റിഷഭ് പന്ത് വരുന്നു
ഐ പി എല്ലില് ആദ്യമായിട്ടാണ് പന്ത് ഓപ്പണറായി കളിക്കുന്നത്. 40 പന്തില് 9 ഫോറും 2 സിക്സും സഹിതം 69 റണ്സ്. രണ്ടാം ഓവറില് ധവാല് കുല്ക്കര്ണിയെ ഹാട്രിക് ബൗണ്ടറികളോടെയാണ് പന്ത് സ്വീകരിച്ചത്. മാന് ഓഫ് ദ മാച്ചും പന്ത് തന്നെ
ഡി കോക്കിന്റെ പിന്തുണ
ചെറിയ വിജയലക്ഷ്യമായതിനാല് തന്നെ ക്വിന്റന് ഡി കോക് സമയമെടുത്താണ് കളിച്ചത്. പോരാത്തതിന് മറുവശത്ത് പന്തിന്റെ വക വെടിക്കെട്ടും ഉണ്ടായിരുന്നല്ലോ. 45 പന്തില് 4 ഫോറും 1 സിക്സും അടക്കമാണ് ഡി കോക്കിന്റെ 46.
സഞ്ജുവിന് ഈസി
13 പന്തില് ഓരോന്ന് വീതം സിക്സും ഫോറുമായി സഞ്ജു സാംസണ് 19 റണ്സുമായി പുറത്താകാതെ നിന്നു. 7 പന്തില് 13 റണ്സെടുത്ത ജെ പി ഡുമിനിയും നോട്ടൗട്ടായി. ഗുജറാത്ത് ബൗളര്മാരില് ഒരാള്ക്ക് പോലും തിളങ്ങാനായില്ല
രക്ഷിച്ചത് കാര്ത്തിക്
43 പന്തില് 53 റണ്സുമായി ദിനേശ് കാര്ത്തിക്കാണ് ലയണ്സിന്റെ ടോപ് സ്കോററായത്. ജഡേജയ്ക്കൊപ്പം കാര്ത്തിക് തീര്ത്ത കൂട്ടുകെട്ട് നിര്ണായകമായി. റെയ്ന 24 റണ്സെടുത്തു. ഡല്ഹിക്ക് വേണ്ടി നദീം രണ്ട് വിക്കറ്റ് വീഴ്ത്തി.