Click it and Unblock the Notifications
ജോഷ്വാ ഫിലിപ്പ്
23 കാരനായ ജോഷ്വാ ഫിലിപ്പ് റോയല് ചലഞ്ചേഴ്സ് ബംഗളൂരുവിലൂടെയാണ് അരങ്ങേറ്റത്തിനൊരുങ്ങുന്നത്. പാര്ഥിവ് പട്ടേലിന്റെ അഭാവത്തില് ഉപയോഗിക്കാനായാണ് വിക്കറ്റ് കീപ്പര് ബാറ്റ്സ്മാനായ ഫിലിപ്പിനെ ടീമിലെത്തിച്ചത്. വെടിക്കെട്ട് ബാറ്റിങ് പുറത്തെടുക്കാന് കഴിവുള്ള താരം തന്റെ മികവ് ബിഗ്ബാഷ് ലീഗില് തെളിയിച്ചിട്ടുണ്ട്. 2019ല് സിഡ്നി തണ്ടേഴ്സിന്റെ ഭാഗമായിരുന്ന ഫിലിപ്പിനെ 20 ലക്ഷം രൂപയ്ക്കാണ് ബംഗളൂരു സ്വന്തമാക്കിയത്. ബിബിഎല്ലില് 140 ആണ് ഫിലിപ്പിന്റെ സമ്പാദ്യം.
ടോം ബാന്റന്
ഇംഗ്ലണ്ട് താരമായ ടോം ബാന്റനെ കൊല്ക്കത്ത നൈറ്റ് റൈഡേഴ്സാണ് ടീമിലെത്തിച്ചത്. ബിഗ്ബാഷ് ലീഗില് ബ്രിസ്ബണ് ഹീറ്റിന്റെ താരമായ ടോം ബാന്റന് പാകിസ്താന് സൂപ്പര് ലീഗിലും കളിക്കുന്നുണ്ട്. ആക്രമിച്ച് കളിക്കാന് കെല്പ്പുള്ള വിക്കറ്റ് കീപ്പര് ബാറ്റ്സ്മാനായ താരം 2019 നവംബറിലാണ് ഇംഗ്ലണ്ട് ടീമില് അരങ്ങേറ്റം കുറിച്ചത്.
ഷെല്ഡോന് കോട്രല്
വെസ്റ്റ് ഇന്ഡീസ് പേസ് ബൗളര് ഷെല്ഡോന് കോട്രല് കിങ്സ് ഇലവന് പഞ്ചാബിലൂടെയാണ് ഐപിഎല് അരങ്ങേറ്റത്തിനൊരുങ്ങുന്നത്. 2019ലെ ഏകദിന ലോകകപ്പിലടക്കം തകര്പ്പന് പ്രകടനം പുറത്തെടുത്ത കോട്രല് പഞ്ചാബ് നിരയില് അരങ്ങേറ്റം കുറിക്കുമെന്നുറപ്പാണ്. വിക്കറ്റ് നേടിയ ശേഷം ബാറ്റ്സ്മാനെ സല്യൂട്ട് ചെയ്ത് മടക്കുന്ന കോട്രലിന്റെ ആഹ്ലാദ രീതി ഏറെ ശ്രദ്ധിക്കപ്പെട്ടിരുന്നു.
അലെക്സ് ക്യാരി
2019ലെ ഏകദിന ലോകകപ്പില് ഓസീസ് ടീമിന്റെ ഭാഗമായിരുന്ന അലെക്സ് ക്യാരി ഡല്ഹി ക്യാപിറ്റല്സിനുവേണ്ടിയാണ് തന്റെ കന്നി ഐപിഎല് സീസണ് കളിക്കാനൊരുങ്ങുന്നത്. 2019ലെ ലോകകപ്പില് 62.50 ശരാശരിയില് 375 റണ്സാണ് താരം അടിച്ചെടുത്തത്. ഈ മികവാണ് റിക്കി പോണ്ടിങ് പരിശീലകനായുള്ള ഡല്ഹി ക്യാപിറ്റല്സിലെത്താന് അലെക്സിനെ സഹായിച്ചത്.
ജോഷ് ഹെയ്സല്വുഡ്
ആരാധകര്ക്ക് സുപരിചിതമായ പേരാണെങ്കിലും ഇതുവരെ ജോഷ് ഹെയ്സല്വുഡ് ഐപിഎല്ലില് കളിച്ചിട്ടില്ല. ഇത്തവണ ചെന്നൈ സൂപ്പര് കിങ്സാണ് ഹെയ്സല്വുഡിനെ ടീമിലെത്തിച്ചത്. ടെസ്റ്റ് ടീമിലെ സജീവ സാന്നിധ്യമായതിനാല് പലപ്പോഴും ഐപിഎല് കളിക്കുന്നതില് നിന്ന് ഹെയ്സല്വുഡിനെ ക്രിക്കറ്റ് ഓസ്ട്രേലിയ തടുത്തിരുന്നു. ഇപ്പോള് കോവിഡിനെത്തുടര്ന്ന് ദീര്ഘനാള് ഇടവേള ലഭിച്ചതിനാലാണ് ഹെയ്സല്വുഡിന് കളിക്കാന് അനുമതി നല്കിയത്. 35 ടി20കളില് നിന്നായി 42 വിക്കറ്റാണ് ഹെയ്സല്വുഡിന്റെ പേരിലുള്ളത്.
Continue with Google