പരിക്ക്: ആശിഷ് നെഹ്റ ഇനി ഐപിഎൽ കളിക്കില്ല.. സൺറൈസേഴ്സ് ഹൈദരാബാദിന് തിരിച്ചടി!!

ഹൈദരാബാദ്: നിലവിലെ ചാമ്പ്യന്മാരായ സൺറൈസേഴ്സ് ഹൈദരാബാദിന്റെ ഫാസ്റ്റ് ബൗളർ ആശിഷ് നെഹ്റ ഐ പി എല്ലിന് പുറത്തായി. നെഹ്റയ്ക്ക് ഈ സീസണിൽ ഇനി കളിക്കാനാകില്ല എന്നും സൺറൈസേഴ്സ് ഹൈദരാബാദ് കോച്ച് ടോം മൂഡിയാണ് അറിയിച്ചത്. ഐ പി എൽ എലിമിനേറ്ററിൽ കൊൽക്കത്ത നൈറ്റ് റൈഡേഴ്സിനെതിരെയാണ് സൺറൈസേഴ്സിന്റെ കളി.

കിടിലം കൊള്ളിക്കുന്ന അന്യഗ്രഹ കാഴ്ചകളിലൂടെ തുടരുന്ന ഏലിയൻ പരമ്പര.. ശൈലന്റെ ഏലിയൻ; കോവിനന്റ് റിവ്യൂ!!

മെയ് ആറിന് റൈസിങ് പുനെ സൂപ്പര്‍ജയന്റ്സിനെതിരായ മത്സരത്തിലാണ് നെഹ്റയ്ക്ക് പരിക്കേറ്റത്. പേശിവലിവ് അനുഭവപ്പെട്ട നെഹ്റ കളിക്കളത്തിൽ നിന്നും പുറത്ത് പോകുകയായിരുന്നു. ഇതിന് ശേഷം നടന്ന കളികളിലൊന്നും നെഹ്റ ഹൈദരാബാദിന് വേണ്ടി കളിച്ചിരുന്നില്ല. ഈ സീസണിൽ ആകെ ആറ് കളികളിൽ ഇറങ്ങിയ നെഹ്റ എട്ട് വിക്കറ്റുകൾ വീഴ്ത്തിയിരുന്നു.

നെഹ്റയ്ക്ക് പകരം മുഹമ്മദ് സിറാജാണ് ഹൈദരാബാദ് ടീമിലെത്തിയത്. സിറാജ് ഭേദപ്പെട്ട പ്രകടനം കാഴ്ചവെക്കുന്നുണ്ട് എന്നത് സൺറൈസേഴ്സിന് ആശ്വാസമാകും. നാളെ (മെയ് 17 ബുധനാഴ്ച) എലിമിനേറ്ററിൽ തോൽക്കുന്ന ടീം ഐ പി എല്ലിന് പുറത്താകും. ജയിക്കുന്ന ടീം ഇന്നത്തെ മുംബൈ - പുനെ മത്സരത്തിൽ തോൽ‌ക്കുന്ന ടീമുമായി രണ്ടാം ക്വാളിഫയർ കളിക്കും. ഇതിൽ ജയിക്കുന്ന ടീമാണ് ഫൈനലിലെത്തുക.