ഇന്ത്യക്കു 200 റണ്സ് ലീഡ്
രണ്ടാമിന്നിങ്സില് രണ്ടാം ദിനം കളി നിര്ത്തുമ്പോള് ഇന്ത്യ ഒരു വിക്കറ്റിന് 84 റണ്സെടുത്തിട്ടുണ്ട്. ഒമ്പതു വിക്കറ്റുകള് കൈയിലിരിക്കെ ഇന്ത്യ ഇപ്പോള് 200 റണ്സിന് മുന്നിലാണ്.
ഹനുമാ വിഹാരിയും (48*) നായകന് രഹാനെയുമാണ് (20*) ക്രീസിലുള്ളത്. 13 റണ്സെടുത്ത മായങ്ക് അഗര്വാളാണ് പുറത്തായത്.
വിന്ഡീസ് 181ന് പുറത്ത്
ഇന്ത്യയുടെ ഒന്നാമിന്നിങ്സ് സ്കോറായ അഞ്ചിന് 297ന് ഡിക്ലയേര്ഡിനു മറുപടിയില് വിന്ഡീസിന്റെ ആദ്യ ഇന്നിങ്സ് വെറും 181 റണ്സിന് അവസാനിച്ചു. ഓപ്പണര് കവെം ഹോഡ്ജിനു (51) മാത്രമേ ഇന്ത്യന് ബൗളിങ് ആക്രമണത്തിനു മുന്നില് പിടിച്ചുനില്ക്കാനായുള്ളൂ. 33 റണ്സെടുത്ത ജാമര് ഹാമില്റ്റണാണ് മറ്റൊരു സ്കോറര്.
മൂന്നു വിക്കറ്റ് വീതമെടുത്ത ഇഷാന്ത് ശര്മ, ഉമേഷ് യാദവ്, കുല്ദീപ് യാദവ് എന്നിവര് ചേര്ന്നാണ് വിന്ഡീസിനെ എറിഞ്ഞൊതുക്കിയത്.
പുജാരയ്ക്കു സെഞ്ച്വറി
നേരത്തേ ടെസ്റ്റ് സ്പെഷ്യലിസ്റ്റ് ചേതേശ്വര് പുജാരയുടെ (100) സെഞ്ച്വറിയാണ് ആദ്യ ഇന്നിങ്സില് ഇന്ത്യക്കു കരുത്തായത്. 187 പന്തുകള് നേരിട്ട പുജാരയുടെ ഇന്നിങ്സില് എട്ടു ബൗണ്ടറികളും ഒരു സിക്സറുമുള്പ്പെട്ടിരുന്നു. രോഹിത് ശര്മയാണ് (68) മറ്റൊരു പ്രധാന സ്കോറര്. മല്സരത്തില് അഞ്ചാമനായാണ് രോഹിത് ഇറങ്ങിയത്.
വിഹാരി (37*), ലോകേഷ് രാഹുല് (36), റിഷഭ് പന്ത് (33) എന്നിവര് ഭേദപ്പെട്ട പ്ര്കടനം നടത്തി.