പന്ത് ഡികോക്കിനെപ്പോലെ
പന്ത് വളരെ പ്രതീക്ഷ നല്കുന്ന താരമാണ്. ദക്ഷിണാഫ്രിക്കയുടെ യുവ വിക്കറ്റ് കീപ്പര് ക്വിന്റണ് ഡികോക്കുമായി ഏറെ സാമ്യമുള്ള താരമാണ് അദ്ദേഹം. ബാറ്റിങിലും വിക്കറ്റ് കീപ്പിങിലുമെല്ലാം ഇരുവരും തമ്മില് പല സാമ്യങ്ങളുമുണ്ട്. പന്തിനെ പ്പോലെയുള്ള മികച്ച യുവതാരങ്ങള് ഐപിഎല്ലിലൂടെ ഉയര്ന്നുവരുന്നുണ്ടെന്നും ബെംഗളൂരുവില് മാധ്യമങ്ങളോടെ സംസാരിക്കവെ ഗില്ക്രിസ്റ്റ് പറഞ്ഞു.
പന്ത് മികച്ച പ്രകടം നടത്തുമെന്ന് പ്രതീക്ഷ
കഴിഞ്ഞ ഐപിഎല്ലിലെ പ്രകടനം വിലയിരുത്തുമ്പോള് പന്തില് വളരെ വലിയ പ്രതീക്ഷയാണ് ഇന്ത്യക്കുള്ളത്. താരത്തിന് അതിനൊത്ത് ഉയരാന് കഴിയുമെന്ന് പ്രതീക്ഷിക്കുന്നു. ഇംഗ്ലണ്ടിനെതിരേ ഇപ്പോള് നടന്നുകൊണ്ടിരിക്കുന്ന ടെസ്റ്റ് പരമ്പരയില് പന്തിന് കൂടുതല് റണ്സ് നേടാനാവട്ടെയെന്നു പ്രതീക്ഷിക്കുന്നതായും ഗില്ക്രിസ്റ്റ് കൂട്ടിച്ചേര്ത്തു.
കോലിയെ വാനോളം പുകഴ്ത്തി
ഇന്ത്യന് ക്യാപ്റ്റന് വിരാട് കോലിയെ വാനോളം പുകഴ്ത്താന് ഗില്ക്രിസ്റ്റ് മറന്നില്ല. കോലി ശരിക്കുമൊരു ചാംപ്യന് പ്ലെയറാണ്. കഴിഞ്ഞ ഇംഗ്ലണ്ട് പര്യടനത്തില് അദ്ദേഹത്തിന്റെ പ്രകടനം വിമര്ശിക്കപ്പെട്ടിരുന്നു. എന്നാല് ഇത്തവണ കോലി അതിനു പ്രായശ്ചിത്തം ചെയ്തു കഴിഞ്ഞതായും ഗില്ലി ചൂണ്ടിക്കാട്ടി.