Click it and Unblock the Notifications
''കുറേക്കാലമായി ക്രിക്കറ്റ് കളിച്ചിട്ട് എന്നതില്‍ തര്‍ക്കമില്ല. നാല് ടെസ്റ്റും കളിച്ചില്ല. മത്സരത്തിലെ സമ്മര്‍ദ്ധവും കൂടുതലാണ്. പക്ഷെ ഏതൊരു ഫോര്‍മാറ്റ് ആണെങ്കിലും ഒരു സിക്സ് അടിക്കുന്നത് വരെയെങ്കിലും ട്രെഡിഷണലായ ഓഫ് സ്പിന്‍ എറിയുക എന്നത് പ്രധാനപ്പെട്ടതായിരുന്നു'' എന്നും ഗംഭീര്‍ പറയുന്നു. അശ്വിന് ക്രിക്കറ്റ് കളിച്ചിട്ട് കുറച്ച് നാളുകളായി. ഇംഗ്ലണ്ടിനെതിരായ പരമ്പരയില്‍ അശ്വിന് ടീമിലുണ്ടായിരുന്നില്ല. എന്നാല്‍ ഓഫ് സ്പിന്‍ എറിഞ്ഞിരുന്നുവെങ്കില്‍ അശ്വിന് നഷ്ടമായ താളം കണ്ടെത്താന്‍ സാധിക്കുമായിരുന്നുവെന്നാണ് ഗംഭീര്‍ പറയുന്നത്.
''ടെസ്റ്റ് മാച്ചിലേത് പോലെ പന്തെറിഞ്ഞ് റിതം കണ്ടെത്തണമായിരുന്നു. ബാറ്റിംഗ് ആയാലും ബൗളിംഗ് ആയാലും ഫീല്‍ ആണ് പ്രധാനം. തുടക്കത്തില്‍ തന്നെ നക്കിള്‍ ബോള്‍ ആണ് കണ്ടത്. നിന്റെ പക്കല്‍ എല്ലാ വേരിയേഷനുമുണ്ടെന്ന് ആ ലോകത്തിലുള്ള എല്ലാവര്‍ക്കും അറിയാം. നിനക്ക് ഗൂഗിളിയും ലെഗ് സ്പിന്നും നക്കിള്‍ ബോളുമെല്ലാം എറിയാന്‍ പറ്റും. പക്ഷെ അപ്പോഴും നീയൊരു ഓഫ് സ്പിന്നറാണ്'' എന്നാണ് ഗംഭീര്‍ പറയുന്നത്. അശ്വിന്റെ പ്രകടനത്തില്‍ താന്‍ നിരാശനാണെന്നാണ് ഗംഭീര്‍ പറയുന്നത്.
''ഓഫ് സ്പിന്‍ എറിഞ്ഞും വിക്കറ്റ് നേടാന്‍ സാധിക്കും. ട്വന്റി-20 ക്രിക്കറ്റ് ആണെന്ന് കരുതി വേരിയേഷന്‍ പുറത്തെടുക്കണമെന്നില്ല. ആ അര്‍ത്ഥത്തില്‍ അവന്‍ എന്നെ നിരാശപ്പെടുത്തി. പക്ഷെ മുന്നോട്ട് പോകവെ അവന്‍ കൂടുതല്‍ ഓഫ് സ്പിന്‍ എറിയുമെന്നുറപ്പാണ്. കാരണം അവനൊരു ലോകോത്തര ബൗളര്‍ ആണ്'' എന്നും ഗംഭീര്‍ കൂട്ടിച്ചേര്‍ക്കുന്നുണ്ട്. സമാനമായ അഭിപ്രയാവുമായി വിരേന്ദര്‍ സെവാഗും നേരത്തെ രംഗത്ത് എത്തിയിരുന്നു. ''അശ്വിന് പന്തെറിയുന്ന രീതി വച്ച്, ബാറ്റര്‍മാരെ പുറത്താക്കാനുള്ള സാധ്യതയും കുറഞ്ഞ് വരികയാണ്. ഓഫ് സ്പിന്‍ എറിയാന്‍ തുടങ്ങിയാല്‍ മാത്രമേ എല്‍ബിഡബ്ല്യുവും ബൗള്‍ഡുമൊക്കെ സമവാക്യത്തിലേക്ക് വരികയുള്ളൂ. എക്കണോമിക്കല്‍ ആയാണ് പന്തെറിയുന്നതെന്നത് ശരി തന്നെ. പക്ഷെ മുതിര്‍ന്ന ബൗളര്‍ എന്ന നിലയില്‍ മധ്യ ഓവറുകളില്‍ ബ്രേക്ക് ത്രൂ നല്‍കണം'' എന്നാണ് സെവാഗ് പറയുന്നത്.
അതേസമയം പണ്ടും ഇതുപോലെ അശ്വിന് വേരിയഷനുകളില്‍ പരീക്ഷണം നടത്തുമായിരുന്നുവെന്നും എന്നാല്‍ അന്ന് നായകനായിരുന്ന എംഎസ് ധോണി അതൊന്നും അനുവദിക്കുമായിരുന്നില്ലെന്നും സെവാഗ് പറയുന്നുണ്ട്. ഓഫ് സ്പിന്നറായ അശ്വിന് അതിന് തന്നെ പ്രധാന്യം നല്‍കണമെന്നാണ് സെവാഗിന്റേയും അഭിപ്രായം. അതേസമയം മുംബൈയും കൊല്‍ക്കത്തയും തമ്മിലാണ് ഇന്നത്തെ മത്സരം.
