Click it and Unblock the Notifications
അര്ജുന് നായര്, 17 വയസ്സ്
സിഡ്നിയാണ് അര്ജുന് നായരുടെ തട്ടകം. അച്ഛന് ജയാനന്ദ് നായര്. അമ്മ ശാലിനി നായര്. ഒരു സഹോദരിയുണ്ട്. കളിയിലേക്ക് വന്നാല് വലംകൈയന് ബാറ്റ്സ്മാനും ഓഫ് സ്പിന് ബൗളറുമാണ് അര്ജുന്.
ഗ്രെഗ് ചാപ്പലിന്റെ പ്രശംസ
ഓസ്ട്രേലിയ അണ്ടര് 19 ടീമിന്റെ കോച്ചും ഇതിഹാസ താരവുമായ ഗ്രെഗ് ചാപ്പലിന് വലിയ പ്രതീക്ഷയാണ് അര്ജുന് നായരില് ഉള്ളത്. ഓസ്ട്രേലിയന് സീനിയര് ടീമില് എത്താനുള്ള ചവിട്ടുപടിയായിട്ടാണ് ഷെഫീല്ഡ് ഷീല്ഡിനെ കളിക്കാര് കാണുന്നത്
ബാറ്റിംഗും ബൗളിംഗും
ദേശീയ അണ്ടര് 19 ചാമ്പ്യന്ഷിപ്പില് മെട്രോയ്ക്ക് വേണ്ടി കളിച്ച് അര്ജുന് മികച്ച പ്രകടനമാണ് പുറത്തെടുത്തത്. ഫൈനലില് 10 ഓവറില് 24 റണ്സിന് 6 വിക്കറ്റ് വീഴ്ത്തിയ അര്ജുന് 41 റണ്സും അടിച്ചു. കളി മെട്രോ ജയിച്ചു.
കളി നടക്കും വ്യാഴാഴ്ച
ന്യൂ സൗത്ത് വെയില്സ് വ്യാഴാഴ്ചയാണ് സൗത്ത് ഓസ്ട്രേലിയയ്ക്കെതിരെ കളിക്കുന്നത്. 12 പേരുടെ ടീമില് അര്ജുന് ഇടം കിട്ടിക്കഴിഞ്ഞു. പ്ലെയിങ് ഇലവനിലും ഇടം കിട്ടുമെന്നാണ് പ്രതീക്ഷ. കോഫ്സ് ഹാര്ബറിലാണ് കളി നടക്കുന്നത്.
ലോകകപ്പ് നഷ്ടമായി
ബാംഗ്ലാദേശില് നടന്ന അണ്ടര് 19 ലോകകപ്പില് നിന്നും ഓസ്ട്രേലിയ പിന്മാറിയത് അര്ജുന് വലിയ നഷ്ടമായി. ഓസ്ട്രേലിയയുടെ ലോകകപ്പ് ടീമില് അര്ജുന് ഉണ്ടായിരുന്നു. കഴിഞ്ഞ ഏതാനും വര്ഷങ്ങളായി ഓസ്ട്രേലിയയിലെ ആഭ്യന്തര ക്രിക്കറ്റില് മികച്ച പ്രകടനം നടത്തി വരികയാണ് അര്ജുന്.
Continue with Google