്കുമെന്നതാണ് മറ്റൊരു പ്രധാന പ്രഖ്യാപനം. സ്ക്വാഡില് നിന്നും പുറത്തുപോകുന്ന സ്റ്റീവ് സ്മിത്തിന് പകരമാണ് സഞ്ജു സാംസണ് ക്യാപ്റ്റന് തൊപ്പിയണിയുന്നത്. ഒപ്പം രാജസ്താന് റോയല്സിന്റെ പുതിയ ടീം ഡയറക്ടറായി മുന് ശ്രീലങ്കന് നായകന് കുമാര് സംഗക്കാരയും ചുമതലയേല്ക്കും.