ഞെട്ടലോടെ തുടക്കം
ടോസ് നഷ്ടപ്പെട്ട് ബാറ്റിങിനു നിയോഗിക്കപ്പെട്ട മുംബൈയുടെ തുടക്കം ഞെട്ടലോടെയായിരുന്നു. അക്കൗണ്ട് തുറക്കും മുമ്പ് തന്നെ ദക്ഷിണാഫ്രിക്കന് താരം ക്വിന്റണ് ഡികോക്കിനെ ചാംപ്യന്മാര്ക്കു നഷ്ടമായി. ആദ്യ ഓവറിലെ അഞ്ചാമത്തെ പന്തില് വിന്ഡീസ് പേസര് ഷെല്ഡണ് കോട്രെല് ഡികോക്കിനെ ബൗള്ഡാക്കുകയായിരുന്നു. കോട്രെലിന്റെ ഔട്ട്സ്വിങറിനെതിരേ ബാറ്റ് വീശിയ ഡികോക്കിന് ഡൈമിങ് പാളിയപ്പോള് മിഡില് സ്റ്റംപ് തെറിക്കുകയായിരുന്നു.
പിടിമുറുക്കി പഞ്ചാബ്
പവര്പ്ലേയില് മുംബൈയെ വരിഞ്ഞുമുറുക്കുന്ന ബൗളിങായിരുന്നു പഞ്ചാബ് കാഴ്ചവച്ചത്. നായകന് രോഹിത്തിനും മൂന്നാമനായി ക്രീസിലെത്തിയ സൂര്യകുമാര് യാദവിനും റണ്സെടുക്കാനുള്ള ഒരു പഴുതും അവര് നല്കിയില്ല. തട്ടിയും മുട്ടിയും ഇരുവരും ഇന്നിങ്സ് മുന്നോട്ടു കൊണ്ടു പോകവെ നിര്ഭാഗ്യകരമായ രീതിയില് യാദവ് മടങ്ങി.
നാലാം ഓവറിലെ അഞ്ചാമത്തെ പന്തിലായിരുന്നു ഇത്. സ്പിന്നര് രവി ബിഷ്നോയിയുടെ ഓവറില് ഇരുവരും സിംഗിളിനായി ഓടി. എന്നാല് ശഷോര്ട്ട് ഫൈനല് ലെഗില് നിന്നും മുഹമ്മദ് ഷമിയുടെ നേരിട്ടുള്ള ത്രോയില് യാദവ് റണ്ണൗട്ടായി. 10 റണ്സായിരുന്നു യാദവ് നേടിയത്.
രോഹിത്- ഇഷാന് സഖ്യം
കഴിഞ്ഞ മല്സരത്തില് മുംബൈയ്ക്കു വേണ്ടി വെടിക്കെട്ട് പ്രകടനം നടത്തിയ ഇഷാന് കിഷനാണ് പിന്നീട് രോഹിത്തിനു കൂട്ടായി ക്രീസിലെത്തിയത്. 62 റണ്സിന്റെ കൂട്ടുകെട്ടുണ്ടാക്കി ഇരുവരും മുംബൈയെ തകര്ച്ചയ്ക്കരികില് നിന്നും കളിയിലേക്കു തിരികെ കൊണ്ടു വന്നു. ഈ സഖ്യം കരുത്താര്ജിക്കവെയായിരുന്നു ഇഷാന് പുറത്താവുന്നത്. ടീം സ്കോര് 83ല് വച്ചായിരുന്നു ഇത്.
കെ ഗൗതമിന്റെ ബൗളിങില് സ്വീപ്പ് ഷോട്ട് കളിച്ച ഇഷാനെ ഡീപ്പ് മിഡ് വിക്കറ്റില് കരുണ് നായര് പിടികൂടുകയായിരുന്നു. കളിയില് ഒരിക്കല്പ്പോലും താളത്തിലേക്കുയരാന് കഴിയാതെയാിരുന്നു താരത്തിന്റെ മടക്കം.
പ്ലെയിങ് ഇലവന്
മുംബൈ ഇന്ത്യന്സ്- രോഹിത് ശര്മ (ക്യാപ്റ്റന്), ക്വിന്റണ് ഡികോക്ക്, സൂര്യകുമാര് യാദവ്, ഇഷാന് കിഷന്, ഹാര്ദിക് പാണ്ഡ്യ, കിരോണ് പൊള്ളാര്ഡ്, ക്രുനാല് പാണ്ഡ്യ, ജെയിംസ് പാറ്റിന്സണ്, രാഹുല് ചഹര്, ട്രെന്റ് ബോള്ട്ട്, ജസ്പ്രീത് ബുംറ.
കിങ്സ് ഇലവന് പഞ്ചാബ്- കെഎല് രാഹുല് (ക്യാപ്റ്റന്), മായങ്ക് അഗര്വാള്, നിക്കോളാസ് പുരാന്, ഗ്രെന് മാക്സ്വെല്, കരുണ് നായര്, ജെയിംസ് നീഷാം, സര്ഫറാസ് ഖാന്, കെ ഗൗതം, മുഹമ്മദ് ഷമി, ഷെല്ഡോണ് കോട്രെല്, രവി ബിഷ്നോയ്.