കൊളംബോ: വിരാട് കോലിയുടെ നേതൃത്വത്തിലുള്ള ഇന്ത്യന് ക്രിക്കറ്റ് ടീം ശ്രീലങ്കയില് സമ്പൂര്ണ ജയം നേടിയതിന്റെ ആഹ്ലാദമടങ്ങുന്നതിനു മുമ്പ് ലങ്കയില് നിന്നു തന്നെ ദുഖകരമായ വാര്ത്ത. ഇന്ത്യന് താരം ലങ്കയില് വച്ച് മുങ്ങി മരിച്ചുവെന്ന ഞെട്ടിക്കുന്ന വാര്ത്തയാണ് പുറത്തുവന്നിരിക്കുന്നത്.
എന്നാല് സീനിയര് ടീമിലെ താരമല്ല, ജൂനിയര് ടീമിലെ കളിക്കാരനാണ് ദാരുണമായി മുങ്ങിമരിച്ചത്. ഗുജറാത്തില് നിന്നുള്ള 12കാരനായ നരേന്ദ്രസിങ് സോധയാണ് മരിച്ചത്. ലങ്കയില് നടക്കുന്ന അണ്ടര് 17 ടീമുകളുടെ ടൂര്ണമെന്റില് പങ്കെടുക്കാന് 19 അംഗ ടീമിനൊപ്പമെത്തിയതായിരുന്നു താരം.
സ്വിമ്മിങ് പൂളില് മുങ്ങിയ താരത്തെ വൈകാതെ തന്നെ ആശുപത്രിയില് എത്തിച്ചിരുന്നെങ്കിലും ജീവന് രക്ഷിക്കാനായില്ലെന്ന് ആശുപത്രി വൃത്തങ്ങള് അറിയിച്ചു. പമുനുഗമയിലുള്ള ടീം ഹോട്ടലില് മൂന്നു സഹതാരങ്ങള്ക്കൊപ്പം സ്വിമ്മിങ് പൂളില് ഇറങ്ങിയപ്പോഴാണ് സോധ അപകടത്തില്പ്പെട്ടത്.