ഇന്ഡോറിലെ ബൗണ്ടറി മറ്റു ഗ്രൗണ്ടുകളുമായി താരതമ്യം ചെയ്യുമ്പോള് ചെറുതായിരുന്നു. താന് ബൗള് ചെയ്യവെ കുശാല് പെരേരയായിരുന്നു അന്ന് സ്ട്രൈക്ക് നേരിട്ടത്. കവറിലൂടെ കുശാല് ബൗണ്ടറി നേടി. ഫീല്ഡിങില് മാറ്റം വരുത്താന് വിക്കറ്റിനു പിറകില് നിന്നും ധോണി വിളിച്ചു പറഞ്ഞുകൊണ്ടിരുന്നു. എന്നാല് അദ്ദേഹത്തിന്റെ നിര്ദേശം താന് കേട്ടില്ലെന്നു നടിച്ചു. തൊട്ടടുത്ത പന്തിലും കുശാല് റിവേഴ്സ് സ്വീപ്പിലൂടെ ബൗണ്ടറി കണ്ടെത്തി. ഇതോടെയാണ് ധോണിയുടെ സകല നിയന്ത്രണങ്ങളും വിട്ടതെന്നു 24കാരനായ കുശാല് വ്യക്തമാക്കി.
കുപിതനായി തന്റെ അടുത്തേക്ക് വന്ന് ധോണി ശകാരിക്കുകയായിരുന്നു. ഞാനെന്താ വിഡ്ഢിയാണോ? 300ല് കൂടുതല് ഏകദിന മല്സരങ്ങളില് ഞാന് കളിച്ചിട്ടുണ്ട്. എന്നാല് ഞാന് പറയുന്നത് ശ്രദ്ധിക്കുന്നില്ലെന്നും ധോണി തന്നോടു രോഷത്തോടെ പറയുകയായിരുന്നുവെന്ന് കുല്ദീപ് വെളിപ്പെടുത്തി. അന്ന് ധോണിയുടെ ഈ രോഷം കണ്ടപ്പോള് ശരിക്കും ഭയന്നു പോയതായും താരം വ്യക്തമാക്കി.
അന്നത്തെ മല്സരത്തില് ധോണിയുടെ നിര്ദേശത്തെ തുടര്ന്നു ഫീല്ഡിങില് ചില മാറ്റങ്ങള് വരുത്തിയപ്പോള് കുല്ദീപിനു വിക്കറ്റ് ലഭിച്ചിരുന്നു. നാലോവറില് 52 റണ്സ് വിട്ടുകൊടുത്ത സ്പിന്നര് മൂന്നു വിക്കറ്റുകളാണ് നേടിയത്. മല്സരത്തില് ഇന്ത്യ 88 റണ്സിന്റെ തകര്പ്പന് ജയവും സ്വന്തമാക്കിയിരുന്നു.
ധോണിയുടെ ഈ ശകാരം ശരിക്കും അസ്വസ്ഥനാക്കിയിരുന്നു. മല്സരശേഷം ടീം ബസ്സില് യാത്ര ചെയ്യവെ താന് ധോണിയുടെ അരികിലേക്കു പോയി സംസാരിച്ചു. മുമ്പ് എപ്പോഴെങ്കിലും ഇതുപോലെ ക്ഷൂഭിതനായിട്ടുണ്ടോയെന്നായിരുന്നു അദ്ദേഹത്തോടു ചോദിച്ചത്. കഴിഞ്ഞ 20 വര്ഷത്തിനിടെ ആദ്യമായിട്ടാണ് തനിക്കു ദേഷ്യം വന്നതെന്നായിരുന്നു ധോണിയുടെ മറുപടിയെന്നും കുല്ദീപ് പറഞ്ഞു. എങ്കിലും ധോണിയുമായി നല്ല സൗഹൃദമാണ് ഇപ്പോഴും തനിക്കുള്ളതെന്നും ടീമിലെ അടുത്ത രണ്ടു കൂട്ടുകാര് ധോണിയും ശിഖര് ധവാനുമാണെന്നും കുല്ദീപ് വ്യക്തമാക്കി.