ഓര്‍മയുണ്ടോ ഈ മുഖം? പാണ്ഡ്യ ഇവിടെയുണ്ട്... കംഗാരുക്കളെ വേട്ടയാടാന്‍ താരമെത്തും, മടങ്ങിവരവ് ഉടന്‍

By

അഹമ്മദാബാദ്: ഇന്ത്യന്‍ ക്രിക്കറ്റ് ടീമിന് ഏറെക്കാലത്തിനു ലഭിച്ച ഫാസ്റ്റ് ബൗളിങ് ഓള്‍റൗണ്ടറാണ് യുവതാരം ഹര്‍ദിക് പാണ്ഡ്യ. ഐപിഎല്ലിലൂടെ വന്ന് പിന്നീട് ദേശീയ ടീമിന്റെ ഭാഗമായി മാറിയ പാണ്ഡ്യ വളരെ പെട്ടെന്നാണ് തന്റെ സ്ഥാനമുറപ്പിച്ചത്. മൂന്നു ഫോര്‍മാറ്റുകളിലും ടീമിന്റെ അവിഭാജ്യ ഘടകമായി മാറിയ പാണ്ഡ്യയെ ഇതിഹാസ താരം കപില്‍ ദേവിന്റെ പിന്‍ഗാമിയെന്നാണ് പലരും വിശേഷിപ്പിച്ചത്.

ടി20: ഓസീസിനെ തൂത്തുവാരുമോ ടീം ഇന്ത്യ? സാധിച്ചാല്‍ റാങ്കിങില്‍ എന്ത് സംഭവിക്കും... കണക്കുകള്‍ ഇങ്ങനെ

ഖത്തര്‍ ഫുട്‌ബോള്‍ ലോകകപ്പിനായുള്ള കൗണ്ട്ഡൗണ്‍ തുടങ്ങി; ഒരുക്കങ്ങള്‍ തകൃതി

ഇംഗ്ലണ്ടില്‍ അടുത്ത വര്‍ഷം നടക്കാനിരിക്കുന്ന ലോകകപ്പില്‍ ഇന്ത്യയുടെ തുറുപ്പുചീട്ടുകളിലൊന്നായി മാറുമെന്ന് വിലയിരുത്തപ്പെടുന്ന താരം കൂടിയാണ് അദ്ദേഹം. പരിക്ക് വില്ലനായതിനെ ഏഷ്യാ കപ്പിനു ശേഷം ദേശീയ ടീമില്‍ നിന്നും മാറിനില്‍ക്കുകയായിരുന്ന പാണ്ഡ്യ തിരിച്ചുവരവിന് തയ്യാറെടുക്കുകയാണ്.

പുറംഭാഗത്തേറ്റ പരിക്ക്

പുറംഭാഗത്തേറ്റ പരിക്ക്

കഴിഞ്ഞ ഏഷ്യാ കപ്പില്‍ കളിക്കുന്നതിനിടെയാണ് പാണ്ഡ്യയുടെ പുറംഭാഗത്തിന് സാരമായി പരിക്കേറ്റത്. തുടര്‍ന്ന് ടൂര്‍ണമെന്റില്‍ നിന്നും പിന്‍മാറിയ ശേഷം വിശ്രമത്തിലായിരുന്നു അദ്ദേഹം. വെസ്റ്റ് ഇന്‍ഡീസിനെതിരേ നടന്ന കഴിഞ്ഞ ടെസ്റ്റ്, ഏകദിനം, ടി20 പരമ്പരകള്‍ പാണ്ഡ്യക്കു നഷ്ടമായിരുന്നു. ഓസ്‌ട്രേലിയക്കെതിരേയുള്ള മൂന്നു മല്‍സരങ്ങളുടെ ടി20 പരമ്പരയിലും താരം കളിക്കുന്നില്ല.

ഏകദിന പരമ്പരയില്‍ കളിച്ചേക്കും

ഏകദിന പരമ്പരയില്‍ കളിച്ചേക്കും

മൂന്നു മല്‍സരങ്ങളുടെ ടി20യും തുടര്‍ന്നു നടക്കുന്ന നാലു ടെസ്റ്റുകളും കഴിഞ്ഞ് മൂന്ന് ഏകദിനങ്ങളില്‍ കൂടി ഇന്ത്യ ഓസ്‌ട്രേലിയയില്‍ കളിക്കുന്നുണ്ട്. ഈ ഏകദിന പരമ്പരയില്‍ ഇന്ത്യന്‍ ടീമില്‍ തിരിച്ചെത്തുകയാണ് തന്റെ ലക്ഷ്യമെന്നു പാണ്ഡ്യ പറഞ്ഞു. 2019 ജനുവരിയിലാണ് ഏകദിന പരമ്പര നടക്കുന്നത്.
പൂര്‍ണ ഫിറ്റ്‌നസ് വീണ്ടെടുക്കുന്നതിനായി മുംബൈയില്‍ കഠിന പരിശീലനം നടത്തുകയാണ്. 60 ദിവസങ്ങള്‍ക്കു ശേഷമാണ് വീണ്ടും ബൗള്‍ ചെയ്യുന്നത്. ഓസീസിനെതിരായ ഏകദിന പരമ്പരയില്‍ കുറച്ച് ഓവറുകള്‍ ബൗള്‍ ചെയ്യാനായാല്‍ തനിക്കു പഴയ താളത്തിലെത്താനാവുമെന്ന് താരം വിശദമാക്കി.

ഓസീസിനെതിരേ മികച്ച പ്രകടനം നടത്തും

ഓസീസിനെതിരേ മികച്ച പ്രകടനം നടത്തും

ഓസ്‌ട്രേലിയക്കെതിരേ മികച്ച പ്രകടനം തന്നെ ടീം ഇന്ത്യ കാഴ്ചവയ്ക്കുമെന്ന് തനിക്കുറപ്പുണ്ടെന്ന് പാണ്ഡ്യ പറഞ്ഞു. ഓസീസിനെ അവരുടെ തട്ടകത്തില്‍ നേരിടുക എളുപ്പമല്ല. എന്നാല്‍ ഇന്ത്യ കരുത്തുറ്റ ടീമാണ്. നല്ല പോരാട്ടം തന്നെ ടീം പുറത്തെടുക്കുമെന്ന് ഉറപ്പുണ്ട്. ഇന്ത്യ- ഓസീസ് പരമ്പര ഏറെ ആവേശകരമായിരിക്കുമെന്ന കാര്യത്തില്‍ സംശയം വേണ്ടെന്നും ഓള്‍റൗണ്ടര്‍ കൂട്ടിച്ചേര്‍ത്തു.

സിവ ധോണിയുടെ 'കമോൺ ഹാർദിക്' വീഡിയോ വൈറൽ | Oneindia Malayalam
ക്രുനാലിനെക്കുറിച്ച് സന്തോഷം

ക്രുനാലിനെക്കുറിച്ച് സന്തോഷം

പാണ്ഡ്യയുടെ അഭാവത്തില്‍ ജ്യേഷ്ഠനും ഓള്‍റൗണ്ടറുമായ ക്രുനാല്‍ പാണ്ഡ്യ ദേശീയ ടീമിലെത്തിയിരുന്നു. വിന്‍ഡീസിനെതിരായ ടി20 പരമ്പരയില്‍ കളിച്ച ക്രുനാല്‍ ഓസീസിനെതിരായ പരമ്പരയിലും സ്ഥാനം നിലനിര്‍ത്തിയിരുന്നു.
ക്രുനാല്‍ ഇന്ത്യന്‍ ടീമിലെത്തിയതില്‍ ഏറെ ആഹ്ലാദവാനാണ് ഹര്‍ദിക്. ഓസീസിനെതിരേ ഇന്ത്യക്കു വേണ്ടി ക്രുനാല്‍ കളിക്കുന്നതില്‍ ഏറെ സന്തോഷമുണ്ടെന്ന് അദ്ദേഹം പറഞ്ഞു.

For Quick Alerts
ALLOW NOTIFICATIONS
For Daily Alerts

    ക്രിക്കറ്റ് ഇഷ്ടമാണോ? എന്നാല്‍ അതു തെളിയിക്കൂ, മൈഖേല്‍ ഫാന്റസി ക്രിക്കറ്റ് കളിയ്ക്കൂ

    Story first published: Wednesday, November 21, 2018, 12:31 [IST]
    Other articles published on Nov 21, 2018
    ഇന്ത്യയിലെ എക്കാലത്തെയും ഏറ്റവും വലിയ തിരഞ്ഞെടുപ്പ് സർവ്വേ.. നിങ്ങൾ ഇനിയും പങ്കെടുത്തില്ലേ?
    POLLS

    myKhel ലില്‍ നിന്നും ഏറ്റവും പുതിയ വാര്‍ത്തകള്‍ അറിയാന്‍

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more