Click it and Unblock the Notifications
വിഹാരിയുടെ ബൗളിങ്
ഓഫ് സ്പിന്നറായും ടീമിന് ഉപയോഗിക്കാമെന്നതിനാണ് ആദ്യ ടെസ്റ്റില്‍ രോഹിത്തിനു പകരം വിാഹാരിയെ കളിപ്പിച്ചതെന്നു കോലി വെളിപ്പെടുത്തി. ടീം കോമ്പിനേഷന്‍ വളരെ പ്രധാനമായിരുന്നു. അങ്ങനെയാണ് വിഹാരിക്കു പരിഗണന നല്‍കിയത്. പാര്‍ട്ട് ടൈം ബൗളറായ താരത്തെ ഓവര്‍ റേറ്റ് വേഗത്തിലാക്കാന്‍ ടീമിന് ഉപയോഗപ്പെടുത്താമെന്നും ഉറപ്പുണ്ടായിരുന്നെന്നു ഇന്ത്യന്‍ ക്യാപ്റ്റന്‍ കൂട്ടിച്ചേര്‍ത്തു.
ടീം സെലക്ഷനെക്കുറിച്ച് ചര്‍ച്ച
ടെസ്റ്റിലെ പ്ലെയിങ് ഇലവനെ പ്രഖ്യാപിക്കും മുമ്പ് ടീം സെലക്ഷനെക്കുറിച്ചു ഗ്രൂപ്പ് ചര്‍ച്ച നടത്തിയിരുന്നു. ടീമിന് ഏറ്റവും മികച്ചത് എന്തെന്നു തീരുമാനിക്കുന്നതിനു വേണ്ടിയായിരുന്നു ഇത്. ടീമിന്റെ പ്ലെയിങ് ഇലവനെക്കുറിച്ച് എല്ലായ്‌പ്പോഴും പുറത്തു നിന്നും അഭിപ്രായപ്രകടനങ്ങള്‍ വരാറുണ്ട്. എന്നാല്‍ എന്താണ് ടീമിന്റെ താല്‍പ്പര്യങ്ങളെന്നു എല്ലാവര്‍ക്കുമറിയാമെന്നും കോലി വിശദമാക്കി.
പ്രതീക്ഷ കാത്ത് വിഹാരി
ടീം തന്നിലര്‍പ്പിച്ച വിശ്വാസം കാത്തുസൂക്ഷിക്കുന്ന പ്രകടനമാണ് ആദ്യ ടെസ്റ്റില്‍ വിഹാരി കാഴ്ചവച്ചത്. ഒന്നാമിന്നിങ്‌സില്‍ ഇന്ത്യ ബാറ്റിങ് തകര്‍ച്ച നേരിട്ടപ്പോള്‍ വിലപ്പെട്ട 32 റണ്‍സ് സംഭാവന ചെയ്ത താരം രണ്ടാമിന്നിങ്‌സിലും കസറി. 419 റണ്‍സെന്ന വന്‍ വിജയലക്ഷ്യം വിന്‍ീസിന് മുന്നില്‍ വയ്ക്കാന്‍ വിഹാരിയും നിര്‍ണായക പങ്കു വഹിച്ചിരുന്നു. 93 റണ്‍സാണ് താരം അടിച്ചെടുത്തത്. വിഹാരിയുടെ ടെസ്റ്റ് കരിയറിലെ ഏറ്റവും മികച്ച പ്രകടനം കൂടിയാണിത്.
രോഹിത്തിന്റെ തിരിച്ചുവരവ്
നിശ്ചിത ഓവര്‍ ടീമിലെ അവിഭാജ്യ ഘടവും വൈസ് ക്യാപ്റ്റനുമായ രോഹിത് പക്ഷെ ടെസ്റ്റില്‍ പലപ്പോഴും ടീമിന് അകത്തും പുറത്തുമായി തുടരുകയായിരുന്നു. ഇംഗ്ലണ്ടില്‍ നടന്ന കഴിഞ്ഞ ലോകകപ്പിലെ അവിസ്മരണീയ ബാറ്റിങ് പ്രകടനമാണ് ഹിറ്റ്മാനെ വിന്‍ഡീസിനെതിരായ ടെസ്റ്റ് പരമ്പരയ്ക്കുള്ള ടീമിലുമെത്തിച്ചത്.
