രോഹിത്തിന് ഇനിയും ടീമിലെത്താം
ഇന്ത്യക്കു വേണ്ടി രോഹിത് കുറച്ചു കാലമായി കളിച്ചിട്ടില്ല. മുംബൈ ഇന്ത്യന്സിനു വേണ്ടി ഐപിഎല്ലില് തുടര്ന്നു കളിക്കാന് ഫിറ്റ്നസ് നേടിയെടുത്താല് അദ്ദേഹം ഓസീസ് പര്യടനത്തിനുള്ള ദേശീയ ടീമില് ഇടം പിടിക്കേണ്ടതുണ്ടെന്നു ദാസ്ഗുപ്ത അഭിപ്രായപ്പെട്ടു.
എന്നാല് രോഹിത്തിന്റെ കാര്യത്തില് ഇപ്പോഴും 50-50 ചാന്സാണുള്ളത്. മുംബൈ ടീമിനു വേണ്ടി നെറ്റ്സില് അദ്ദേഹം ബാറ്റ് ചെയ്യാന് തുടങ്ങിയിട്ടേയുള്ളൂവെന്നും ഗുപ്ത കൂട്ടിച്ചേര്ത്തു.
വൈകാതെ മടങ്ങിയെത്തിയേക്കും
രോഹിത്തിന്റെ മടങ്ങിവരവ് അധികം വൈകുമെന്നു കരുതുന്നില്ല. ഒരു കളിയോ, ചില മല്സരങ്ങളോ കളിക്കുന്നതോടെ അദ്ദേഹം ഫിറ്റ്നസ് വീണ്ടെടുക്കും. ഇതോടെ രോഹിത് ഓസീസ് പര്യടനത്തിന് പൂര്ണ സജ്ജനായി തീരും. ഇതു പിന്തുട ഞെരമ്പിലെ പ്രശ്നമാണ്. 100 ശതമാനം ഫിറ്റല്ലാത്ത ഒരാളെ ടീമിലലുള്പ്പെടുത്താന് നിങ്ങള് ആഗ്രഹിക്കില്ലെന്നും ദാസ്ഗുപ്ത വിശദമാക്കി.
ഈ സീസണിലെ ഐപിഎല്ലില് മുംബൈയ്ക്കു വേണ്ടി ഒമ്പത് മല്സരങ്ങളില് നിന്നും 28.88 ശരാശരിയില് 260 റണ്സാണ് രോഹിത് നേടിയിട്ടുള്ളത്. അവസാനത്തെ രണ്ടു മല്സരങ്ങളിലും പരിക്ക് കാരണം അദ്ദേഹം കളിച്ചിട്ടില്ല.
രോഹിത് ടീമില് വേണം
ഫിറ്റാണെങ്കില് രോഹിത് ഓസീസ് പര്യടനത്തിനുള്ള ഇന്ത്യന് ടീമില് വേണം. അക്കാര്യത്തില് ഒരു സംശയവുമില്ല. മായങ്ക് അഗര്വാൡന്റെ പരിക്ക് അത്ര സാരമുള്ളതല്ല. അതുകൊണ്ടു തന്നെ അദ്ദേഹത്തെ ഓസീസ് പര്യടനത്തില് ഉള്പ്പെടുത്തുകയും ചെയ്തിട്ടുണ്ട്. എന്നാല് രോഹിത് ഫിറ്റാണെങ്കില് ടീമില് വേണമെന്നും ദാസ്ഗുപ്ത നിര്ദേശിച്ചു.
ഓസീസ് പര്യടനത്തിനുള്ള ഇന്ത്യയുടെ വൈസ് ക്യാപ്റ്റനെ ഇപ്പോള് പ്രഖ്യാപിക്കേണ്ടിയിരുന്നില്ല. രോഹിത്തിന്റെ പരിക്കുമായി ബന്ധപ്പെട്ട് ഒരാഴ്ച കൂടി അവര്ക്കു കാത്തിരിക്കാമായിരുന്നു. അതിനു ശേഷം വൈസ് ക്യാപ്റ്റനെ പ്രഖ്യാപിക്കുന്നതായിരുന്നു ഉചിതമെന്നും ദാസ്ഗുപ്ത കൂട്ടിച്ചേര്ത്തു.