Click it and Unblock the Notifications
8000 റണ്സ് ക്ലബ്ബില്
ഏകദിനത്തില് 8000 റണ്സ് ക്ലബ്ബില് രോഹിത്തും അംഗമായി. ഏറ്റവും വേഗത്തില് ഈ നേട്ടം കൈവരിച്ച മൂന്നാമത്തെ താരമെന്ന റെക്കോര്ഡിനൊപ്പം ഹിറ്റ്മാനെത്തുകയും ചെയ്തു.
200 ഇന്നിങ്സുകളില് നിന്നാണ് രോഹിത് 8000 റണ്സ് പൂര്ത്തിയാക്കിയത്. ഇന്ത്യയുടെ മുന് നായകനും ഇതിഹാസ താരവുമായ സൗരവ് ഗാംഗുലിയും ഇത്ര തന്നെ ഇന്നിങ്സുകളിലാണ് 8000 റണ്സെന്ന നാഴികക്കല്ല് പിന്നിട്ടത്.
വേണ്ടിയിരുന്നത് 46 റണ്സ്
അഞ്ചാം ഏകദിനത്തില് ഇന്ത്യക്കായി ബാറ്റിങിന് ഇറങ്ങുമ്പോള് 8000 റണ്സ് തികയ്ക്കാന് രോഹിത്തിന് വേണ്ടിയിരുന്നത് 46 റണ്സായിരുന്നു. 67 പന്തുകളില് നിന്നും ഇത്രയും റണ്സെടുത്ത് താരം 8000 റണ്സ് ക്ലബ്ബിലെത്തുകയും ചെയ്തു.
ഏറ്റവും വേഗത്തില് 8000 റണ്സെടുത്ത താരമെന്ന റെക്കോര്ഡ് ഇന്ത്യന് നായകന് വിരാട് കോലിയുടെ പേരിലാണ്. 175 ഇന്നിങ്സുകളിലാണ് താരത്തിന്റെ നേട്ടം. ദക്ഷിണാഫ്രിക്കയുടെ മുന് സൂപ്പര് താരം എബി ഡിവില്ലിയേഴ്സാണ് (182 ഇന്നിങ്സ്) ലിസ്റ്റില് രണ്ടാംസ്ഥാനത്തുള്ളത്.
ആദ്യ മൂന്നു കളികളില് ഫ്ളോപ്പ്
ഓസീസിനെതിരായ ഏകദിന പരമ്പരയിലെ ആദ്യത്തെ മൂന്ന് മല്സരങ്ങളില് ദയനീയ പ്രകടനമാണ് രോഹിത് കാഴ്ചവച്ചത്. വെറും 51 റണ്സ് മാത്രമേ ആദ്യ മൂന്നു കളികൡല് ഹിറ്റ്മാന് നേടാനായുള്ളൂ. എന്നാല് നാലാം ഏകദിനത്തില് അദ്ദേഹം ശക്തമായി തിരിച്ചുവന്നു.
അര്ഹിച്ച സെഞ്ച്വറി വെറും അഞ്ച് റണ്സ് അകലെയാണ് രോഹിത്തിന് നഷ്ടമായ്. ഈ പ്രകടനം നല്കിയ ആത്മവിശ്വാസത്തില് അഞ്ചാം ഏകദിനത്തിലും താരം ഫിഫ്റ്റിയുമായി കസറുകയായിരുന്നു.
Continue with Google