ഒരുപക്ഷെ ഇനി കാണില്ല
ഈ സീസണില് ധോണി ഭായ് തന്റെ ജഴ്സി എല്ലാവര്ക്കും നല്കുകയാണ്. ഒരുപക്ഷെ ഫീല്ഡില് അദ്ദേഹത്തെ നമ്മള് അവസാനമായി കാണുന്ന സീസണായിരിക്കും ഇതെന്നായിരുന്നു ഒരു ട്വീറ്റ്.
നിരവധി താരങ്ങള്ക്കാണ് ധോണിയുടെ ഓട്ടോഗ്രാഫോടു കൂടി കൂടിയ ജഴ്സി ഈ വര്ഷം ലഭിച്ചത്. ഇത് അദ്ദേഹത്തിന്റെ അവസാനത്തെ വര്ഷമാണോയെന്നായിരുന്നു ഒരു യൂസറുടെ ചോദ്യം.
ധോണി യുഗത്തിന് അന്ത്യമോ?
ജഴ്സി കൈമാറുകയാണ്... ഐപിഎല്ലില് എംഎസ് ധോണി യുഗത്തിന്റെ അന്ത്യമാണോയിതെന്നായിരുന്നു ഒരു യൂസറുടെ സംശയം.
മഹിയുടെ അവസാന വര്ഷമാണിതെന്നു തോന്നു. എല്ലാവരും ഓട്ടോഗ്രാഫുകളും ജഴ്സികളും വാങ്ങുന്നുണ്ട്. അടുത്ത വര്ഷവും അദ്ദേഹം കളിക്കുമെന്നാണ് പ്രതീക്ഷയെന്നും ഒരു ആരാധകന് ട്വീറ്റ് ചെയ്തു.
അവസാനത്തേതെന്ന് പറയരുത്
എന്തുകൊണ്ടാണ് എംഎസ് ധോണി തന്റെ ജഴ്സി ഓരോ മല്സരത്തിനു ശേഷവും എതിര് ടീം കളിക്കാര്ക്കു സമ്മാനിക്കുന്നത്? വീണ്ടുമൊരു കടുപ്പമേറിയ തീരുമാനം എടുക്കാനാണോ അദ്ദേഹത്തിന്റെ നീക്കം? ദയവു ചെയ്ത് ഇക്കാര്യത്തില് വ്യക്തത വേണം. യുവനിരയ്ക്കൊപ്പം വീണ്ടുമൊരു ട്രോഫി കൂടി അദ്ദേഹം നേടണമെന്ന് തങ്ങളെല്ലാം ആഗ്രഹിക്കുന്നുവെന്നായിരുന്നു ഒരു യൂസര് കുറിച്ചത്.
എന്തുകൊണ്ടാണ് അദ്ദേഹം ജഴ്സി കൈമാറുന്നത്? ഈ സീസണിലെ ഐപിഎല്ലില് ധോണിയുടെ അവസാനത്തേത് ആണെന്നു ദയവ് ചെയ്തു പറയരുത്, ഈ വര്ഷം ഇതിനകം തന്നെ ഹൃദയഭേദമായ പലതും ഏറ്റുവാങ്ങേണ്ടി വന്നതായി ഒരു ആരാധകന് ട്വീറ്റ് ചെയ്തു.