മെച്ചപ്പെടുത്തിയേ തീരൂ
പന്ത് വിക്കറ്റ് കീപ്പിങ് ഇനിയുമേറെ മെച്ചപ്പെടുത്തിയേ തീരൂവെന്നു പ്രസാദ് നിര്ദേശിച്ചു. ഒരു സ്പെഷ്യലിസ്റ്റ് വിക്കറ്റ് കീപ്പിങ് കോച്ചിനെ പന്തിനെ സഹായിക്കുന്നതിനു വേണ്ടി ചുമതലപ്പെടുത്തുമെന്നും ടീം പ്രഖ്യാപിച്ച ശേഷം പ്രസാദ് വിശദമാക്കി.
വിന്ഡീസിനെതിരേ സമാപിച്ച ഏകദിന പരമ്പരയിലും 22 കാരനായ പന്ത് വിക്കറ്റ് കീപ്പിങില് ചില പിഴവുകള് വരുത്തിയതിന്റെ പേരില് ഏറെ പഴി കേട്ടിരുന്നു.
ലാറയുടെ പിന്തുണ
വിക്കറ്റ് കീപ്പിങില് മാത്രമല്ല ബാറ്റിങിലെ സ്ഥിരതയില്ലാത്ത പ്രകടനത്തിന്റെ പേരിലും പന്തിന് പല കോണുകളില് നിന്നും വിമര്ശനം നേരിടേണ്ടി വന്നിരുന്നു. എങ്കിലും ചില മുന് താരങ്ങള് പന്തിനെ പിന്തുണച്ചു രംഗത്തു വന്നിരുന്നു. ഇക്കൂട്ടത്തിലൊരാളായിരുന്നു വിന്ഡീസ് ഇതിഹാസം ബ്രയാന് ലാറ.
21 വയസ്സ് മാത്രമലുള്ള പന്തിനു മേല് അനാവശ്യ സമ്മര്ദ്ദമാണ് ചെലുത്തുന്നത്. തനിക്കു 21 വയസ്സുണ്ടായിരുന്നപ്പോള് ഇത്തരത്തിലുള്ള സമ്മര്ദ്ദമൊന്നും നേരിടേണ്ടി വന്നിരുന്നില്ല. ഇത്തരത്തില് അനാവശ്യമായി ഒരു താരത്തെ സമ്മര്ദ്ദത്തിലാക്കുന്നത് അയാള്ക്കു വലിയ ബുദ്ദിമുട്ടായി മാറും. സ്വന്തം കഴിവ് പുറത്തെടുക്കാനുള്ള അവസരം പന്തിനു നല്കുകയാണ് വേണ്ടതെന്നും ലാറ ചൂണ്ടിക്കാട്ടിയിരുന്നു.
കോലിക്കും അതൃപ്തി
കളിക്കളത്തില് പിഴവ് വരുത്തുമ്പോഴെല്ലാം കാണികള് മുന് വിക്കറ്റ് കീപ്പര് എംഎസ് ധോണിയുടെ പേര് വിളിച്ചു പറഞ്ഞതില് ഇന്ത്യന് നായകന് കോലി പല തവണ അതൃപ്തി പ്രകടിപ്പിച്ചിരുന്നു. പന്തിനെ അപമാനിക്കുന്നതിനു തുല്യമാണ് കാണികളുടെ ഈ പെരുമാറ്റമെന്നും അദ്ദേഹം ചൂണ്ടിക്കാട്ടിയിരുന്നു.
ബിസിസിഐ പ്രസിഡന്റ് സൗരവ് ഗാംഗുലിക്കും പന്തിനെക്കുറിച്ചു തികഞ്ഞ മതിപ്പാണുള്ളത്. മികച്ച താരമാണ് പന്തെന്നും സാവധാനം പക്വതയാര്ന്ന കളിക്കാരനായി അദ്ദേഹം മാറുമെന്നും ദാദ അഭിപ്രായപ്പെട്ടിരുന്നു.