Click it and Unblock the Notifications
സ്വന്തം തട്ടകത്തില് മുംബൈ
വാങ്കഡേ സ്റ്റേഡിയത്തില് മുംബൈ ഇന്ത്യന്സിനെ തോല്പ്പിക്കുക അത്ര എളുപ്പമുള്ള പരിപാടിയില്ല. ഏപ്രില് പന്ത്രണ്ട് ബുധനാഴ്ച എട്ട് മണിക്കത്തെ കളിയില് സണ്റൈസേഴ്സ് ഹൈദരാബാദിനെതിരെ മുംബൈ വാങ്കഡേയിലെ പതിനായിരങ്ങളുമുണ്ടാകും മുംബൈയ്ക്ക് വേണ്ടി. കൊല്ക്കത്തയ്ക്കെതിരെ ഒരു അത്ഭുത വിജയം വങ്കഡേയില് പിടിച്ചെടുത്ത ആത്മവിശ്വാസത്തിലാണ് മുംബൈ.
കഴിഞ്ഞ സീസണില്
കാര്യങ്ങള് ഇങ്ങനെയൊക്കെയാണെങ്കിലും കഴിഞ്ഞ സീസണിലെ രണ്ട് മത്സരങ്ങളിലും സണ്റൈസേഴ്സ് മുംബൈയെ അടപടലേ പൂട്ടിക്കളഞ്ഞു. കളിച്ച രണ്ട് കളിയിലും മുംബൈയെ തോല്പിച്ചു. ഹൈദരാബാദില് വെച്ച് 142 റണ്സിലും മുംബൈയില് വെച്ച് 92 റണ്സിലുമാണ് മുംബൈയെ ഹൈദരാബാദ് ഒതുക്കിയത്. ആകെ എട്ട് കളിയില് നാല് ഹൈദരാബാദും നാല് മുംബൈയും.
ഇത്തവണയും ബൗളിംഗ്
ഹൈദരാബാദ് സണ്റൈസേഴ്സിന്റെ ശക്തി ഇത്തവണയും ബൗളിംഗ് തന്നെ. അഫ്ഗാന് സ്പിന്നര് റാഷിദ് ഖാന് ഇതിനോടകം തന്നെ ചര്ച്ചയായിക്കഴിഞ്ഞു. ഭുവനേശ്വര് കുമാറിനും നെഹ്റയ്ക്കും ഹെന്റിക്കസിനുമൊപ്പം മുസ്താഫിസുര് കൂടി ചേര്ന്നാല് പിന്നെ ഹൈദരാബാദിനെ പിടിച്ചാല് കിട്ടില്ല. വാര്ണര്, യുവരാജ്, കട്ടിങ്, ഹെന്റിക്കസ് ഇങ്ങനെ പോകുന്നു ബാറ്റിംഗ് നിര.
ആത്മവിശ്വാസത്തോടെ മുംബൈ
കരുത്തരായ കൊല്ക്കത്തയെ പൊരുതി തോല്പിച്ച ആത്മവിശ്വാസത്തിലാണ് മുംബൈ ഇന്ത്യന്സ്. അവസാന മൂന്നോവറില് 49 റണ്സടിച്ചാണ് മുംബൈ കളി പിടിച്ചത്. സ്വന്തം തട്ടകത്തില് പരിചയസമ്പത്തും യുവരക്തവും സമാസമം ചേര്ത്ത് മുംബൈ ഇറങ്ങുമ്പോള് ഹൈദരാബാദിനും ചെറിയൊരു പേടിയൊക്കെ ആവാം. കളി രാത്രി എട്ട് മണി മുതല് സോണി സിക്സ്, മാക്സ്, ഇഎസ്പിഎന് ചാനലുകളിലും ഹോട് സ്റ്റാറിലും.
Continue with Google