മുസ്താഫിസുര്‍ ഗുജറാത്തിനെ എറിഞ്ഞു തകര്‍ത്തു, ഹൈദരാബാദിന് പാട്ടുംപാടി ജയം!

ഭുവനേശ്വര്‍ കുമാര്‍ തുടങ്ങി

ഡ്വെയ്ന്‍ സ്മിത്തിനെയും സുരേഷ് കുമാറിനെയും പുറത്താക്കി ഭുവനേശ്വര്‍ കുമാറാണ് ഹൈദരാബാദിന്റെ ജയത്തിന് അടിത്തറയിട്ടത്. നാലോവറില്‍ 28 റണ്‍സിന് 2 വിക്കറ്റ് വീഴ്ത്തിയ ഭുവിയാണ് മാന്‍ ഓഫ് ദ മാച്ച്.

മുസ്താഫിസുറാണ് താരം

കളിയിലെ മാന്‍ ഓഫ് ദ മാച്ച് മുസ്താഫിസുറാണെങ്കിലും താരമായത് ബംഗ്ലാദേശി ഫാസ്റ്റ് ബൗളര്‍ മുസ്താഫിസുര്‍ റഹ്മാനാണ്. നാലോവര്‍ പന്തെറിഞ്ഞ മുസ്താഫിസുര്‍ ആകെ വഴങ്ങിയത് 17 റണ്‍സ്. വീഴ്ത്തിയത് 2 വിക്കറ്റ്.

ഫിഞ്ചിന്റെ ഫിഫ്റ്റി

ആരോണ്‍ ഫിഞ്ച് മറ്റൊരു ഫിഫ്റ്റിയുമായി ഗുജറാത്തിനെ രക്ഷിക്കാന്‍ നോക്കിയെങ്കിലും ഫലം കണ്ടില്ല. 42 പന്തിലായിരുന്നു ഫിഞ്ചിന്റെ അര്‍ധസെഞ്ചുറി.

ധവാന്‍ അവസാനം വരെ

ചെറിയ വിജയലക്ഷ്യം പിന്തുടര്‍ന്ന ഹൈദരാബാദിന് വേണ്ടി ശിഖര്‍ ധവാന്‍ 47 റണ്‍സുമായി പുറത്താകാതെ നിന്നു. വാര്‍ണര്‍ 24 റണ്‍സെടുത്തു.

യുവരാജ് ഇറങ്ങി

രണ്ടോവര്‍ ബൗള്‍ ചെയ്ത യുവരാജ് 13 റണ്‍സ് മാത്രമേ വിട്ടുകൊടുത്തുള്ളൂ. ബാറ്റിംഗില്‍ പക്ഷേ തിളങ്ങാന്‍ യുവിക്ക് പറ്റിയില്ല. 14 പന്തില്‍ 5 റണ്‍സായിരുന്നു യുവരാജിന്റെ സമ്പാദ്യം. ഐ പി എല്‍ ഒമ്പതാം സീസണില്‍ ആദ്യമായിട്ടാണ് യുവരാജ് കളിക്കാനിറങ്ങുന്നത്.