2019 സീസണിലാണ് ഡൽഹി ഫ്രാഞ്ചൈസി 'ഡൽഹി ക്യാപിറ്റൽസ്' എന്ന പേരു സ്വീകരിച്ചത്. ഇതോടെ ടീമിന്റെ തലവരയും മാറി. പോയവർഷം പ്ലേ ഓഫിൽ കടക്കാൻ ഡൽഹി ക്യാപിറ്റൽസിനായി. യുവതാരം ശ്രേയസ് അയ്യറാണ് ടീമിന്റെ നായകൻ. ഇത്തവണ ട്രാൻസ്ഫർ വിൻഡോ വഴിയും താരലേലം വഴിയും ഒരുപിടി പുത്തൻ താരങ്ങളെ ഡൽഹി ഫ്രാഞ്ചൈസി സ്വന്തം പാളയത്തിൽ കൊണ്ടുവന്നിട്ടുണ്ട്. അജിങ്ക്യ രഹാനെയും രവിചന്ദ്രൻ അശ്വിനും ഡൽഹിക്കായി പുതിയ സീസൺ കളിക്കും. നിലവിൽ ടീം സന്തുലിതമാണ്. ഡൽഹി ക്യാപിറ്റൽസിന്റെ കൂടുതൽ വിവരങ്ങൾ ചുവടെ കാണാം.