പ്രശ്നം പ്രായമല്ല. 2018 -ല് ദുബായില് നടന്ന T10 ലീഗില് പങ്കെടുത്തതാണ് താംബെയ്ക്ക് വിനയായത്. ബിസിസിഐയുടെ നിയമം പ്രകാരം ക്രിക്കറ്റില് നിന്നും വിരമിച്ചവര്ക്ക് മാത്രമേ വിദേശ ലീഗുകളില് കളിക്കാന് അനുവാദമുള്ളൂ. 2017 -ലാണ് താംബെ ഏറ്റവും അവസാനമായി ഐപിഎല് കളിച്ചത്. 2018 -ല് ക്രിക്കറ്റില് നിന്നും വിരമിക്കുന്ന കാര്യം മുംബൈ ക്രിക്കറ്റ് അസോസിയേഷനെ ഇദ്ദേഹം അറിയിച്ചു. വിരമിച്ചതിനെ തുടര്ന്നാണ് T10 ലീഗ് കളിക്കാന് താംബെയ്ക്ക് അനുവാദം ലഭിച്ചതും.
എന്നാല് T10 ലീഗ് സമാപിച്ചതോടെ വിരമിക്കാനുള്ള തീരുമാനം താരം തിരുത്തി. പോയവര്ഷം മുംബൈ T20 ലീഗില് പങ്കെടുക്കുന്നതിന് വേണ്ടി എംസിഎക്ക് നല്കിയ രാജിക്കത്ത് താംബെ പിന്വലിച്ചു. ശേഷമാണ് ഐപിഎല് താരലേലത്തിന് ഇദ്ദേഹം പേരുനല്കിയത്. ബിസിസിഐയുടെ നിയമം ലംഘിച്ചാണ് പ്രവീണ് താംബെ ഐപിഎല്ലില് പങ്കെടുക്കാന് ഒരുങ്ങുന്നതെന്ന് ഐപിഎല് ചെയര്മാന് ബ്രിജേഷ് പട്ടേല് വ്യക്തമാക്കി.
പുതിയ ഐപിഎല് സീസണ് കളിക്കാന് പ്രവീണ് താംബെ അയോഗ്യനാണ്. കൊല്ക്കത്ത നൈറ്റ് റൈഡേഴ്സ് മാനേജ്മെന്റിനെയും ഇക്കാര്യം അറിയിച്ചു. താംബെയെ കളിക്കാന് അനുവദിച്ചാല് മറ്റുള്ളവര്ക്കും സമാനമായ ഇളവ് ചെയ്തുകൊടുക്കേണ്ടി വരുമെന്ന് ഐപിഎല് ചെയര്മാന് സൂചിപ്പിച്ചു. നിലവില് ഇതുവരെ 33 ഐപിഎല് മത്സരങ്ങളിലാണ് പ്രവീണ് താംബെ പങ്കെടുത്തിരിക്കുന്നത്.
Most Read: വനിതകളുടെ ടി20 ലോകകപ്പ്: കിവികളെയും വീഴ്ത്തി... ഹാട്രിക് ജയം, ഇന്ത്യക്കു സെമി യോഗ്യത
Most Read: 'എവിടെ, പിച്ച് എവിടെ?' - ഇന്ത്യയ്ക്കായി വീണ്ടും 'പച്ച' കെണിയൊരുക്കി ന്യൂസിലാന്ഡ്
രാജസ്ഥാന് റോയല്സ്, ഗുജറാത്ത് ലയണ്സ്, സണ്റൈസേഴ്സ് ഹൈദരാബാദ് ടീമുകള്ക്കായി ഇദ്ദേഹം കളിച്ചിട്ടുണ്ട്. ഐപിഎല്ലില് 28 വിക്കറ്റുകളാണ് ലെഗ് സ്പിന്നറായ താംബെയുടെ സമ്പാദ്യം. ഇക്കോണമി നിരക്കാകട്ടെ എട്ടു റണ്സും. 20 റണ്സ് വഴങ്ങി നാലു വിക്കറ്റുകള് സ്വന്തമാക്കിയതാണ് താംബെയുടെ ഏറ്റവും മികച്ച ബൗളിങ് പ്രകടനം.