ബാറ്റ് ചെയ്യുമ്പോള് വെള്ള ഷൂസ് മാത്രം
ബാറ്റ് ചെയ്യാനിറങ്ങുമ്പോള് വെളുത്ത ഷൂസ് മാത്രമേ ധരിക്കാറുള്ളൂ. അത് ഏറെ ഇഷ്ടപ്പെടുന്നു. മുമ്പ് മുതല് തന്നെ പിന്തുടര്ന്നു പോരുന്ന ഒരു ശീലമാണിത്. വെള്ള ഷൂസ് ധരിച്ചാല് നന്നായി ബാറ്റ് ചെയ്യാന് കഴിയുമെന്നൊരു വിശ്വാസം തനിക്കുണ്ട്. അതിനെ വേണമെങ്കില് അന്ധവിശ്വാസമെന്നു തന്നെ വിളിക്കാം. ബാറ്റ് ചെയ്യുമ്പോള് അത് എന്റെ മേഖലയാണ്, സയം കൂടുല് അടുത്തു നിന്ന് പെര്ഫോം ചെയ്യാനുള്ള സമയം കൂടിയാണിതെന്നും കോലി ലൈവ് സെഷനില് ഗ്വാര്ഡിയോളയോടു പറഞ്ഞു.
ഗ്വാര്ഡിയോളയുടെ അന്ധവിശ്വാസം?
തന്റെ വെള്ള ഷൂസ് പോലെ കളിച്ചിരുന്ന കാലത്ത് എന്തെങ്കിലും അന്ധവിശ്വാസം ഉണ്ടായിരുന്നോയെന്നു ഗ്വാര്ഡിയോളയോട് കോലിയും തിരികെ ചോദിച്ചു.
താന് കളിച്ചിരുന്ന കാലത്ത് എല്ലാവരും കറുപ്പ് ഷൂസാണ് ധരിച്ചിരുന്നത്. എന്നാല് ഇപ്പോള് കറുപ്പ് നിറമുള്ള ഷൂസ് കളിക്കളത്തില് കാണുകയെന്നത് ബുദ്ധിമുട്ടാണ്. ഒരു ദിവസം ചൂവപ്പ് ബൂട്ടുകള് താന് ധരിച്ചപ്പോള് ഉപദേശകനും മികച്ച കോച്ചുമായിരുന്ന യൊഹാന് ക്രൈഫ് ഇതു കാണുകയും മാറ്റാന് ആവശ്യപ്പെടുകയും ചെയ്തിരുന്നു. കറുപ്പ് ബൂട്ടുകള് തന്നെ മതിയെന്നായിരുന്നു അദ്ദേഹത്തിന്റെ ഉപദേശമെന്നും ഗ്വാര്ഡിയോള കോലിയോടു വെളിപ്പെടുത്തി.
കോലിയുടെ തിരിച്ചുവരവ്
ആര്സിബിക്കു മികച്ച ബാറ്റിങാണ് കോലി ഇപ്പോള് കാഴ്ചവച്ചു കൊണ്ടിരിക്കുന്നത്. സീസണിലെ തുടക്കത്തിലെ മല്സരങ്ങളില് അദ്ദേഹം ബാറ്റിങില് തീര്ത്തും നിറംമങ്ങിയിരുന്നു. ചില ക്യാച്ചുകള് നഷ്ടപ്പെടുത്തി ഫീല്ഡിങിലും കോലിക്കു വിമര്ശനം നേരിടേണ്ടി വന്നു.
എന്നാല് വിമര്ശകരുടെ വായടപ്പിച്ചു കൊണ്ട് ഫോമിലേക്കു തിരിച്ചെത്തിയ കോലി പിന്നീട് രണ്ടു ഫിഫ്റ്റികളുമായി തിളങ്ങിയിരുന്നു. ഏഴു മല്സരങ്ങളില് നിന്നും 64 ശരാശരിയില് 256 റണ്സെടുത്ത അദ്ദേഹം ഇപ്പോള് ടീമിന്റെ ടോപ്സ്കോറര് കൂടിയാണ്. പുറത്താവാതെ നേടിയ 90 റണ്സാണ് 31 കാരന്റെ ഉയര്ന്ന സ്കോര്.