ആശംസകള് നേര്ന്ന് കോലി
മുന് ടീമംഗമായ റായുഡുവിന്റെ വിരമിക്കലില് ഞെട്ടലൊന്നുമില്ലെന്ന തരത്തിലായിരുന്നു കോലിയുടെ പ്രതികരണം. അമ്പാട്ടിക്ക് എല്ലാ വിധ ആശംസകളും. നിങ്ങളൊരു വലിയ മനുഷ്യന് തന്നെയാണെന്നും കോലി ട്വിറ്ററില് കുറിച്ചു.
ലോകകപ്പിന് മുമ്പ് വരെ ഇന്ത്യയുടെ നാലാം നമ്പര് ബാറ്റ്സ്മാനെന്ന് കോലി ഉറപ്പിച്ച കളിക്കാരനായിരുന്നു റായുഡു. എന്നാല് തികച്ചും അപ്രതീക്ഷിതമായാണ് ലോകകപ്പ് ടീമില് നിന്നും അദ്ദേഹം ഒഴിവാക്കപ്പെട്ടത്.
ശങ്കറിന് പരിക്കേറ്റിട്ടും ഇടമില്ല
റായുഡുവിന് പകരം തമിഴ്നാട്ടില് നിന്നുള്ള യുവ ഓള്റൗണ്ടര് വിജയ് ശങ്കറിനെയാണ് നേരത്തേ ഇന്ത്യയുടെ ലോകകപ്പ് ടീമിലുള്പ്പെടുത്തിയിരുന്നത്. ഒഫീഷ്യല് സ്റ്റാന്ഡ് ബൈ ലിസ്റ്റിലുണ്ടായിരുന്ന താരമായിരുന്നു റായുഡു.
എന്നാല് വിജയ് ശങ്കര് പരിക്കുകാരണം പിന്മാറിയിട്ടും റായുഡുവിനെ പരിഗണിക്കാന് സെലക്ടര്മാര് തയ്യാറായില്ല. മധ്യനിര ബാറ്റ്സ്മാനായ ശങ്കറിനു പകരം ഓപ്പണര് മായങ്ക് അഗര്വാളിനെയാണ് ഇന്ത്യ ടീമിലുള്പ്പെടുത്തിയത്. കോലിയുടെയും കോച്ച് രവി ശാസ്ത്രിയുടെയും നിര്ദേശത്തെ തുടര്ന്നായിരുന്നു ഇതെന്നാണ് സൂചന.
55 ഏകദിനങ്ങള് കളിച്ചു
ഇന്ത്യക്കു 55 ഏകദിനങ്ങളില് റായുഡു കളിച്ചിട്ടുണ്ട്. മൂന്നു സെഞ്ച്വറികളും 10 ഫിഫ്റ്റികളുമടക്കം 1694 റണ്സാണ് താരത്തിന്റെ സമ്പാദ്യം. ആറു ടി ട്വന്റികളില് മാത്രമേ റായുഡു ഇന്ത്യക്കായി കളിച്ചിട്ടുള്ളൂ. 42 റണ്സാണ് നേടാനായത്. ടെസ്റ്റില് ഇന്ത്യക്കു വേണ്ടി കളിക്കാന് താരത്തിനു ഭാഗ്യമുണ്ടായില്ല. 2013ല് സിംബാബ്വെയ്ക്കായി ഏകദിനത്തില് കളിച്ചായിരുന്നു റായുഡു ഇന്ത്യക്കുവേണ്ടി അരങ്ങേറ്റം കുറിച്ചത്. ഈ വര്ഷം റാഞ്ചിയില് നടന്ന ഏകദിനത്തില് ഓസ്ട്രേലിയക്കെതിരേയാണ് അവസാനമായി ഇന്ത്യന് കുപ്പായമണിഞ്ഞത്.