Click it and Unblock the Notifications
ആദ്യ വിക്കറ്റില്‍ ഫിഫ്റ്റി
കെകെആര്‍ ആഗ്രഹിച്ചൊരു തുടക്കം തന്നെയാണ് ഓപ്പണര്‍മാരായ ശുഭ്മാന്‍ ഗില്ലും നിതീഷ് റാണയും നല്‍കിയത്. റാണ തുടക്കത്തില്‍ താളം കണ്ടെത്താന്‍ പാടുപെട്ടപ്പോള്‍ ഗില്‍ തുടക്കം മുതല്‍ നല്ല ഒഴുക്കോടെ ഷോട്ടുകള്‍ പായിച്ചു. ആദ്യ വിക്കറ്റില്‍ 53 റണ്‍സിന്റെ കൂട്ടുകെട്ട് ഇരുവരും ചേര്‍ന്നു പടുത്തുയര്‍ത്തി.
എട്ടാം ഓവറിലെ രണ്ടാം പന്തില്‍ ഗില്‍ പുറത്തായതോടെയാണ് ഈ സഖ്യം വേര്‍പിരിഞ്ഞത്. 17 പന്തില്‍ 26 റണ്‍സെടുത്ത ഗില്ലിനെ സ്പിന്നര് കാണ്‍ ശര്‍മ ക്ലീന്‍ ബൗള്‍ഡാക്കി. 88.7 കിമി മാത്രം വേഗതയുണ്ടായിരുന്ന പന്തിനെതിരേ ഗില്ലിന് ടൈമിങ് പിഴച്ചപ്പോല്‍ ലെഗ് സ്റ്റംപ് തെറിക്കുകയായിരുന്നു.
നരെയ്ന് പെട്ടെന്നു പുറത്ത്
അതിവേഗം റണ്‍സ് അടിച്ചെടുത്ത് സിഎസ്‌കെ ബൗളര്‍മാരുടെ താളം തെറ്റിക്കുകയെന്ന ലക്ഷ്യത്തോടെ സുനില്‍ നരെയ്‌നെയാണ് കെകെആര്‍ മൂന്നാമനായി ഗ്രൗണ്ടിലിറക്കിയത്. നേരിട്ട മൂന്നാമത്തെ പന്തില്‍ സിക്‌സര്‍ പറത്തിയ നരെയ്ന് തുടക്കം മിന്നിച്ചെങ്കിലും അധികം ആയുസ്സുണ്ടായില്ല. ഏഴാമത്തെ പന്തില്‍ അദ്ദേഹം പുറത്തായി. മിച്ചെല്‍ സാന്റ്‌നര്‍ക്കായിരുന്നു വിക്കറ്റ്. വേഗം കുറഞ്ഞ ബോളിനെതിരേ വമ്പന്‍ ഷോട്ടിനു ശ്രമിച്ച നരെയ്ന് പാളി. ഡീപ്പ് മിഡ് വിക്കറ്റില്‍ രവീന്ദ്ര ജഡേജയാണ് ക്യാച്ചെടുത്തത്.
റിങ്കു സിങ് മടങ്ങി
റിങ്കു സിങായിരുന്നു തുടര്‍ന്നു കളിച്ചത്. സ്‌കോറിങിനു വേഗമുയര്‍ത്തുകയെന്ന ലക്ഷ്യത്തോടെ തന്നെയായിരുന്നു റിങ്കുവിനും പ്രൊമോഷന്‍ നല്‍കിയത്. റാണയ്‌ക്കൊപ്പം 33 റണ്‍സിന്റെ കൂട്ടുകെട്ടുണ്ടാക്കിയ ശേഷമായിരുന്നു താരം മടങ്ങിയത്. രവീന്ദ്ര ജഡേജയ്ക്കാണ് വിക്കറ്റ്. 11 പന്തില്‍ ഒരു ബൗണ്ടറിയടക്കം 11 റണ്‍സ് മാത്രമാണ് താരമെടുത്തത്.
ബാറ്റിന് അരികില്‍ തട്ടിത്തെറിച്ച പന്ത് ആകാശത്തേക്കുയര്‍ന്നപ്പോള്‍ ഫൈന്‍ ലെഗ്ഗില്‍ അമ്പാട്ടി റായുഡു അനായാസം ക്യാച്ച് ചെയ്തു.
റാണ- മോര്‍ഗന്‍ കൂട്ടുകെട്ട്
റാണയും ക്യാപ്റ്റന്‍ ഇയോന്‍ മോര്‍ഗനും ചേര്‍ന്ന് ഭേദപ്പെട്ട കൂട്ടുകെട്ടിലൂടെ കെകെആറിനെ ഭദ്രമായ സ്‌കോറിലെത്തിച്ചു. 44 റണ്‍സാണ് ഇരുവരും ചേര്‍ന്നെടുത്തത്. ഇതിനിടെ റാണ തന്റെ ഫിഫ്റ്റിയും പൂര്‍ത്തിയാക്കി. കാണ്‍ ശര്‍മയെറിഞ്ഞ 16ാം ഓവറില്‍ ഹാട്രിക്ക് സിക്‌സറുകളാണ് റാണ പറത്തിയത്. 18ാം ഓവറില്‍ റാണയുടെ തകര്‍പ്പന്‍ ഇന്നിങ്‌സിനു തിരശീല വീണു. ലുംഗി എന്‍ഗിഡിക്കായിരുന്നു വിക്കറ്റ്. ലോങ് ഓണിനു മുകളിലൂടെ ഷോട്ടിനു ശ്രമിച്ച റാണയ്ക്കു പിഴച്ചു. ആകാശത്തേക്കുയര്‍ന്ന പന്ത് സാം കറെന്‍ പിടികൂടി.
പ്ലെയിങ് ഇലവന്‍
കൊല്‍ക്കത്ത നൈറ്റ്‌റൈഡേഴ്‌സ്- ശുഭ്മാന്‍ ഗില്‍, നിതീഷ് റാണ, രാഹുല്‍ ത്രിപാഠി, ദിനേഷ് കാര്‍ത്തിക്, ഇയോന്‍ മോര്‍ഗന്‍ (ക്യാപ്റ്റന്‍), സുനില്‍ നരെയ്ന്, റിങ്കു സിങ്, പാറ്റ് കമ്മിന്‍സ്, ലോക്കി ഫെര്‍ഗൂസന്‍, കമലേഷ് നാഗര്‍കോട്ടി, വരുണ്‍ ചക്രവര്‍ത്തി.
ചെന്നൈ സൂപ്പര്‍ കിങ്‌സ്- റുതുരാജ് ഗെയക്വാദ്, ഷെയ്ന്‍ വാട്ന്‍, അമ്പാട്ടി റായുഡു, എംഎസ് ധോണി (ക്യാപ്റ്റന്‍), എന്‍ ജഗദീശന്‍, സാം കറെന്‍, രവീന്ദ്ര ജഡേജ, മിച്ചെല്‍ സാന്റ്‌നര്‍, കാണ്‍ ശര്‍മ, ദീപക് ചഹര്‍, ലുംഗി എന്‍ഗിഡി.
