ക്രിക്കറ്റിന്റെ യഥാര്ഥ സ്പിരിറ്റോടെയല്ല ഇംഗ്ലണ്ടിനെതിരേ ഇന്ത്യ അന്നു കളിച്ചതെന്ന കാര്യത്തില് ഒരു സംശയവുമില്ല. നിങ്ങള് ഏതു ക്രിക്കറ്റ് പ്രേമിയോടും ഇതേക്കുറിച്ച് ചോദിച്ചൂ നോക്കൂ. മല്സരഫലം എന്തെന്നറിയില്ലെന്നും അതുകൊണ്ട് ആര് പുറത്തായെന്നും തനിക്കറിയില്ല. പാകിസ്താന് നല്ല ക്രിക്കറ്റായിരുന്നു കളിച്ചത്. പക്ഷെ ചെറിയ ചില പിഴവുകളുടെ പേരില് ഞങ്ങള് ലോകകപ്പില് നിന്നു പുറത്തായി. അതുകൊണ്ടു തന്നെ ഏതെങ്കിലുമൊരു മല്സരഫലത്തെ താന് കുറ്റപ്പെടുത്തില്ലെന്നും ഹഫീസ് പിസിബിയുടെ ലൈവ് വീഡിയോ കോണ്ഫറന്സില് പറഞ്ഞു.
ഒരു ക്രിക്കറ്റ് ആരാധകന് എന്ന നിലയില് മാത്രം ഇന്ത്യ-ഇംഗ്ലണ്ട് മല്സരം കണ്ടപ്പോള് ഇന്ത്യ ജയിക്കാന് ശ്രമിച്ചില്ലെന്നു തനിക്ക് ഉറപ്പിച്ചു പറയാന് കഴിയും. ഇതു ക്രിക്കറ്റിനു തന്നെ മോശമാണ്. രണ്ടു ടീമുകളും ജയം ലക്ഷ്യമിട്ടാണ് ക്രിക്കറ്റില് ഏറ്റുമുട്ടാറുള്ളത്. പക്ഷെ ഇന്ത്യ- ഇംഗ്ലണ്ട് മല്സരത്തില് തനിക്കു ഇത് കാണാനായില്ല.
മറുഭാഗത്ത് പാകിസ്താന്റെ പ്രകടനത്തില് ചില പോരായ്മകളുണ്ടായിരുന്നു. ചില തെറ്റുകള് ഞങ്ങളുടെ ഭാഗത്ത് നിന്നുണ്ടായെന്നും ഹഫീസ് വിശദമാക്കി.
ഇംഗ്ലണ്ടിന്റെ സ്റ്റാര് ഓള്റൗണ്ടര് ബെന് സ്റ്റോക്സിന്റെ പരാമര്ശാണ് ലോകകപ്പിലെ ഇന്ത്യ- ഇംഗ്ലണ്ട് മല്സരത്തെ വിവാദത്തിലാക്കിയത്. ഇന്ത്യയുടെ ഭാഗത്തു നിന്നു ജയിക്കാനുള്ള ശ്രമങ്ങള് കണ്ടില്ലെന്നും എംഎസ് ധോണിയുടെ ഇന്നിങ്സും വിരാട് കോലി- രോഹിത് ശര്മ എന്നിവരുടെ കൂട്ടുകെട്ടുമെല്ലാം വിചിത്രമായാണ് തനിക്കു തോന്നിയതെന്നും സ്റ്റോക്സ് പുസ്തകത്തില് കുറിച്ചിരുന്നു.
ഇതിനു പിന്നാലെയാണ് പാക് താരങ്ങള് ഈ അഭിപ്രായം ആയുധമാക്കി ഇന്ത്യക്കെതിരേ രംഗത്തു വന്നത്. മുന് താരങ്ങളായ അബ്ദുള് റസാഖ്, മുഷ്താഖ് അഹമ്മദ്, സിക്കന്തര് ബക്ത് എന്നിവരാണ് പാകിസ്താനെ ലോകകപ്പില് നിന്നു പുറത്താക്കുന്നതിനു വേണ്ടി മാത്രം ഇംഗ്ലണ്ടിനോടു ഇന്ത്യ തോറ്റു കൊടുത്തെന്ന ആരോപണം ഉന്നയിച്ചത്.