യുവരാജിനെ ബാംഗ്ലൂര്‍ ചാലഞ്ചേഴ്‌സും കൈവിട്ടു!

യുവരാജിന് കണ്ടകശനി

കളിക്കളത്തില്‍ യുവരാജ് സിംഗിന് നല്ല കാലമല്ല. ലോകകപ്പിനുള്ള സാധ്യതാ പട്ടികയില്‍ പോലും ഇടം പിടിക്കാന്‍ യുവിക്ക് കഴിഞ്ഞില്ല. പിന്നാലെയാണ് അസംതൃപ്തരായ ബാംഗ്ലൂര്‍ റോയല്‍ ചാലഞ്ചേഴ്‌സ് യുവിയെ കൈവിട്ടത്.

14 കോടിയുടെ താരം

ഐ പി എല്‍ ഏഴാം സീസണില്‍ 14 കോടിക്കാണ് ബാംഗ്ലൂര്‍ ടീം യുവരാജിനെ വാങ്ങിയത്. സ്വന്തം വിമാനക്കമ്പനിയിലെ ജീവനക്കാര്‍ക്ക് ശമ്പളം പോലും കൊടുക്കാത്ത മല്യ ഐ പി എല്‍ ലേലത്തില്‍ കോടികള്‍ പൊട്ടിച്ചത് വന്‍ വിവാദമായി.

പീറ്റേഴ്‌സനും ഔട്ട്

ഐ പി എല്ലിലെ മറ്റൊരു കാശുകാരനാണ് ഇംഗ്ലണ്ടിന്റെ കെവിന്‍ പീറ്റേഴ്‌സണ്‍. കെ പിയെ ഡെല്‍ഹി ടീമും ലേലത്തിന് വിട്ടിട്ടുണ്ട്.

വിരാട് കോലിയുടെ താല്‍പര്യം

ക്യാപ്റ്റന്‍ വിരാട് കോലിയുടെ പ്രത്യേക താല്‍പര്യമാണേ്രത യുവരാജിനെ ബാംഗ്ലൂര്‍ ടീമിലെത്തിച്ചത്. ഇപ്പോഴും ബാംഗ്ലൂരിന്റെ ക്യാപ്റ്റന്‍ കോലി തന്നെയാണ്.

ഡിമാന്‍ഡ് കുറയും

ഇന്ത്യന്‍ ടീമില്‍ നിന്നും പുറത്തായ യുവരാജിന് ഐ പി എല്‍ ലേലത്തില്‍ വലിയ പ്രതീക്ഷയൊന്നും വേണ്ട. 14 കോടിയൊന്നും യുവരാജിന് കിട്ടാനിടയില്ല.

മോശമായിരുന്നില്ല

സിക്‌സറുകള്‍ അടിച്ചുകൂട്ടി ബാംഗ്ലൂരിനെ ജയിപ്പിച്ചിട്ടുണ്ട് യുവരാജ്. സീസണില്‍ ബാംഗ്ലൂരിന്റെ രണ്ടാമത്തെ റണ്‍വേട്ടക്കാരനും യുവരാജായിരുന്നു.

യുവരാജ് ഇനിയെവിടെ

പഞ്ചാബ്, പുനെ ടീമുകള്‍ക്ക് ശേഷമാണ് യുവി ബാംഗ്ലൂരിലെത്തിയത്. യുവരാജിനെ വാങ്ങാന്‍ കെല്‍പുള്ള ടീം ഏതാണ് എന്നാണ് ഇനി കാണാനുള്ളത്.