മികച്ച പേസ് ബൗളിങ്
ബാറ്റിങായിരുന്നു നേരത്തേയുള്ള ഇന്ത്യയുടെ ഏറ്റവും വലിയ കരുത്തെങ്കില് ലോകകപ്പില് പേസ് ബൗളിങ് നിരയെയും എതിരാളികള്ക്കു ഭയക്കേണ്ടി വരുമെന്നു ഭുവി മുന്നറിയിപ്പ് നല്കുന്നു. കഴിഞ്ഞ ലോകകപ്പിനു ശേഷം സ്വന്തം ബൗളിങും ഏറെ മെച്ചപ്പെടുത്തിയതായി താരം പറഞ്ഞു.
പേസിനൊപ്പം സ്ലോ ബോള്, നക്കിള് ബോള് എന്നിവയടക്കം ബൗളിങിലെ വൈവിധ്യത്തിന്റെ കാര്യത്തിലും താന് ഏറെ മുന്നേറിക്കഴിഞ്ഞു. ബൗളിങില് മാത്രമല്ല ഫിറ്റ്നസിലും താന് ബഹുദൂരം മുന്നേറിയതായും ഭുവി കൂട്ടിച്ചേര്ത്തു.
ഇംഗ്ലണ്ടിലെ പിച്ച്
ഇംഗ്ലണ്ടിലെ പിച്ച് കഴിഞ്ഞ കുറച്ചു വര്ഷങ്ങളായി വളരെയധികം ഫ്ളാറ്റായി മാറിക്കഴിഞ്ഞതായി ഭുവി ചൂണ്ടിക്കാട്ടി. എന്നാല് ഇതു ഇന്ത്യക്കു തിരിച്ചടിയാവില്ല. ഇന്ത്യന് ബൗളിങ് നിരയെ തീര്ച്ചയായും എതിരാളികള് ഭയക്കും. കാരണം ആദ്യ ഓവറുകളില് മാത്രമല്ല ഡെത്ത് ഓവറുകളിലും മികച്ച പ്രകടനം നടത്താന് ശേഷിയുള്ളവരാണ് ബൗളര്മാര്.
ഒരു പ്രത്യേക ദിവസം ബൗളര്മാര് എങ്ങനെ തങ്ങളുടെ തന്ത്രങ്ങള് നടപ്പിലാക്കുമെന്നതിനെ ആശ്രയിച്ചിരിക്കും ഇന്ത്യയുടെ വിജയസാധ്യതകളെന്നും ഭുവി വിശദമാക്കി.
ഏറ്റവും മികച്ചതോ?
ഇന്ത്യയുടെ ഏറ്റവും മികച്ച പേസ് ബൗളിങ് നിരയാണോ ഇപ്പോഴത്തേത് എന്ന ചോദ്യത്തിന് ഭുവിയുടെ മറുപടി ഇങ്ങനെയായിരുന്നു. ഈ ബൗളിങ് നിരയാണോ ഏറ്റവും മികച്ചത് എന്നതിനെക്കുറിച്ച് പ്രതികരിക്കാനില്ല. കാരണം കളിക്കളത്തിലാണ് ഏറ്റവും മികച്ചവരെനന്നു തങ്ങള്ക്കു തെളിയിക്കാനുള്ളത്.
കഴിഞ്ഞ കുറച്ചു വര്ഷങ്ങളായി ഇന്ത്യന് പേസര്മാരുടെ പ്രകടനം വിലയിരുത്തിയാല് എത്ര മികച്ച രീതിയിലാണ് പേസര്മാര് പന്തെറിഞ്ഞതെന്നു വ്യക്തമാവും.
ഇന്ത്യയുടെ ബൗളിങ് ആക്രമണത്തിനു കരുത്ത് വര്ധിച്ചു കൊണ്ടിരിക്കുകയാണ്. ഏതു തരത്തിലുള്ള പിച്ചിലും കരുത്തു കാട്ടാനുള്ള മിടുക്ക് ഇപ്പോഴത്തെ ബൗളര്മാര്ക്കുണ്ടെന്നും ഭുവി പറഞ്ഞു.