ഓപ്പണര്മാരായി വീരേന്ദര് സെവാഗും സൗരവ് ഗാംഗുലിയും തന്നെ ഇറങ്ങാനാണ് സാധ്യത. ഇന്ത്യന് ആരാധകര് കാണാന് ആഗ്രഹിക്കുന്ന ഓപ്പണിങ് കൂട്ടുകെട്ടും ഇതാണ്. സച്ചിന് ടെണ്ടുല്ക്കറില്ലാത്തതിനാല് സെവാഗിനൊപ്പം ഗാംഗുലി ഓപ്പണറായാല് ആരാധകര്ക്കത് വലിയ ആവേശം നല്കും. ഇടം കൈയന് ഓപ്പണറായ ഗാംഗുലി ഒരു കാലത്ത് ഓഫ് സൈഡിലെ ഗംഭീര ഷോട്ടുകളിലൂടെ ആരാധകരെ വിസ്മയിപ്പിച്ച താരമാണ്. മുന് ഇന്ത്യന് നായകനായ ഗാംഗുലി നിലവിലെ ബിസിസി ഐ പ്രസിഡന്റുകൂടിയാണ്.
വീരേന്ദര് സെവാഗ് പഴയ വെടിക്കെട്ട് വീരു തന്നെയാണ്. റോഡ് സേഫ്റ്റി ടൂര്ണമെന്റില് കളിച്ചപ്പോഴും പാട്ടുപാടി സിക്സര് നേടുന്ന സെവാഗിന്റെ വീഡിയോ വളരെ വൈറലായിരുന്നു. മൂന്നാം നമ്പറില് തമിഴ്നാടുകാരനായ സുബ്രമണ്യ ബദരിനാഥിനാണ് അവസരം. ഇന്ത്യക്കൊപ്പം വലിയ കരിയര് സൃഷ്ടിക്കാനായില്ലെങ്കിലും ഐപിഎല്ലിലൂടെ ആരാധകര്ക്ക് വലിയ സുപരിചിതനായ താരമാണ് അദ്ദേഹം.
നാലാം നമ്പറില് മുന് സൂപ്പര് താരം മുഹമ്മദ് കൈഫിനെയാണ് ഇന്ത്യ പരിഗണിക്കാന് സാധ്യത. ഫീല്ഡിങ് മികവുകൊണ്ട് വിസ്മയിപ്പിച്ചിരുന്ന കൈഫ് വിരമിച്ച ശേഷം പരിശീലകനെന്ന നിലയിലും അവതാരകനെന്ന നിലയിലും ക്രിക്കറ്റില് സജീവമായിരുന്നു. അഞ്ചാം നമ്പറില് വിക്കറ്റ് കീപ്പറായി പാര്ഥിവ് പട്ടേല്-നമാന് ഓജ എന്നിവരിലൊരാള്ക്ക് അവസരം ലഭിക്കും. സെവാഗിനൊപ്പം പാര്ഥിവിനെ ഓപ്പണറാക്കി ഗാംഗുലി മൂന്നാമനാവാനുള്ള സാധ്യതയുമുണ്ട്.
IND vs PAK: 100 % ജയം ഏതെങ്കിലും ക്യാപ്റ്റനുണ്ടോ?, മൂന്ന് പേര്ക്കുണ്ട്, ഒരേ ഒരു ഇന്ത്യക്കാരന്
ആറാമന് ഇര്ഫാന് പഠാനാണ്. മുന് ഇടം കൈയന് പേസ് ഓള്റൗണ്ടര് റോഡ് സേഫ്റ്റി സീരിസിലടക്കം തകര്പ്പന് ബാറ്റിങ് പ്രകടനം കാഴ്ചവെച്ച് ഞെട്ടിച്ചിരുന്നു. ഇപ്പോഴും മികച്ച പ്രകടനം നടത്താന് കെല്പ്പുള്ള താരങ്ങളിലൊരാളാണ് ഇര്ഫാന്. ഏഴാമനായി ഹര്ഭജന് സിങ്ങിനെയാണ് ഇന്ത്യ പരിഗണിക്കാന് സാധ്യത കൂടുതല്. ഇന്ത്യയുടെ സൂപ്പര് സ്പിന്നര് ഓള്റൗണ്ടറാണ് ഹര്ഭജന് സിങ്.
എട്ടാമനായി സ്റ്റുവര്ട്ട് ബിന്നിയേയും ഒമ്പതാമനായി എസ് ശ്രീശാന്തിനേയും 10ാമനായി ആര്പി സിങ്ങിനേയും 11ാമനായി പ്രഗ്യാന് ഓജയേയും ഇന്ത്യ പരിഗണിച്ചേക്കും. സ്വാതന്ത്ര്യദിനാഘോഷത്തിന്റെ ഭാഗമായി നടക്കുന്ന മത്സരത്തില് ഇന്ത്യക്ക് ജയം വളരെ പ്രധാനപ്പെട്ടതാണെങ്കിലും കരുത്തരുടെ നിരയുമായി എത്തുന്ന റെസ്റ്റ് ഓഫ് വേള്ഡ് ടീമിനെ തോല്പ്പിക്കുക വളരെ പ്രയാസം തന്നെയായിരിക്കും.
ASIA CUP: സ്ഥിരം വേട്ടമൃഗം 'ബംഗ്ലാദേശ്', ശ്രീലങ്കയോട് കട്ടക്ക് കട്ട, ഇന്ത്യയുടെ കണക്കുകളറിയാം
ഇന്ത്യന് ടീം- സൗരവ് ഗാംഗുലി (ക്യാപ്റ്റന്), വീരേന്ദര് സെവാഗ്, മുഹമ്മദ് കൈഫ്, യൂസഫ് പഠാന്, സുബ്രമണ്യ ബദരിനാഥ്, ഇര്ഫാന് പഠാന്, പാര്ത്ഥിവ് പട്ടേല്, സ്റ്റുവര്ട്ട് ബിന്നി, എസ് ശ്രീശാന്ത്, ഹര്ഭജന് സിങ്, നമാന് ഓജ, അശോക് ഡിന്ഡ, പ്രഗ്യാന് ഓജ, അജയ് ജഡേജ, ആര്പി സിങ്, ജോഗീന്ദര് ശര്മ, രിതീന്ദര് സിങ് സോധി.
റെസ്റ്റ് ഓഫ് വേള്ഡ്- ഓയിന് മോര്ഗന്, ലിന്ഡല് സിമ്മണ്സ്, ഹെര്ഷ്വല് ഗിബ്സ്, ജാക്സ് കാലിസ്, സനത് ജയസൂര്യ, മാറ്റ് പ്രിറര്, നതാന് മക്കല്ലം, ജോണ്ടി റോഡ്സ്, മുത്തയ്യ മുരളീധരന്, ഡെയ്ല് സ്റ്റെയിന്, ഹാമില്ട്ടന് മസാകഡ്സ, മഷറഫെ മൊര്ത്താസ, അസ്ഹര് അഫ്ഗാന്, മിച്ചല് ജോണ്സണ്, ബ്രെറ്റ് ലീ, കെവിന് ഒബ്രെയ്ന്, ദിനേഷ് രാംദിന്.