മത്സര ശേഷം പഞ്ചാബ് വേണ്ട വിധത്തില് തങ്ങളുടെ ബോളര്മാരെ വിനിയോഗിച്ചില്ലെന്നാണ് നെഹ്റ പറയുന്നത്. വരും മത്സരങ്ങളില് പഞ്ചാബ് തങ്ങളുടെ തന്ത്രങ്ങള് മാറ്റണമെന്നാണ് നെഹ്റ പറയുന്നത്. നോക്കൂ, ഈ ഫോര്മാറ്റില് ഓരോ താരത്തിനും ചെയ്യേണ്ട ഓരോ കാര്യങ്ങളുണ്ട്. നിങ്ങള്ക്ക് നന്നായി ബോള് ചെയ്യാന്, നന്നായി ബാറ്റ് ചെയ്യാന് ഒക്കെ ഇഷ്ടമാണ്. നിങ്ങള്ക്ക് നല്ല ദിവസങ്ങളും മോശം ദിവസങ്ങളുമുണ്ടാകും. അത് കളിയില് സ്വാഭാവികമാണ്. പക്ഷെ ചില കാര്യങ്ങള് നമ്മുടെ നിയന്ത്രണങ്ങളിലാണ്. നിങ്ങള്ക്ക് എന്തെങ്കിലും ചെയ്യാന് സാധിക്കുന്നത് നെഹ്റ പറയുന്നു.
നിങ്ങളുടെ ആദ്യത്തെ ഓവറുകള് വിദേശ ബോളര്മാര്ക്ക് നല്കിയില്ല. മെരെഡിത്ത് പത്ത് ഓവറുകള്ക്ക് ശേഷമാണ് വന്നത്. തന്റെ ആദ്യ ഓവറില് തന്നെ സ്റ്റീവ് സ്മിത്തിന്റെ വിക്കറ്റ് നേടി. അര്ഷദീപിനെയായിരുന്നു തുടക്കത്തില് തിരഞ്ഞെടുത്തത്. അപ്പോള് നിങ്ങള് എവിടെയാണ് കളി നിയന്ത്രിക്കുന്നത് മുന്നിലോ പിന്നിലോ എന്നാണ് നെഹ്റ ചോദിക്കുന്നത്. വരും മത്സരങ്ങള്ക്കായി ക്യാപ്റ്റനും കോച്ചും ഒരുമിച്ചിരുന്ന് കൂടുതല് മെച്ചപ്പെട്ട പദ്ധതി തയ്യാറാക്കണമെന്നും നെഹ്റ പറഞ്ഞു.
ഇതുപോലെയാണ് തന്ത്രമെങ്കില് അടുത്ത കളിയില് കെഎല് പോലും ഓപ്പണ് ചെയ്യരുത്. ജലജ് സക്സേനയേയോ ഷമിയേയോ ഷാരൂഖിനേയോ അയക്കണം. അതുകൊണ്ട് ക്യാപ്റ്റനെന്ന നിലയില് രാഹുല് ചിന്തിക്കണം. അനില് കുംബ്ലെയുമായി ഇരിക്കണം. അവര് നല്ലൊരു തന്ത്രം രൂപീകരണം. കാരണം എനിക്കിന്നത്തെ കളി മനസിലായതേയില്ല. എന്നായിരുന്നു നെഹ്റ പറഞ്ഞത്. പഞ്ചാബ് തങ്ങളുടെ ബോളിംഗ് പ്ലാന് നശിപ്പിച്ചുവെന്നും നെഹ്റ പറഞ്ഞു.
നാല് വ്യത്യസ്ത ബോളര്മാരെ കളിപ്പിച്ചുവെന്നതാണ് ആദ്യത്തെ തെറ്റ്. വേണ്ടത്ര റിസോഴ്സ് ഇല്ലാത്തവരാണ് സാധാരണ ഇങ്ങനെ ചെയ്യാറുള്ളത്. അതാണ് അവര് ചെയ്ത പ്രധാന തെറ്റെന്നാണ് നെഹ്റ പറയുന്നത്. രാഹുലിന്റെ ക്യാപ്റ്റന്സിക്കെതിരേയും തന്ത്രങ്ങള്ക്കെതിരേയും നേരത്തേയും വിമര്ശനങ്ങള് ഉയര്ന്നിരുന്നു. ബാറ്റ് ചെയ്യുമ്പോള് ടീമിനെ ജയിപ്പിക്കുക എന്ന ലക്ഷ്യമില്ലാതെയാണ് രാഹുല് കളിക്കുന്നതെന്നും വിമര്ശനങ്ങളുണ്ട്.
ആദ്യം ബാറ്റ് ചെയ്ത പഞ്ചാബ് നാല് വിക്കറ്റ് നഷ്ടത്തില് 195 റണ്സായിരുന്നു എടുത്തത്. പഞ്ചാബിനായി രാഹുല് 51 പന്തില് 61 റണ്സും മായങ്ക് അഗര്വാള് 36 പന്തില് 69 റണ്സുമാണ് നേടിയത്. മറുപടി ബാറ്റിംഗിന് ഇറങ്ങിയ ഡല്ഹിക്കായി മികച്ച തുടക്കമാണ് ഡല്ഹിക്ക് പൃഥ്വി ഷായും ശിഖര് ധവാനും നല്കിയത്. ധവാന് 49 പന്തുകളില് നിന്നും 92 റണ്സും ഷാ 17 പന്തില് 32 റണ്സും അടിച്ചെടുത്തു. അവസാന ഓവറുകളില് ആഞ്ഞടിച്ച സ്റ്റോയ്നിസ് 13 പന്തില് 27 റണ്സാണ് നേടിയത്. ഇതോടെ ഡല്ഹി അനായാസം ജയത്തിലേക്ക് എത്തുകയായിരുന്നു.